ਸਰਹਾਲੀ ਇਲਾਕਾ ਰਿਹਾ ਮੁਕੰਮਲ ਬੰਦ
ਸਰਹਾਲੀ ਕਲਾਂ, 15 ਅਕਤੂਬਰ (ਅਜੇ ਸਿੰਘ ਹੁੰਦਲ)–ਵੱਖ-ਵੱਖ ਜਥੇਬੰਦੀਆਂ ਵਲੋਂ ਪਰਮਿੰਦਰ ਸਿੰਘ ਝੋਟਾ ਦੀ ਹੱਤਿਆ ਕਾਰਨ ਦਿੱਤੇ ਪੰਜਾਬ ਬੰਦ ਦੇ ਸੱਦੇ ਨੂੰ ਕਸਬਾ ਸਰਹਾਲੀ ਕਲਾਂ ਅਤੇ ਆਸ ਪਾਸ ਭਰਪੂਰ ਸਮਰਥਨ ਮਿਲਿਆ। ਪਿੰਡਾਂ ਦੀਆਂ ਦੁਕਾਨਾਂ ’ਚੋਂ ਇੱਕਾ ਦੁੱਕਾ ਨੂੰ ਛੱਡ ਬਾਕੀ ਬੰਦ ਹੀ ਰਹੀਆਂ।
ਸਰਹਾਲੀ ਕਲਾਂ, 15 ਅਕਤੂਬਰ (ਅਜੇ ਸਿੰਘ ਹੁੰਦਲ)–ਵੱਖ-ਵੱਖ ਜਥੇਬੰਦੀਆਂ ਵਲੋਂ ਪਰਮਿੰਦਰ ਸਿੰਘ ਝੋਟਾ ਦੀ ਹੱਤਿਆ ਕਾਰਨ ਦਿੱਤੇ ਪੰਜਾਬ ਬੰਦ ਦੇ ਸੱਦੇ ਨੂੰ ਕਸਬਾ ਸਰਹਾਲੀ ਕਲਾਂ ਅਤੇ ਆਸ ਪਾਸ ਭਰਪੂਰ ਸਮਰਥਨ ਮਿਲਿਆ। ਪਿੰਡਾਂ ਦੀਆਂ ਦੁਕਾਨਾਂ ’ਚੋਂ ਇੱਕਾ ਦੁੱਕਾ ਨੂੰ ਛੱਡ ਬਾਕੀ ਬੰਦ ਹੀ ਰਹੀਆਂ। ਅੱਜ ਇਸ ਬੰਦ ਨੂੰ ਇਲਾਕੇ ਵਿਚ ਸਫਲ ਬਣਾਉਣ ਲਈ ਦੁਕਾਨਦਾਰਾਂ ਨੇ ਖੁਦ ਹੀ ਪਹਿਲ ਕੀਤੀ, ਮਾਨਸਾ ਦੇ ਧਰਨੇ ਤੋਂ ਮਿਲੀ ਬੰਦ ਦੀ ਕਾਲ ਨੂੰ ਹੀ ਧਿਆਨ ਵਿਚ ਰੱਖਦਿਆਂ ਇਲਾਕਾ ਬੰਦ ਰਿਹਾ। ਸਰਕਾਰੀ ਅਦਾਰਿਆਂ ਨੂੰ ਛੱਡ ਬਾਕੀ ਸਭ ਵਪਾਰਕ ਅਤੇ ਵਿਦਿਅਕ ਅਦਾਰੇ ਬੰਦ ਰਹੇ। ਮੁੱਖ ਹਾਈਵੇ ’ਤੇ ਆਵਾਜਾਈ ਨਾਮਾਤਰ ਹੀ ਰਹੀ। ਲੋਕਾਂ ਨੇ ਪਰਮਿੰਦਰ ਸਿੰਘ ਝੋਟੇ ਦੇ ਕਤਲ ਨੂੰ ਪ੍ਰਸ਼ਾਸਨ ਦੀ ਨਾਕਾਮੀ ਦੱਸਿਆ ਅਤੇ ਥਾਂ ਥਾਂ ਵਿਕਦੇ ਨਸ਼ਿਆਂ ਲਈ ਆਵਾਜ ਉਠਾਉਂਦਿਆਂ ਅੱਜ ਪੰਜਾਬ ਬੰਦ ਦਾ ਸਮਰਥਨ ਕੀਤਾ। ਬੰਦ ਦੌਰਾਨ ਇਲਾਕੇ ਵਿਚ ਕੋਈ ਖਿੱਚੋਤਾਣ ਦੀ ਘਟਨਾ ਨਹੀਂ ਵਾਪਰੀ ਸਗੋਂ ਲੋਕਾਂ ਸ਼ਾਂਤਮਈ ਰਹਿੰਦਿਆਂ ਕਾਰੋਬਾਰ ਬੰਦ ਰੱਖੇ।
