ਅੰਮ੍ਰਿਤਸਰ, 24 ਜੁਲਾਈ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਹੈਲਪ ਅ ਚਾਈਲਡ ਆਫ਼ ਇੰਡੀਆ ਦੇ ਪ੍ਰੋਜੈਕਟ ਅੰਮ੍ਰਿਤਸਰ ਚਾਈਲਡ ਡਿਵੈਲਪਮੈਂਟ ਨੇ 5 ਵੱਖ-ਵੱਖ ਇਲਾਕਿਆਂ ‘ਚ ਮੁਫ਼ਤ ਜਨਰਲ ਹੈਲਥ ਚੈੱਕ-ਅੱਪ ਕੈਂਪ ਲਗਾਏ ਗਏ। ਇਹ ਕੈਂਪ ਮਿਲੀਅਨ ਹਾਰਟਸ ਬੀਟਿੰਗ ਫਾਊਂਡੇਸ਼ਨ ਦੇ ਤਕਨੀਕੀ ਸਹਿਯੋਗ ਨਾਲ ਪ੍ਰੀਤ ਨਗਰ, ਹਾਊਸਿੰਗ ਬੋਰਡ ਕਾਲੋਨੀ ਅਤੇ ਸੰਜੇ ਗਾਂਧੀ ਕਾਲੋਨੀ, ਫੈਜ਼ਪੁਰਾ, ਕਿਰਪਾਲ ਕਾਲੋਨੀ ਅਤੇ ਮਲਕਪੁਰ ਵਿਖੇ ਲਗਾਏ ਗਏ। ਇਸ ਕੈਂਪ ਦੌਰਾਨ ਬੱਚਿਆਂ ਅਤੇ ਔਰਤਾਂ ‘ਤੇ ਵਿਸ਼ੇਸ਼ ਧਿਆਨ ਨਾਲ ਮੁਫ਼ਤ ਸਿਹਤ ਜਾਂਚ, ਸ਼ੂਗਰ, ਐੱਚ. ਬੀ. ਅਤੇ ਈ. ਸੀ. ਜੀ. ਦੇ ਮੁਫ਼ਤ ਟੈਸਟ, ਡਾਕਟਰ ਦੀ ਸਲਾਹ ਤੋਂ ਬਾਅਦ 5 ਦਿਨਾਂ ਦੀਆਂ ਮੁਫ਼ਤ ਦਵਾਈਆਂ, ਪੋਸ਼ਣ, ਸਫਾਈ ਅਤੇ ਬਚਾਅ ਬਾਰੇ ਸਿਹਤ ਜਾਗਰੂਕਤਾ ਸੰਬੰਧੀ ਜਾਣੂੰ ਕਰਵਾਇਆ ਗਿਆ। ਇਸ ਦੌਰਾਨ ਪਵਨ ਮਸੀਹ ਨੇ ਕਿਹਾ ਕਿ ਅੰਮ੍ਰਿਤਸਰ ਚਾਈਲਡ ਡਿਵੈਲਪਮੈਂਟ ਲੋਕਾਂ ਦੀ ਸੇਵਾ ਲਈ ਸਮਰਪਿਤ ਹੈ ਅਤੇ ਹਮੇਸ਼ਾ ਰਹੇਗਾ।
