ਲੁਧਿਆਣਾ, 4 ਫਰਵਰੀ (ਜਸਵਿੰਦਰ ਸਿੰਘ)-ਪਾਮੇਤੀ ਵਲੋਂ ਕਰਵਾਈ ਵਰਮੀਕੰਪੋਸਟਿੰਗ ਬਾਰੇ ਤਿੰਨ ਦਿਨਾਂ ਦੀ ਸਿਖਲਾਈ ਵਿਚ ਪਿੰਡ ਦੀਆਂ 15 ਮਹਿਲਾਵਾਂ ਨੇ ਭਾਗ ਲਿਆ | ਟਰੇਨਿੰਗ ਦੌਰਾਨ ਮਹਿਲਾਵਾਂ ਨੂੰ ਰੁਪਿੰਦਰ ਕੌਰ ਦੇ ਖੇਤਾਂ ਦਾ ਦੌਰਾ ਕਰਵਾਇਆ ਗਿਆ, ਜਿੱਥੇ ਉਨ੍ਹਾਂ ਨੂੰ ਵਰਮੀਕੰਪੋਸਟ ਬਣਾਉਣ ਅਤੇ ਇਸ ਦੀ ਵਰਤੋਂ ਖੇਤਾਂ ਅਤੇ ਰਸੋਈ ਬਾਗਾਂ ਵਿਚ ਕਰਨ ਬਾਰੇ ਜਾਣਕਾਰੀ ਦਿੱਤੀ ਗਈ | ਡਾ. ਹਰਮੀਤ ਕੌਰ, ਟਰੇਨਿੰਗ ਕੋਆਰਡੀਨੇਟਰ ਨੇ ਵਰਮੀਕੰਪੋਸਟ ਤਿਆਰ ਕਰਕੇ ਉਸ ਨੂੰ ਨਰਸਰੀਆਂ ਅਤੇ ਕਿਸਾਨਾਂ ਨੂੰ ਵੇਚਣ ਦੇ ਮੌਕਿਆਂ ਬਾਰੇ ਦੱਸਿਆ ਅਤੇ ਕਿਹਾ ਕਿ ਇਹ ਮਹਿਲਾਵਾਂ ਲਈ ਕਮਾਈ ਦਾ ਚੰਗਾ ਸਾਧਨ ਬਣ ਸਕਦਾ ਹੈ | ਇਸ ਮੌਕੇ ਸ਼ੈਲੀ, ਐਚ.ਡੀ.ਓ. ਨੇ ਬਾਗਬਾਨੀ ਵਿਭਾਗ ਦੀਆਂ ਵੱਖ-ਵੱਖ ਸਕੀਮਾਂ ਬਾਰੇ ਜਾਣਕਾਰੀ ਦਿੱਤੀ | ਮਹਿਲਾਵਾਂ ਨੂੰ ਬੁਲਾਰਾ ਵਿਖੇ ਗੁੰਟਾ ਦੇ ਵਰਮੀਕੰਪੋਸਟ ਯੂਨਿਟ ਦਾ ਦੌਰਾ ਵੀ ਕਰਵਾਇਆ ਗਿਆ, ਜਿੱਥੇ ਉਨ੍ਹਾਂ ਨੇ ਦੇਖਿਆ ਕਿ ਗੋਬਰ ਅਤੇ ਘਰੇਲੂ ਕਚਰਾ ਵਰਮੀਕੰਪੋਸਟ ਵਿਚ ਬਦਲਿਆ ਜਾ ਸਕਦਾ ਹੈ |
