22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-02-2026

ਕਿ੍ਕਟ ਜ਼ਿਲ੍ਹਾ ਪੱਧਰੀ ਮੁੰਡਿਆਂ ਦੀ ਅੰਡਰ-16 ਤੇ ਕੁੜੀਆਂ ਦੀ ਅੰਡਰ-15 ਟੀਮ ਵਾਸਤੇ ਟਰਾਇਲ 8 ਨੂੰ

Ad Position 21
No active advertisement
ਅਜੀਤ ਡੈਸਕ 06-02-2026
ਤਰਨ ਤਾਰਨ, 5 ਫਰਵਰੀ (ਇਕਬਾਲ ਸਿੰਘ ਸੋਢੀ)—ਪੰਜਾਬ ਕਿ੍ਕਟ ਐਸੋਸੀਏਸ਼ਨ ਵਲੋਂ ਕਰਵਾਏ ਜਾਂਦੇ ਜ਼ਿਲ੍ਹਾ ਪੱਧਰੀ ਕਿ੍ਕਟ ਮੁਕਾਬਲਿਆਂ ਲਈ ਤਰਨ ਤਾਰਨ ਜ਼ਿਲੇ ਦੀ ਮੁੰਡਿਆਂ ਵਰਗ–16 ਅਤੇ ਕੁੜੀਆਂ ਵਰਗ–15 ਟੀਮ ਦੀ ਚੋਣ ਵਾਸਤੇ ਟਰਾਇਲ ਕਰਵਾਏ ਜਾ ਰਹੇ ਹਨ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਤਰਨ ਤਾਰਨ ਕਿ੍ਕਟ ਐਸੋਸੀਏਸ਼ਨ ਦੇ ਸੈਕਟਰੀ ਐਡਵੋਕੇਟ ਹਰਮਿੰਦਰ ਸਿੰਘ ਢਿੱਲੋਂ, ਪ੍ਰਧਾਨ ਅਭੇਜੀਤ ਸਿੰਘ ਸੰਧੂ ਨੇ ਦੱਸਿਆ ਕਿ ਸਾਲ 2026-27 ਲਈ ਮੁੰਡਿਆਂ ਦੀ ਅੰਡਰ–16 ਦੀ ਟੀਮ ਵਾਸਤੇ ਅਤੇ ਕੁੜੀਆਂ ਦੀ ਅੰਡਰ–15 ਦੀ ਟੀਮ ਲਈ ਟਰਾਇਲ 8 ਫਰਵਰੀ ਦਿਨ ਐਤਵਾਰ ਨੂੰ ਸਵੇਰੇ 10 ਵਜੇ ਸੇਂਟ ਰਾਮਾ ਮੈਰੀਡੀਅਨ ਅਕੈਡਮੀ ਪੱਟੀ ਰੋਡ ਤਰਨ ਤਾਰਨ ਵਿਖੇ ਰੱਖੇ ਗਏ ਹਨ | ਇਨਾਂ ਟਰਾਇਲਾਂ ਲਈ ਲੜਕੇ ਜਿਹੜੇ ਇਕ ਸਤੰਬਰ 2010 ਨੂੰ ਜਾਂ ਉਸ ਤੋਂ ਬਾਅਦ ਜਨਮੇ ਤੇ ਕੁੜੀਆਂ ਲਈ 1 ਸਤੰਬਰ 2011 ਨੂੰ ਜਾਂ ਉਸ ਤੋਂ ਬਾਅਦ ਜੰਮੇ ਖਿਡਾਰੀ ਹਿੱਸਾ ਲੈ ਸਕਦੇ ਹਨ | ਖਿਡਾਰੀ ਕਿ੍ਕਟ ਦੀ ਸਫੇਦ ਵਰਦੀ ਪਾ ਕੇ ਆਉਣ 'ਤੇ ਆਪਣੇ ਨਾਲ ਆਧਾਰ ਕਾਰਡ, ਡਿਜੀਟਲ ਜਨਮ ਸਰਟੀਫਿਕੇਟ ਅਤੇ ਰਿਹਾਇਸ਼ੀ ਸਬੂਤ ਲੈ ਕੇ ਆਉਣ | ਇਸ ਮੌਕੇ 'ਤੇ ਉਪ ਪ੍ਰਧਾਨ ਡਾਕਟਰ ਕੁਲਦੀਪ ਸਿੰਘ ਸੰਧੂ, ਜੁਆਇੰਟ ਸੈਕਟਰੀ ਰੋਜ਼ਦੀਪ ਸਿੰਘ, ਖਜਾਨਚੀ ਕਿਰਨਦੀਪ ਕੌਰ, ਸ਼ੇਰ ਜੰਗ ਸਿੰਘ ਹੁੰਦਲ ਅਤੇ ਕੋਚ ਲਵਪ੍ਰੀਤ ਸਿੰਘ ਹਾਜ਼ਰ ਸਨ |
Ad Position 22
No active advertisement
ਪਿਛਲੀ ਖ਼ਬਰ ਮਜੀਠੀਆ ਦੀ ਜਮਾਨਤ ਨਾਲ ਸੱਚ ਦੀ ਜਿੱਤ ਹੋਈ- ਪਿ੍ੰਸ ਫਤਿਆਬਾਦ ਅਗਲੀ ਖ਼ਬਰ ਸ਼ਹੀਦ ਭਾਈ ਤਾਰਾ ਸਿੰਘ ਵਾਂ ਦੀ 300 ਸਾਲਾ ਸ਼ਹੀਦੀ ਸ਼ਤਾਬਦੀ ਸੰਬੰਧੀ ਪ੍ਰਚਾਰਕ ਜਥਿਆਂ ਨਾਲ ਮੀਟਿੰਗ <br/>
Ad Position 24