ਤਰਨ ਤਾਰਨ, 5 ਮਈ (ਹਰਿੰਦਰ ਸਿੰਘ)-ਇਤਿਹਾਸਕ ਨਗਰ ਸੁਰ ਸਿੰਘ ਵਿਖੇ ਸੰਪ੍ਰਦਾਇ ਦਲ ਬਾਬਾ ਬਿਧੀ ਚੰਦ ਜੀ ਮੁਖੀ ਸਿੰਘ ਸਾਹਿਬ ਸੰਤ ਬਾਬਾ ਅਵਤਾਰ ਸਿੰਘ ਸੁਰ ਸਿੰਘ ਵਾਲਿਆਂ ਵਲੋਂ ਗੁਰਦੁਆਰਾ ਸ਼ਿਮਲਾ ਸਾਹਿਬ ਵਿਖੇ 80 ਫੁੱਟ ਲੰਬੇ ਅਤੇ 70 ਫੁੱਟ ਚੌੜੇ ਦੀਵਾਨ ਹਾਲ ਸੇਵਾ ਸ਼ੁਰੂ ਕਰ ਦਿੱਤੀ ਹੈ | ਜਿਸ ਸਬੰਧੀ ਪੋਕਲੇਨ ਨਾਲ ਦੀਵਾਨ ਹਾਲ ਦੀ ਮਜ਼ਬੂਤੀ ਨਾਲ ਉਸਾਰੀ ਕਰਨ ਲਈ ਨੀਹਾਂ ਪੁੱਟਣੀਆਂ ਸ਼ੁਰੂ ਕਰ ਦਿੱਤੀ ਹਨ | ਇਹ ਜਾਣਕਾਰੀ ਸਮਾਜ ਸੇਵਕ ਸੁਖਦੇਵ ਸਿੰਘ ਢਿੱਲੋਂ ਸੁਰਸਿੰਘ ਨੇ ਦਿੰਦਿਆਂ ਦੱਸਿਆ ਕਿ ਮਹਾਂ ਪੁਰਖਾਂ ਦਾ ਫੁਰਮਾਨ ਹੈ ਕਿ ਸ੍ਰੀ ਗੁਰੂ ਹਰਿਕਿ੍ਸ਼ਨ ਸਾਹਿਬ ਜੀ ਜਨਮ ਦਿਹਾੜਾ ਜੋ 23 ਜੁਲਾਈ 8 ਸਾਵਨ ਨੂੰ ਆ ਰਿਹਾ ਹੈ, ਉਹ ਦੀਵਾਨ ਇਸ ਦੀਵਾਨ ਹਾਲ ਵਿਚ ਹੀ ਲਗਾਇਆ ਜਾ ਸਕੇ | ਇਸ ਮੌਕੇ ਮਹਾਂ ਪੁਰਖਾਂ ਦੇ ਨਾਲ ਬਾਬਾ ਜਾਹਮਣ ਅਜ਼ੀਤ ਫਤਾਹਪੁਰ, ਜਥੇਦਾਰ ਬਾਗਾ ਸਿੰਘ, ਮਿਸਤਰੀ ਕਾਲਾ ਸਿੰਘ, ਸੁਖਦੇਵ ਸਿੰਘ ਢਿੱਲੋਂ , ਕੈਪਟਨ ਮੁਖਤਾਰ ਸਿੰਘ, ਬਾਬਾ ਗੋਰਾ ਸਿੰਘ ਸੇਵਾਦਾਰ ਸ਼ਿਮਲਾ ਸਾਹਿਬ, ਮੰਗਲ ਸਿੰਘ, ਅਰਜਨ ਸਿੰਘ ਧੁੰਨ, ਸੁਖਦੇਵ ਸਿੰਘ ਫ਼ੌਜੀ, ਧਰਮ ਸਿੰਘ, ਸੁਖਵਿੰਦਰ ਸਿੰਘ, ਬਲਦੇਵ ਸਿੰਘ ਭੱਲੀ ਆਦਿ ਹਾਜ਼ਰ ਸਨ |
