ਬਾਬਾ ਬਕਾਲਾ ਸਾਹਿਬ, 12 ਅਪ੍ਰੈਲ (ਸ਼ੇਲਿੰਦਰਜੀਤ ਸਿੰਘ ਰਾਜਨ)-ਪੰਜਾਬ ਸਕੂਲ ਸਿਖਿਆ ਬੋਰਡ ਵੱਲੋਂ ਐਲਾਨੇ ਗਏ 8ਵੀਂ ਜਮਾਤ ਦੇ ਨਤੀਜੇ 'ਚ ਇਲਾਕੇ ਦੀ ਨਾਮਵਰ ਵਿਦਿਅਕ ਸੰਸਥਾ ਸ਼ਹੀਦ ਦਰਸ਼ਨ ਸਿੰਘ ਫੇਰੂਮਾਨ ਪਬਲਿਕ ਸਕੂਲ, ਬੁਤਾਲਾ ਦਾ ਨਤੀਜਾ ਹਰ ਸਾਲ ਵਾਗ ਐਤਕੀਂ ਵੀ 100% ਰਿਹਾ ਹੈ | ਪ੍ਰਭਜੋਤ ਕੌਰ ਨੇ 98.50%, ਅਵਕੀਰਤ ਕੌਰ ਨੇ 97.50%, ਅਵਨੀਤ ਕੌਰ ਨੇ 97.33% ਅੰਕ ਹਾਂਸਲ ਕਰਕੇ ਪੰਜਾਬ ਭਰ 'ਚੋਂ ਕ੍ਰਮਵਾਰ 9ਵਾਂ, 15ਵਾਂ ਅਤੇ 16ਵਾਂ ਸਥਾਨ ਹਾਸਲ ਕੀਤਾ ਹੈ ਅਤੇ ਜ਼ਿਲ੍ਹੇ 'ਚੋਂ ਕ੍ਰਮਵਾਰ 6ਵਾਂ, 11ਵਾਂ ਅਤੇ 12ਵਾਂ ਸਥਾਨ ਹਾਂਸਲ ਕੀਤਾ ਹੈ | ਸਕੂਲ ਦੇ ਕੁਲ 93 ਵਿਦਿਆਰਥੀਆ ਨੇ ਅੱਠਵੀਂ ਦੀ ਬੋਰਡ ਪ੍ਰੀਖਿਆ ਦਿੱਤੀ | ਜਿਨ੍ਹਾਂ ਵਿੱਚੋਂ 8 ਵਿਦਿਆਰਥੀਆਂ ਨੇ 95% ਤੋਂ ਵੱਧ, 10 ਵਿਦਿਆਰਥੀਆਂ ਨੇ 90% ਤੋਂ ਉਪਰ, 34 ਵਿਦਿਆਰਥੀਆਂ ਨੇ 80% ਤੋਂ ਉੱਪਰ ਅਤੇ ਬਾਕੀ 41 ਵਿਦਿਆਰਥੀਆਂ ਨੇ 75% ਤੋਂ ਉੱਪਰ ਅੰਕ ਹਾਂਸਿਲ ਕਰਕੇ ਪੰਜਾਬ ਭਰ ਵਿਚ ਸਕੂਲ ਦਾ ਨਾਂ ਰੌਸ਼ਨ ਕੀਤਾ ਹੈ | ਇਸ ਪ੍ਰਾਪਤੀ ਦਾ ਸਿਹਰਾ ਸਕੂਲ ਮੈਨੇਜਮੈਂਟ ਟਰੱਸਟ ਦੇ ਚੇਅਰਪਰਸਨ ਸ੍ਰੀਮਤੀ ਸਤਨਾਮ ਕੌਰ ਸੇਖੋਂ, ਵਾਇਸ ਚੇਅਰਮੈਨ ਸ: ਕੰਵਰਦੀਪ ਸਿੰਘ ਸੇਖੋਂ, ਸਕੂਲ ਦੇ ਚੇਅਰਮੇਨ ਐਡਵੋਕੇਟ ਸ: ਸੁਖਦਿਆਲ ਸਿੰਘ ਬੱਲ, ਸੈਕਟਰੀ ਸ: ਸਵਿੰਦਰ ਸਿੰਘ ਬੱਲ, ਸਕੂਲ ਦੇ ਸਕੂਲ ਦੇ ਕੋਆਰਡੀਨੇਟਰ ਸ੍ਰੀ ਅੰਕੁਰ ਸ਼ਰਮਾ, ਪਿ੍ੰਸੀਪਲ ਸ੍ਰੀਮਤੀ ਜਸਵਿੰਦਰ ਕੌਰ ਅਤੇ ਸਕੂਲ ਦੇ ਮਿਹਨਤੀ ਅਧਿਆਪਕਾਂ ਅਤੇ ਬੱਚਿਆਂ ਦੇ ਮਾਪਿਆਂ ਸਿਰ ਜਾਂਦਾ ਹੈ |
