ਰਾਸ਼ਟਰੀ ਪੱਧਰ ਦੀ ਪੇਂਟਿੰਗ ਪ੍ਰਤੀਯੋਗਤਾ ਵਿਚ ਐਨ.ਸੀ.ਸੀ. ਕੈਡਟ ਆਰਤੀ ਨੇ ਹਾਸਿਲ ਕੀਤਾ 29ਵਾਂ ਸਥਾਨ
ਅਬੋਹਰ, 8 ਅਗਸਤ (ਸੁਖਜੀਤ ਸਿੰਘ ਬਰਾੜ)-ਗੋਪੀਚੰਦ ਆਰਿਆ ਮਹਿਲਾ ਕਾਲਜ ਦੀ ਐਨ. ਸੀ.
ਅਬੋਹਰ, 8 ਅਗਸਤ (ਸੁਖਜੀਤ ਸਿੰਘ ਬਰਾੜ)-ਗੋਪੀਚੰਦ ਆਰਿਆ ਮਹਿਲਾ ਕਾਲਜ ਦੀ ਐਨ.ਸੀ.ਸੀ. ਕੈਡਟ ਆਰਤੀ ਨੇ 6 ਪੰਜਾਬ ਬੀ.ਐਨ. ਐਨ.ਸੀ.ਸੀ. ਮਲੋਟ ਅਧੀਨ ਭਾਰਤ ਸਰਕਾਰ ਦੇ ‘ਮਿਨਿਸਟਰੀ ਆਫ਼ ਸੋਸ਼ਲ ਜਸਟਿਸ ਐਂਡ ਐਂਪਾਵਰਮੈਂਟ’ ਵਲੋਂ ਕਰਵਾਈ ਗਈ ਰਾਸ਼ਟਰੀ ਪੱਧਰ ਦੀ ਪ੍ਰਤੀਯੋਗਤਾ ਪੇਂਟਿੰਗ ਕੰਪੀਟੀਸ਼ਨ ਔਨ ਸੋਸ਼ਲ ਜਸਟਿਸ ਫ਼ਾਰ ਵਿਕਸਿਤ ਭਾਰਤ 2047 ਵਿਚ 29ਵਾਂ ਸਥਾਨ ਹਾਸਲ ਕਰਕੇ ਕਾਲਜ ਦਾ ਨਾਂ ਰੌਸ਼ਨ ਕੀਤਾ ਹੈ। ਦੇਸ਼ ਭਰ ਦੇ ਭਾਗੀਦਾਰਾਂ ਵਿਚੋਂ ਪਹਿਲੇ 30 ਸਥਾਨਾਂ ਵਿਚ ਚੁਣੇ ਜਾਣਾ ਆਰਤੀ ਦੀ ਮਿਹਨਤ ਅਤੇ ਰਚਨਾਤਮਿਕ ਪ੍ਰਤਿਭਾ ਨੂੰ ਦਰਸਾਉਂਦਾ ਹੈ। ਇਸ ਉਪਲਬਧੀ ’ਤੇ ਕਾਲਜ ਪ੍ਰਿੰਸੀਪਲ ਡਾ. ਰੇਖਾ ਸੂਦ ਹਾਂਡਾ, ਐਨ.ਸੀ.ਸੀ. ਸੀ.ਟੀ.ਓ. ਸੀਮਾ ਰਾਜੋਰਾ ਅਤੇ ਸਮੁੱਚੇ ਸਟਾਫ਼ ਨੇ ਆਰਤੀ ਨੂੰ ਵਧਾਈ ਦਿੱਤੀ। ਪ੍ਰਿੰਸੀਪਲ ਨੇ ਕਿਹਾ ਕਿ ਅਜਿਹੀਆਂ ਪ੍ਰਾਪਤੀਆਂ ਹੋਰਨਾਂ ਵਿਦਿਆਰਥੀਆਂ ਨੂੰ ਵੀ ਰਾਸ਼ਟਰੀ ਪੱਧਰ ’ਤੇ ਆਪਣੀ ਪ੍ਰਤਿਭਾ ਦਿਖਾਉਣ ਲਈ ਪ੍ਰੇਰਿਤ ਕਰਦੀਆਂ ਹਨ।
