ਮੰਡੀ ਲਾਧੂਕਾ, 6 ਮਈ (ਮਨਪ੍ਰੀਤ ਸਿੰਘ ਸੈਣੀ)-ਸਬ ਡਿਵੀਜ਼ਨ ਲਾਧੂਕਾ ਵਿਖੇ ਮੁਲਾਜ਼ਮ ਯੂਨਾਈਟਿਡ ਆਰਗੇਨਾਈਜ਼ੇਸ਼ਨ ਵਲੋਂ ਸਬ ਡਿਵੀਜ਼ਨ ਲਾਧੂਕਾ ਤੋਂ ਮੰਟੂ ਸ਼ਰਮਾ ਅਤੇ ਪਰਮਪਾਲ ਲਾਈਨਮੈਨ ਦੀ ਜੋ ਜਬਰੀ ਬਦਲੀ ਕੀਤੀ ਗਈ ਸੀ, ਉਸ ਦੇ ਸਬੰਧ ਵਿਚ ਮੰਡੀ ਲਾਧੂਕਾ ਦੀ ਸਬ ਡਿਵੀਜ਼ਨ ਦੇ ਐੱਸ.ਡੀ.ਓ ਨੂੰ ਮਿਲਿਆ ਗਿਆ ਸੀ | ਜਿਸ ਵਿਚ ਲਿਖਤੀ ਰੂਪ ਵਿਚ ਦਿੱਤਾ ਗਿਆ ਸੀ ਕਿ ਜੋ ਵੀ ਨਵਾਂ ਕਰਮਚਾਰੀ ਮੰਡੀ ਲਾਧੂਕਾ ਸਬ ਡਿਵੀਜ਼ਨ ਵਿਖੇ ਧੱਕੇ ਨਾਲ ਬਦਲੀ ਕਰਾ ਕੇ ਆ ਰਿਹਾ ਹੈ | ਉਨ੍ਹਾਂ ਨੂੰ ਜੁਆਇਨ ਨਾ ਕਰਵਾਇਆ ਜਾਵੇ, ਪ੍ਰੰਤੂ ਲਿਖਤੀ ਦੇਣ ਦੇ ਬਾਵਜੂਦ ਵੀ ਮੰਡੀ ਲਾਧੂਕਾ ਦੇ ਐੱਸ.ਡੀ.ਓ ਵਲੋਂ ਨਵੇਂ ਕਰਮਚਾਰੀ ਨੂੰ ਇੱਥੇ ਸਬ ਡਿਵੀਜ਼ਨ ਲਾਧੂਕਾ ਵਿਖੇ ਜੁਆਇਨ ਕਰਵਾਇਆ ਗਿਆ ਹੈ | ਜਿਸ ਦੇ ਰੋਸ ਵਜੋਂ ਜਥੇਬੰਦੀ ਵਲੋਂ ਅਣਮਿਥੇ ਸਮੇਂ ਲਈ ਧਰਨੇ ਦੀ ਕੋਲ ਦਿੱਤੀ ਗਈ ਹੈ ਅਤੇ ਅੱਜ ਤੋਂ ਕੰਮਕਾਜ ਬੰਦ ਕਰਕੇ ਅਣਮਿਥੇ ਸਮੇਂ ਲਈ ਧਰਨਾ ਸ਼ੁਰੂ ਕੀਤਾ ਗਿਆ ਹੈ | ਇਸ ਮੌਕੇ ਬੁਲਾਰਿਆਂ ਵਲੋਂ ਇਸ ਚੀਜ਼ ਦੀ ਸਖ਼ਤ ਸ਼ਬਦਾਂ 'ਚ ਨਿੰਦਾ ਕੀਤੀ ਗਈ ਅਤੇ ਜੇਕਰ ਇਹ ਬਦਲੀਆਂ ਨਾ ਰੋਕੀਆਂ ਗਈਆਂ ਤਾਂ ਸੰਘਰਸ਼ ਨੂੰ ਹੋਰ ਤਿੱਖਾ ਕੀਤਾ ਜਾਵੇਗਾ¢ ਇਸ ਮੌਕੇ 'ਤੇ ਡਿਵੀਜ਼ਨ ਪ੍ਰਧਾਨ ਕੇਵਲ ਕਿ੍ਸ਼ਨ, ਸਬ ਡਿਵੀਜ਼ਨ ਪ੍ਰਧਾਨ ਸ਼ਿੰਦਰ ਸਿੰਘ, ਸਕੱਤਰ ਸੋਮ ਕੁਮਾਰ, ਮੁੱਖ ਸਲਾਹਕਾਰ ਮੇਜਰ ਸਿੰਘ ਅਤੇ ਵੱਖ-ਵੱਖ ਜਥੇਬੰਦੀਆਂ ਦੇ ਆਗੂ ਸਾਹਿਬਾਨ ਅਤੇ ਮੁਲਾਜ਼ਮ ਹਾਜ਼ਰ ਸਨ |