ਛੁੱਟੀ ਆਏ ਸਿੱਖ-ਲਾਈਟ ਦੇ ਫ਼ੌਜੀ ਹੌਲਦਾਰ ਦੀ ਸੜਕ ਹਾਦਸੇ ’ਚ ਮੌਤ
ਅੰਮ੍ਰਿਤਸਰ, 12 ਅਗਸਤ (ਰੇਸ਼ਮ ਸਿੰਘ) -ਇੱਥੇ ਛੁੱਟੀ ਕੱਟਣ ਲਈ ਆਪਣੇ ਘਰ ਆਏ ਸਿੱਖ ਲਾਈਟ ਕੰਪਨੀ ਦੇ ਫੌਜੀ ਹੌਲਦਾਰ ਦੀ ਸੜਕ ਹਾਦਸੇ ’ਚ ਮੌਤ ਹੋ ਗਈ। ਮ੍ਰਿਤਕ ਦੀ ਸ਼ਨਾਖਤ ਸੰਦੀਪ ਸਿੰਘ (35) ਵਾਸੀ ਪਿੰਡ ਨੌਸ਼ਿਹਰਾ ਕਲਾਂ ਮਜੀਠਾ ਰੋਡ ਵਜੋਂ ਹੋਈ ਹੈ ।
ਅੰਮ੍ਰਿਤਸਰ, 12 ਅਗਸਤ (ਰੇਸ਼ਮ ਸਿੰਘ) -ਇੱਥੇ ਛੁੱਟੀ ਕੱਟਣ ਲਈ ਆਪਣੇ ਘਰ ਆਏ ਸਿੱਖ ਲਾਈਟ ਕੰਪਨੀ ਦੇ ਫੌਜੀ ਹੌਲਦਾਰ ਦੀ ਸੜਕ ਹਾਦਸੇ ’ਚ ਮੌਤ ਹੋ ਗਈ। ਮ੍ਰਿਤਕ ਦੀ ਸ਼ਨਾਖਤ ਸੰਦੀਪ ਸਿੰਘ (35) ਵਾਸੀ ਪਿੰਡ ਨੌਸ਼ਿਹਰਾ ਕਲਾਂ ਮਜੀਠਾ ਰੋਡ ਵਜੋਂ ਹੋਈ ਹੈ । ਮ੍ਰਿਤਕ ਦੇ ਭਰਾ ਸੁਖਜੀਤ ਸਿੰਘ ਨੇ ਦੱਸਿਆ ਕਿ ਉਸਦਾ ਭਰਾ ਇੰਡੀਅਨ ਆਰਮੀਂ ’ਚ ਬਤੌਰ ਹੌਲਦਾਰ 6 ਸਿੱਖ ਲਾਈਟ ਕੰਪਨੀ ’ਚ ਤਾਇਨਾਤ ਸੀ ਜਿਸ ਦੀ ਬਟਾਲੀਅਨ ਇਸ ਵੇਲੇ ਸ੍ਰੀਨਗਰ ਸੀ । ਉਹ ਬੀਤੇ ਦਿਨ ਸ੍ਰੀਨਗਰ ਤੋਂ ਛੁੱਟੀ ਕੱਟਣ ਲਈ ਘਰ ਆਇਆ ਸੀ ਤੇ ਘਰੋਂ ਆਪਣੀ ਐਕਟਿਵਾ ਸਕੂਟਰੀ ਲੈ ਕੇ ਬਾਈਪਾਸ ’ਤੇ ਆਇਆ ਸੀ ਜੋ ਕਾਫੀ ਦੇਰ ਤੱਕ ਘਰ ਨਹੀਂ ਪਰਤਿਆ, ਜਿਸ ਦਾ ਬਾਅਦ ’ਚ ਪਤਾ ਲੱਗਿਆ ਕਿ ਉਸਨੂੂੰ ਕਿਸੇ ਅਣਪਛਾਤੇ ਵਾਹਨ ਨੇ ਟੱਕਰ ਮਾਰ ਦਿੱਤੀ ਹੈ ਅਤੇ ਉਹ ਸੜਕ ਹਾਦਸੇ ’ਚ ਗੰਭੀਰ ਜ਼ਖਮੀਂ ਹੋ ਗਿਆ ਹੈ। ਉਸਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਜਿਥੇ ਉਸਦੀ ਮੌਤ ਹੋਈ । ਥਾਣਾ ਸਦਰ ਦੀ ਪੁਲਿਸ ਵਲੋਂ ਅਣਪਛਾਤੇ ਵਾਹਨ ਚਾਲਕ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
