ਮੋਬਾਈਲ ਅਤੇ ਹੈੱਡਫੋਨ ਦਾ ਜ਼ਿਆਦਾ ਇਸਤੇਮਾਲ ਕੰਨਾਂ ਲਈ ਨੁਕਸਾਨਦੇਹ - ਡਾ. ਰੰਧਾਵਾ

ਤਰਨ ਤਾਰਨ, 22 ਅਗਸਤ (ਪਰਮਜੀਤ ਜੋਸ਼ੀ)— ਮੋਬਾਈਲ ਫੋਨ ਅਤੇ ਹੈਡਫੋਨ ਦਾ ਜਿਆਦਾ ਇਸਤੇਮਾਲ ਕੰਨਾਂ ਲਈ ਨੁਕਸਾਨਦੇਹ ਸਾਬਿਤ ਹੋ ਰਿਹਾ ਹੈ। ਜਿਆਦਾ ਮੋਬਾਈਲ ਵਰਤਣ ਨਾਲ ਅਤੇ ਜਿਆਦਾ ਆਵਾਜ਼ ਵਿਚ ਹੈਡਫੋਨ ਵਰਤਣ ਨਾਲ ਸਾਡੇ ਕੰਨ ਦੇ ਅੰਦਰ ਵਾਲੇ ਹਿੱਸੇ ਅਤੇ ਕੰਨ ਦੀ ਨਾੜੀ ’ਤੇ ਬੁਰਾ ਅਸਰ ਪੈਂਦਾ ਹੈ, ਜਿਸ ਨਾਲ ਇਹ ਕਮਜੋਰ ਹੋਣਾ ਸ਼ੁਰੂ ਹੋ ਜਾਂਦੇ ਹਨ, ਜਿਸ ਨਾਲ ਸਾਨੂੰ ਘੱਟ ਸੁਨਣ ਲੱਗ ਪੈਂਦਾ ਹੈ ਅਤੇ ਕੰਨ ਵਿਚ ਛਾਂ-ਛਾਂ ਦੀਆਂ ਆਵਾਜ਼ਾਂ ਆਉਣੀਆਂ, ਕੰਨ ਵਿਚ ਦਰਦ, ਸਿਰ ਭਾਰਾ ਅਤੇ ਸਿਰ ਵਿਚ ਦਰਦ ਰਹਿੰਦਾ ਹੈ ਅਤੇ ਸਾਨੂੰ ਸੁਨਣ ਵਿਚ ਮੁਸ਼ਕਿਲ ਪੇਸ਼ ਆਉੰਦੀ ਹੈ।