ਅੰਮਿ੍ਤਸਰ, 24 ਜਨਵਰੀ (ਰਾਜੇਸ਼ ਕੁਮਾਰ ਸ਼ਰਮਾ)-ਭਾਰਤੀ ਵਪਾਰ ਮੰਡਲ ਦੀ ਇਕ ਮੀਟਿੰਗ ਅੱਜ ਪੰਜਾਬ ਪ੍ਰਧਾਨ ਰਾਜੀਵ ਅਨੇਜਾ ਅਤੇ ਅੰਮਿ੍ਤਸਰ ਦੇ ਪ੍ਰਧਾਨ ਰਾਜੀਵ ਦੁੱਗਲ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ 'ਚ ਪੰਜਾਬ ਰਾਜ ਬਿਜਲੀ ਬੋਰਡ, ਅੰਮਿ੍ਤਸਰ ਦੇ ਮੁੱਖ ਇੰਜੀਨੀਅਰ ਰਾਜੀਵ ਪਰਾਸ਼ਰ ਨੇ ਹਿੱਸਾ ਲਿਆ | ਵਪਾਰ ਮੰਡਲ ਦੇ ਸਾਰੇ ਅਧਿਕਾਰੀਆਂ ਅਤੇ ਮੈਂਬਰਾਂ ਨੇ ਬਿਜਲੀ ਬੋਰਡ ਦੇ ਮੁੱਖ ਇੰਜੀਨੀਅਰ ਰਾਜੀਵ ਪਰਾਸ਼ਰ ਨੂੰ ਬਿਜਲੀ ਸੰਬੰਧੀ ਵਪਾਰੀਆਂ ਨੂੰ ਦਰਪੇਸ਼ ਸਮੱਸਿਆਵਾਂ ਬਾਰੇ ਜਾਣੰੂ ਕਰਵਾਇਆ | ਮੰਡਲ ਦੇ ਜਨਰਲ ਸਕੱਤਰ ਰਾਜੀਵ ਗੁਲਾਟੀ ਨੇ ਮੀਟਿੰਗ 'ਚ ਸ਼ਾਮਲ ਹੋਣ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ ਅਤੇ ਉਨ੍ਹਾਂ ਨੂੰ ਬਿਜਲੀ ਸੰਬੰਧੀ ਵਪਾਰੀਆਂ ਨੂੰ ਦਰਪੇਸ਼ ਸਮੱਸਿਆਵਾਂ ਨੂੰ ਜਲਦੀ ਤੋਂ ਜਲਦੀ ਹੱਲ ਕਰਨ ਦੀ ਬੇਨਤੀ ਕੀਤੀ | ਇਸ ਦੌਰਾਨ ਰਾਜੀਵ ਪਰਾਸ਼ਰ ਨੂੰ ਮੰਡਲ ਵਲੋਂ ਸਨਮਾਨਿਤ ਵੀ ਕੀਤਾ | ਮੀਟਿੰਗ ਦੌਰਾਨ ਡਾ. ਸੁਰੇਸ਼ ਸੂਦ, ਰਾਜ ਕੁਮਾਰ ਮਹਾਜਨ, ਐਡਵੋਕੇਟ ਖਹਿਰਾ, ਰਾਜੂ ਨਾਰੰਗ, ਵਿਕਰਮ ਬੱਗਾ, ਰਣਜੀਤ ਸਿੰਘ ਅਰੋੜਾ, ਰਣਜੀਤ ਕੁਮਾਰ ਜੀਤਾ, ਵਿਜੇ ਸੇਠ, ਸੁਦੀਪ ਪੋਪਲੀ, ਰਾਜੀਵ ਕਪੂਰ, ਰਿਸ਼ੀ ਪੋਦਾਰ, ਵਿਜੇ ਸਿੰਘਾਨੀਆ, ਭਰਤ ਪੋਪਲੀ, ਰਾਕੇਸ਼ ਕੁਮਾਰ, ਸੰਕੇਤ ਖੇਮਕਾ ਅਤੇ ਮਾਧਵ ਸ਼ਰਮਾ ਮੌਜੂਦ ਸਨ |
