ਅੰਮਿ੍ਤਸਰ, 2 ਮਾਰਚ (ਰੇਸ਼ਮ ਸਿੰਘ)-ਭਾਵੇਂ ਕਿ ਮੋਟਾਪਾ ਕਿਸੇ ਸਮੇਂ ਪਛਮੀਂ ਦੇਸ਼ਾਂ ਦੀ ਸਮੱਸਿਆ ਮੰਨਿਆ ਜਾਂਦਾ ਸੀ ਪਰ ਹੁਣ ਭਾਰਤ ਦੇ ਛੋਟੇ ਤੇ ਵੱਡੇ ਸ਼ਹਿਰਾਂ ਨੂੰ ਵੀ ਪ੍ਰਭਾਵਿਤ ਕਰ ਰਿਹਾ ਹੈ ਅਤੇ ਦੇਸ਼ ਦੀ ਇਕ ਤਿਹਾਈ ਆਬਾਦੀ ਮੋਟਾਪੇ ਦਾ ਸ਼ਿਕਾਰ ਹੋ ਚੁੱਕੀ ਹੈ | ਇਹ ਪ੍ਰਗਟਾਵਾ ਫੋਰਟਿਸ ਐਸਕਾਰਟ ਹਸਪਤਾਲ ਦੇ ਮਿਨੀਮਲ ਐਕਸਿਸ, ਜੀ. ਆਈ. ਅਤੇ ਬੈਰੀਆਟਿਕ ਸਰਜ਼ਨ ਡਾ: ਅਰੁਣ ਕੁਮਾਰ ਸ਼ਰਮਾ ਨੇ ਕੀਤਾ | ਉਨ੍ਹਾਂ ਦੱਸਿਆ ਕਿ ਲਗਭਗ 21.8 ਕਰੋੜ ਮਰਦ ਅਤੇ 23 .1 ਕਰੋੜ ਔਰਤਾਂ (ਦੇਸ਼ ਦੀ ਆਬਾਦੀ ਦਾ ਲਗਭਗ ਇਕ ਤਿਹਾਈ) ਨੂੰ ਜ਼ਿਆਦਾ ਭਾਰ ਜਾਂ ਮੋਟੇ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ | ਜੋ ਇਸ ਮੁੱਦੇ ਕਾਰਨ ਹੋਣ ਵਾਲੀਆਂ ਬਿਮਾਰੀਆਂ ਬਾਰੇ ਚਿੰਤਾ ਪੈਦਾ ਕਰ ਰਿਹਾ ਹੈ | ਇਸਦੇ ਨਾਲ ਹੀ ਟਾਈਪ-2 ਡਾਇਬਟੀਜ਼, ਹਾਈ ਬਲੱਡ ਪ੍ਰੈਸ਼ਰ, ਔਬਸਟ੍ਰਕਟਿਵ ਸਲੀਪ ਐਪਨੀਆ, ਫੈਟੀ ਲੀਵਰ ਦੀ ਬਿਮਾਰੀ ਅਤੇ ਦਿਲ ਦੀ ਬਿਮਾਰੀ ਵਿਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ | ਮੋਟਾਪੇ ਦੇ ਮਾਮਲੇ 'ਚ ਪੰਜਾਬ ਦੂਜੇ ਸਥਾਨ 'ਤੇ ਹੈ ਕਿਉਂਕਿ ਇਸ ਦੀ 57 ਫੀਸਦੀ ਤੋਂ ਵੱਧ ਆਬਾਦੀ ਮੋਟਾਪੇ ਤੋਂ ਪੀੜਤ ਹੈ | ਕਿਸ਼ੋਰਾਂ ਵਿਚ ਮੋਟਾਪੇ ਦੀ ਦਰ 3 ਵਿਚੋਂ 1 ਹੈ, ਯਾਨੀ ਕਿ 10-16 ਸਾਲ ਦੀ ਉਮਰ ਦੇ 31 ਫੀਸਦੀ ਬੱਚੇ ਮੋਟਾਪੇ ਨਾਲ ਜੂਝ ਰਹੇ ਹਨ | ਦੂਜੇ ਪਾਸੇ ਇਸ ਦੇ ਇਲਾਜ਼ ਲਈ ਬਹੁਤ ਸਾਰੇ ਲੋਕਾਂ ਲਈ ਜੋ ਅਪ੍ਰੇਸ਼ਨ ਤੋਂ ਡਰਦੇ ਹਨ ਉਹ ਟੀਕਿਆਂ ਨਾਲ ਇਲਾਜ ਕਰਵਾਉਣ ਲਈ ਉਤਸਕ ਹਨ ਹਾਲਾਂਕਿ ਇਹ ਟੀਕੇ ਮਹਿੰਗੇ ਹੋ ਸਕਦੇ ਹਨ ਅਤੇ ਵਿਆਪਕ ਤੌਰ 'ਤੇ ਬੀਮੇ ਦੁਆਰਾ ਕਵਰ ਵੀ ਨਹੀਂ ਕੀਤੇ ਜਾਂਦੇ ਹਨ | ਇਸਦੇ ਦੂਜੇ ਪੱਖ 'ਚ ਬੈਰੀਐਟਿ੍ਕ ਸਰਜਰੀ ਦੇ ਪੱਖ ਵਿਚ ਇਕ ਵਾਧੂ ਕਾਰਕ ਇਹ ਹੈ ਕਿ ਇਹ 40 ਜਾਂ ਇਸ ਤੋਂ ਵੱਧ ਦੇ ਬੀ. ਐੱਮ. ਆਈ. ਕੱਟ-ਆਫ-ਪੁਆਇੰਟ ਜਾਂ 35 ਤੋਂ ਵੱਧ ਦੇ ਬੀ. ਐੱਮ. ਆਈ. 'ਤੇ ਬੀਮੇ ਦੇ ਅਧੀਨ ਕਵਰ ਕੀਤਾ ਜਾਂਦਾ ਹੈ | ਭਾਰ ਘਟਾਉਣ ਵਾਲੇ ਟੀਕਿਆਂ ਨੇ ਮੋਟਾਪੇ ਦੀ ਦੇਖਭਾਲ ਨੂੰ ਬਦਲ ਦਿੱਤਾ ਹੈ ਅਤੇ ਉਨ੍ਹਾਂ ਲੱਖਾਂ ਲੋਕਾਂ ਨੂੰ ਉਮੀਦ ਦੀ ਪੇਸ਼ਕਸ਼ ਕੀਤੀ ਹੈ ਜੋ ਪਹਿਲਾਂ ਪ੍ਰਭਾਵਸ਼ਾਲੀ ਵਿਕਲਪਾਂ ਤੋਂ ਬਿਨਾਂ ਸੰਘਰਸ਼ ਕਰ ਰਹੇ ਸਨ | ਬੈਰੀਐਟਿ੍ਕ ਸਰਜਰੀ ਸਭ ਤੋਂ ਸ਼ਕਤੀਸ਼ਾਲੀ ਬਣੀ ਹੋਈ ਹੈ ਅਤੇ ਗੰਭੀਰ ਮੋਟਾਪੇ ਅਤੇ ਸ਼ੂਗਰ ਲਈ ਟਿਕਾਊ ਦਖਲਅੰਦਾਜ਼ੀ-ਖਾਸ ਤੌਰ 'ਤੇ ਭਾਰਤ ਵਰਗੇ ਦੇਸ਼ ਵਿਚ ਢੱੁਕਵੀਂ ਹੈ, ਜਿੱਥੇ ਪਾਚਕ ਰੋਗ ਜਲਦੀ ਅਤੇ ਹਮਲਾਵਰ ਢੰਗ ਨਾਲ ਵਿਕਸਤ ਹੁੰਦੇ ਹਨ |
