ਚੱਬਾ, 8 ਮਈ (ਜੱਸਾ ਅਣਜਾਣ)-ਗੁਰਦੁਆਰਾ ਸ਼ਹੀਦ ਗੰਜ ਸਾਹਿਬ (ਬਾਬੇ ਸ਼ਹੀਦਾਂ) ਰੋਜ਼ਾਨਾ ਦੀ ਤਰ੍ਹਾਂ ਮੱਥਾ ਟੇਕਣ ਗਏ ਸ਼ਰਧਾਲੂ ਦੀ ਐਕਟਿਵਾ ਚੋਰੀ ਹੋਣ ਦਾ ਸਮਚਾਰ ਪ੍ਰਾਪਤ ਹੋਇਆ ਹੈ | ਇਸ ਚੋਰੀ ਹੋਈ ਐਕਟਿਵਾ ਬਾਰੇ ਗੁਰਦੇਵ ਸਿੰਘ ਵਾਸੀ ਵਰਪਾਲ ਕਲਾਂ ਨੇ ਦੱਸਿਆ ਕਿ ਉਹ ਰੋਜ਼ਾਨਾ ਦੀ ਤਰ੍ਹਾਂ ਸ਼ਾਮ ਨੂੰ ਗੁਰਦੁਆਰਾ ਬਾਬੇ ਸ਼ਹੀਦਾਂ ਵਿਖੇ ਨਤਮਸਤਕ ਹੋਣ ਜਾਂਦੇ ਹਨ | ਅੱਜ ਉਹ ਆਪਣੀ ਐਕਟਿਵਾ ਜਿਸ ਦਾ ਨੰਬਰ ਪੀ. ਬੀ. 02-ਸੀ. ਵੀ. 7188 ਹੈ | ਉਸ ਨੂੰ ਬਾਹਰਵਾਰ ਜੋੜਾ ਘਰ ਦੇ ਸਾਹਮਣੇ ਲਾ ਕੇ ਸਮਾਂ ਸ਼ਾਮ ਚਾਰ ਵੱਜ ਕੇ ਦਸ ਮਿੰਟ ਦਾ ਸੀ | ਆਪ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਣ ਚਲੇ ਗਏ | ਜਦ ਉਹ ਵਾਪਿਸ ਆਏ ਤਾਂ ਉਥੇ ਐਕਟਿਵਾ ਨਜ਼ਰ ਨਹੀਂ ਆਈ | ਨੇੜੇ ਲੱਗੇ ਸੀ. ਸੀ. ਟੀ. ਵੀ. ਕੈਮਰਿਆਂ ਵਿਚ ਚੋਰ ਚੋਰੀ ਕਰਦਾ ਨਜ਼ਰ ਆ ਰਿਹਾ ਹੈ | ਪਰ ਉਸ ਦਾ ਚੇਹਰਾ ਸਾਫ ਨਜ਼ਰ ਨਹੀਂ ਆ ਰਿਹਾ | ਇਥੇ ਹੀ ਬਸ ਨਹੀਂ ਅੱਜ ਦੋ ਹੋਰ ਸ਼ਰਧਾਲੂਆਂ ਦੀਆਂ ਐਕਟਿਵਾ ਚੋਰੀ ਹੋਈਆਂ ਹਨ | ਇਸ ਚੋਰੀ ਹੋਈ ਐਕਟਿਵਾ ਬਾਰੇ ਨਾਲ ਲੱਗਦੇ ਪੁਲਿਸ ਥਾਣਾ ਸੀ. ਡਵੀਜ਼ਨ ਵਿਖੇ ਐੱਫ. ਆਈ. ਆਰ ਦਰਜ ਕਰਵਾ ਦਿੱਤੀ ਹੈ |
