ਵਿੱਕ ਰਹੇ ਨਕਲੀ ਦੁੱਧ ਪਨੀਰ ਖ਼ਿਲਾਫ਼ ਦੂਜੇ ਦਿਨ ਵੀ ਸਿਹਤ ਵਿਭਾਗ ਨੇ ਕੀਤੀ ਕਾਰਵਾਈ
ਇਕ ਕੁਇੰਟਲ ਨਕਲੀ ਦੁੱਧ ਰੋੜਿਆ ਤੇ ਡੇਅਰੀਆਂ ਤੋਂ ਭਰੇ ਦੁੱਧ ਪਨੀਰ ਤੇ ਦਹੀਂਂ ਦੇ ਨਮੂਨੇ
ਅੰਮ੍ਰਿਤਸਰ, 3 ਸਤੰਬਰ (ਰੇਸ਼ਮ ਸਿੰਘ)-ਪੂਰੇ ਜ਼ਿਲ੍ਹੇ ’ਚ ਧੱੜਲੇ ਨਾਲ ਵਿੱਕ ਰਹੇ ਨਕਲੀ ਦੁੱਧ ਤੇ ਪਨੀਰ ਖਿਲਾਫ ਸਿਹਤ ਵਲੋਂ ਅੱਜ ਦੂਜੇ ਦਿਨ ਵੀ ਮੁਹਿੰਮ ਜਾਰੀ ਰੱਖੀ ਜਿਸ ਤਹਿਤ ਫੂਡ ਸੇਫਟੀ ਵਿਭਾਗ ਦੀ ਟੀਮ ਵਲੋਂ ਅੱਜ ਵੱਖ-ਵੱਖ ਥਾਵਾਂ ’ਤੇ ਦੁੱਧ ਦੀਆਂ ਡੇਅਰੀਆਂ ਦੀ ਜਾਂਚ ਕੀਤੀ ਗਈ ਤੇ ਦੁੱਧ, ਦਹੀਂ ਤੇ ਪਨੀਰ ਦੇ ਨਮੂਨੇ ਭਰੇ ਗਏ। ਇਥੇ ਜ਼ਿਲ੍ਹਾ ਸਿਹਤ ਅਧਿਕਾਰੀ ਡਾ.
ਅੰਮ੍ਰਿਤਸਰ, 3 ਸਤੰਬਰ (ਰੇਸ਼ਮ ਸਿੰਘ)-ਪੂਰੇ ਜ਼ਿਲ੍ਹੇ ’ਚ ਧੱੜਲੇ ਨਾਲ ਵਿੱਕ ਰਹੇ ਨਕਲੀ ਦੁੱਧ ਤੇ ਪਨੀਰ ਖਿਲਾਫ ਸਿਹਤ ਵਲੋਂ ਅੱਜ ਦੂਜੇ ਦਿਨ ਵੀ ਮੁਹਿੰਮ ਜਾਰੀ ਰੱਖੀ ਜਿਸ ਤਹਿਤ ਫੂਡ ਸੇਫਟੀ ਵਿਭਾਗ ਦੀ ਟੀਮ ਵਲੋਂ ਅੱਜ ਵੱਖ-ਵੱਖ ਥਾਵਾਂ ’ਤੇ ਦੁੱਧ ਦੀਆਂ ਡੇਅਰੀਆਂ ਦੀ ਜਾਂਚ ਕੀਤੀ ਗਈ ਤੇ ਦੁੱਧ, ਦਹੀਂ ਤੇ ਪਨੀਰ ਦੇ ਨਮੂਨੇ ਭਰੇ ਗਏ। ਇਥੇ ਜ਼ਿਲ੍ਹਾ ਸਿਹਤ ਅਧਿਕਾਰੀ ਡਾ. ਮਨਜੀਤ ਸਿੰਘ ਰਟੌਲ ਅਤੇ ਰਜਨੀ ਰਾਣੀ ਫੂਡ ਸੇਫਟੀ ਅਫਸਰ ਦੀ ਅਗਵਾਈ ਹੇਠ ਫੂਡ ਸੇਫਟੀ ਟੀਮ ਨੇ ਵੱਖ-ਵੱਖ ਦੁੱਧ ਡੇਅਰੀਆਂ ਦਾ ਨਿਰੀਖਣ ਕੀਤਾ ਅਤੇ ਝਬਾਲ ਅਤੇ ਤਰਨਤਾਰਨ ਰੋਡ ’ਤੇ ਡੇਅਰੀਆਂ ਤੋਂ ਖਰਾਬ ਹੋਏ ਲਗਭਗ 100 ਕਿਲੋ ਦੁੱਧ ਨੂੰ ਨਸ਼ਟ ਕਰ ਦਿੱਤਾ ਅਤੇ ਦੋਵਾਂ ਡੇਅਰੀਆਂ ਤੋਂ ਮਿਸ਼ਰਤ ਦੁੱਧ ਅਤੇ ਇਕ ਦਹੀਂ ਦੇ 2 ਐਨਫੋਰਸਮੈਂਟ ਨਮੂਨੇ ਲਏ ਜਿਨ੍ਹਾਂ ਨੂੰ ਵਿਸ਼ਲੇਸ਼ਣ ਲਈ ਸਟੇਟ ਫੂਡ ਲੈਬ ਖਰੜ ਨੂੰ ਭੇਜਿਆ ਜਾਵੇਗਾ। ਡਾ: ਰਟੌਲ ਨੇ ਦਸਿਆ ਕਿ ਦ ਪੰਜਾਬ ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ ਦੇ ਕਮਿਸ਼ਨਰ. ਸ੍ਰੀਮਤੀ ਕੰਵਲਪ੍ਰੀਤ ਕੌਰ ਬਰਾੜ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਦਲਵਿੰਦਰਜੀਤ ਸਿੰਘ ਅਤੇ ਸਿਵਲ ਸਰਜਨ ਡਾ: ਰਸ਼ਮੀ ਵਿੱਜ ਦੇ ਨਿਰਦੇਸ਼ਾਂ ਅਨੁਸਾਰ ਫੂਡ ਸੇਫਟੀ ਟੀਮ ਵਲੋਂ ਅੱਜ ਦੁੱਧ ਡੇਅਰੀਆਂ ਦੀ ਜਾਂਚ ਕੀਤੀ ਗਈ ਸੀ। ਜਿਸ ਉਪਰੰਤ ਨਕਲੀ ਤੇ ਖਰਾਬ ਦੁਧ ਰੋੜਨ ਦੀ ਕਾਰਵਾਈ ਕੀਤੀ ਗਈ ਹੈ। ਉਨ੍ਹਾਂ ਦਸਿਆ ਕਿ ਆਉਣ ਵਾਲੇ ਸਮੇਂ ’ਚ ਜਾਂਚ ਹੋਰ ਤੇਜ਼ ਕੀਤੀ ਜਾਵੇਗੀ ਤੇ ਸ਼ਹਿਰ ’ਚ ਮਿਲਾਵਟਖੋਰਾਂ ਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
