ਸ਼ਹਿਜ਼ਾਦਾਨੰਦ ਕਾਲਜ 'ਨੈਸ਼ਨਲ ਚੇਂਜ ਮੇਕਰ ਐਵਾਰਡ 2026' ਨਾਲ ਸਨਮਾਨਿਤ <br/>

ਅ

ਅਜੀਤ ਡੈਸਕ 04-03-2026

ਅੰਮਿ੍ਤਸਰ, 3 ਮਾਰਚ (ਰਾਜੇਸ਼ ਕੁਮਾਰ ਸ਼ਰਮਾ)-ਸ਼ਹਿਜ਼ਾਦਾਨੰਦ ਕਾਲਜ ਗ੍ਰੀਨ ਐਵੀਨਿਊ ਅੰਮਿ੍ਤਸਰ ਨੂੰ ਨੈਸ਼ਨਲ ਐਜੂਟਰੱਸਟ ਆਫ ਇੰਡੀਆ ਵਲੋਂ ਨੈਸ਼ਨਲ ਚੇਂਜ ਮੇਕਰ ਐਵਾਰਡ 2026 ਨਾਲ ਸੰਸਥਾਗਤ ਸ਼੍ਰੇਣੀ 'ਚ ਸਨਮਾਨਿਤ ਕੀਤਾ ਗਿਆ ਹੈ, ਜੋ ਕਿ ਕਾਲਜ ਲਈ ਮਾਣ ਅਤੇ ਗੌਰਵ ਦੀ ਗੱਲ ਹੈ | ਕਾਲਜ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਸ੍ਰੀਮਤੀ ਸੁਸ਼ਮਾ ਮਹਿਰਾ ਦੀ ਸਰਪ੍ਰਸਤੀ ਅਤੇ ਪਿ੍ੰਸੀਪਲ ਡਾ. ਰੀਨਾ ਤਲਵਾੜ ਦੀ ਯੋਗ ਅਗਵਾਈ ਹੇਠ ਸੰਸਥਾ ਲਗਾਤਾਰ ਨਵੀਆਂ ਉਚਾਈਆਂ ਨੂੰ ਛੂਹ ਰਹੀ ਹੈ | ਇਹ ਸਨਮਾਨ ਕਾਲਜ ਦੇ ਸ਼ਾਨਦਾਰ ਯੋਗਦਾਨ, ਪ੍ਰਭਾਵਸ਼ਾਲੀ ਲਾਗੂਕਰਨ ਅਤੇ ਵਾਤਾਵਰਨ ਸਥਿਰਤਾ, ਭਾਈਚਾਰਕ ਸ਼ਮੂਲੀਅਤ ਅਤੇ ਸੰਸਥਾਗਤ ਪਰਿਵਰਤਨ ਪ੍ਰਤੀ ਮਿਸਾਲੀ ਵਚਨਬੱਧਤਾ ਦਾ ਪ੍ਰਮਾਣ ਹੈ | ਸੰਬੰਧਿਤ ਸੰਸਥਾ ਵਲੋਂ ਕਾਲਜ ਦੀ ਨਵੀਨਤਾਕਾਰੀ ਅਭਿਆਸਾਂ ਅਤੇ ਸਥਿਰਤਾ-ਅਧਾਰਤ ਪਹਿਲਕਦਮੀਆਂ 'ਚ ਸਮਰਪਿਤ ਭਾਗੀਦਾਰੀ ਦੀ ਵਿਸ਼ੇਸ਼ ਤੌਰ 'ਤੇ ਸ਼ਲਾਘਾ ਕੀਤੀ ਗਈ | ਕਾਲਜ ਨੇ ਆਪਣੇ ਉਪਰਾਲਿਆਂ ਰਾਹੀਂ ਸਮਾਜ 'ਚ ਮਾਪਣਯੋਗ ਅਤੇ ਸਕਾਰਾਤਮਕ ਤਬਦੀਲੀ ਦਾ ਪ੍ਰਦਰਸ਼ਨ ਕੀਤਾ ਹੈ | ਇਸ ਮੌਕੇ ਕਾਲਜ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਸ੍ਰੀਮਤੀ ਸੁਸ਼ਮਾ ਮਹਿਰਾ ਨੇ ਪਿ੍ੰਸੀਪਲ ਡਾ. ਰੀਨਾ ਤਲਵਾੜ ਅਤੇ ਪੂਰੀ ਟੀਮ ਦਾ ਧੰਨਵਾਦ ਪ੍ਰਗਟ ਕਰਦੇ ਹੋਏ ਨੋਡਲ ਅਫਸਰ ਡਾ. ਬਲਜੀਤ ਰੰਧਾਵਾ, ਨਵਨੀਤ ਕੌਰ ਦਿਓਲ, ਮਨਿੰਦਰ ਕੌਰ ਫੈਕਲਟੀ ਮੈਂਬਰਾਂ ਅਤੇ ਵਿਦਿਆਰਥੀਆਂ ਦੇ ਸਾਂਝੇ ਯਤਨਾਂ ਦੀ ਸਰਾਹਨਾ ਕੀਤੀ | ਉਨ੍ਹਾਂ ਕਿਹਾ ਕਿ ਸੰਸਥਾ ਭਵਿੱਖ 'ਚ ਵੀ ਸਮਾਜਿਕ ਅਤੇ ਵਾਤਾਵਰਨਕ ਜ਼ਿੰਮੇਵਾਰੀਆਂ ਨੂੰ ਨਿਭਾਉਂਦੀ ਰਹੇਗੀ |

ਪਿਛਲੀ ਖ਼ਬਰ ਬੀ. ਬੀ. ਕੇ. ਡੀ. ਏ. ਵੀ. ਕਾਲਜ ਫਾਰ ਵੁਮੈਨ ਨੇ ਆਫ਼ਤ ਪ੍ਰਬੰਧਨ ਸਿਖਲਾਈ ਕੈਂਪ 'ਚ ਹਿੱਸਾ ਲਿਆ <br/> ਅਗਲੀ ਖ਼ਬਰ ਕੋਲਾ ਵਪਾਰੀਆਂ ਦੀ 'ਮਨਮਾਨੀ' ਇੱਟ ਭੱਠਾਂ ਮਾਲਕਾਂ ਲਈ ਬਣੀ ਮੁਸੀਬਤ <br/>

ਸ਼ਹਿਜ਼ਾਦਾਨੰਦ ਕਾਲਜ 'ਨੈਸ਼ਨਲ ਚੇਂਜ ਮੇਕਰ ਐਵਾਰਡ 2026' ਨਾਲ ਸਨਮਾਨਿਤ <br/>

ਸੰਬੰਧਿਤ ਖ਼ਬਰਾਂ