ਅਣਪਛਾਤੇ ਵਿਅਕਤੀ ਨੇ ਮਿੱਲ ਵਿਚ ਪਈ ਸਰਕਾਰੀ ਕਣਕ ਨੂੰ ਲਗਾਈ ਅੱਗ
ਤਰਨ ਤਾਰਨ, 27 ਸਤੰਬਰ (ਪਰਮਜੀਤ ਜੋਸ਼ੀ)–ਝਬਾਲ ਨਜ਼ਦੀਕ ਚਮਕੌਰ ਰਾਈਸ ਨਾਮਕ ਰਾਈਸ ਮਿੱਲ ਵਿਚ ਪਈ ਸਰਕਾਰੀ ਕਣਕ ਨੂੰ ਕੁਝ ਅਣਪਛਾਤੇ ਵਿਅਕਤੀ ਨੇ ਕਣਕ ਨੂੰ ਅੱਗ ਲਗਾ ਦਿੱਤੀ। ਇਸ ਸੰਬੰਧੀ ਪੁਲਿਸ ਨੂੰ ਦਰਜ ਕਰਵਾਈ ਸ਼ਿਕਾਇਤ ਵਿਚ ਦਿਪਾਲੀ ਗੋਇਲ ਇੰਸਪੈਕਟਰ ਪਨਸਪ ਪੰਜਾਬ ਵਾਸੀ ਦਫਤਰ ਰਣਜੀਤ ਐਵੀਨਿਊ ਅੰਮ੍ਰਿਤਸਰ ਨੇ ਦੱਸਿਆ ਕਿ ਉਹ ਪਨਸਪ ਵਿਚ ਬਤੌਰ ਇਸਪੈਕਟਰ ਤਾਇਨਾਤ ਹੈ ਤੇ ਚਮਕੌਰ ਰਾਈਸ ਮਿੱਲ ਅਟਾਰੀ ਰੋਡ ਝਬਾਲ ਵਿਚ ਪੰਜਾਬ ਸਰਕਾਰ ਦੀ ਕਣਕ ਦੀ ਇੰਚਾਰਜ ਹੈ।
ਤਰਨ ਤਾਰਨ, 27 ਸਤੰਬਰ (ਪਰਮਜੀਤ ਜੋਸ਼ੀ)–ਝਬਾਲ ਨਜ਼ਦੀਕ ਚਮਕੌਰ ਰਾਈਸ ਨਾਮਕ ਰਾਈਸ ਮਿੱਲ ਵਿਚ ਪਈ ਸਰਕਾਰੀ ਕਣਕ ਨੂੰ ਕੁਝ ਅਣਪਛਾਤੇ ਵਿਅਕਤੀ ਨੇ ਕਣਕ ਨੂੰ ਅੱਗ ਲਗਾ ਦਿੱਤੀ। ਇਸ ਸੰਬੰਧੀ ਪੁਲਿਸ ਨੂੰ ਦਰਜ ਕਰਵਾਈ ਸ਼ਿਕਾਇਤ ਵਿਚ ਦਿਪਾਲੀ ਗੋਇਲ ਇੰਸਪੈਕਟਰ ਪਨਸਪ ਪੰਜਾਬ ਵਾਸੀ ਦਫਤਰ ਰਣਜੀਤ ਐਵੀਨਿਊ ਅੰਮ੍ਰਿਤਸਰ ਨੇ ਦੱਸਿਆ ਕਿ ਉਹ ਪਨਸਪ ਵਿਚ ਬਤੌਰ ਇਸਪੈਕਟਰ ਤਾਇਨਾਤ ਹੈ ਤੇ ਚਮਕੌਰ ਰਾਈਸ ਮਿੱਲ ਅਟਾਰੀ ਰੋਡ ਝਬਾਲ ਵਿਚ ਪੰਜਾਬ ਸਰਕਾਰ ਦੀ ਕਣਕ ਦੀ ਇੰਚਾਰਜ ਹੈ। ਉਸ ਨੇ ਦੱਸਿਆ ਕਿ ਮਿਤੀ 4-5 ਸਤੰਬਰ ਦੀ ਦਰਮਿਆਨੀ ਰਾਤ ਨੂੰ ਕਿਸੇ ਅਣਪਛਾਤੇ ਵਿਅਕਤੀ ਵਲੋਂ ਗੌਦਾਮਾਂ ਦੀ ਕੰਧ ਦੀ ਇੱਟ ਪੁੱਟ ਕੇ ਤੇ ਡੰਡੇ ਨਾਲ ਕੱਪੜਾ ਲਪੇਟ ਕੇ ਕਣਕ ਦਾ ਸਟਾਕ, ਜੋ 3500 ਤੋੜੇ ਦਾ ਸੀ, ਨੂੰ ਅੱਗ ਲਗਾ ਦਿੱਤੀ। ਅੱਗ ਲੱਗਣ ਕਰਕੇ ਪੰਜਾਬ ਸਰਕਾਰ ਦਾ ਕੁੱਲ 1,97,550 ਰੁਪਏ ਦਾ ਨੁਕਸਾਨ ਹੋਇਆ। ਇਸ ਸੰਬੰਧੀ ਏ.ਐਸ.ਆਈ. ਹਰਵਿੰਦਰ ਸਿੰਘ ਨੇ ਮਾਮਲੇ ਦੀ ਜਾਂਚ ਕਰਦਿਆਂ ਕਣਕ ਨੂੰ ਅੱਗ ਲਗਾਉਣ ਵਾਲੇ ਅਣਪਛਾਤੇ ਵਿਅਕਤੀ ਖਿਲਾਫ ਮਾਮਲਾ ਦਰਜ ਕਰਕੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
