ਲੁਧਿਆਣਾ

ਨਗਰ ਨਿਗਮ ਵਲੋਂ ਹੰਬੜਾਂ ਰੋਡ 'ਤੇ ਵੱਡੀ ਕਾਰਵਾਈ ਸਰਕਾਰੀ ਜ਼ਮੀਨ 'ਤੇ ਸੜਕ ਤੋਂ ਕੀਤੇ ਨਜਾਇਜ਼ ਕਬਜ਼ੇ ਹਟਾਏ <br/>

ਨਗਰ ਨਿਗਮ ਵਲੋਂ ਹੰਬੜਾਂ ਰੋਡ 'ਤੇ ਸਰਕਾਰੀ ਜ਼ਮੀਨ 'ਤੇ ਸੜਕ 'ਤੇ ਕੀਤੇ ਕਬਜ਼ਿਆਂ ਨੰੂ ਲੈਕੇ ਕੀਤੀ ਕਾਰਵਾਈ ਦੇ ਦਿ੍ਸ਼ | ਤਸਵੀਰਾਂ-ਸੇਵਕ ਸਿੰਘ <br/> 05-02-2026

ਲੁਧਿਆਣਾ, 4 ਫਰਵਰੀ (ਭੁਪਿੰਦਰ ਸਿੰਘ ਬੈਂਸ)-ਸ਼ਹਿਰ ਦੇ ਦਾਖਿਲਾ ਮਾਰਗ ਨੰੂ ਸੁੰਦਰ, ਸੁਚੱਜਾ ਅਤੇ ਆਵਾਜਾਈ ਲਈ ਸੁਖਾਲਾ ਬਣਾਉਣ ਦੀ ਦਿਸ਼ਾ ਵਿਚ ਨਗਰ ਨਿਗਮ ਵਲੋਂ ਵੱਡੀ ਕਾਰਵਾਈ ਕੀਤੀ ਗਈ | ਇਸ ਤਹਿਤ ਹੰਬੜਾਂ ਰੋਡ ਤੇ ਚਲਾਈ ਗਈ ਵਿਸ਼ੇਸ ਮੁਹਿੰਮ ਦੌਰਾਨ ਸਰਕਾਰੀ ਜ਼ਮੀਨ ਅਤੇ ਸੜਕ 'ਤੇ ਕੀਤੇ ਗਏ ਗੈਰਕਾਨੰੂਨੀ ਕਬਜ਼ਿਆਂ ਨੰੂ ਹਟਾਕੇ ਇਲਾਕੇ ਨੰੂ ਵਿਕਾਸ ਕਾਰਜਾਂ ਲਈ ਖੁੱਲ੍ਹਾ ਕੀਤਾ ਗਿਆ | ਮੇਅਰ ਪਿ੍ੰਸੀਪਲ ਇੰਦਰਜੀਤ ਕੌਰ ਅਤੇ ਨਗਰ ਨਿਗਮ ਕਮਿਸ਼ਨਰ ਡਾ. ਨੀਰੂ ਕਤਿਆਲ ਗੁਪਤਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨਿਗਮ ਦੀ ਤਹਿਬਜ਼ਾਰੀ, ਸਿਹਤ ਅਤੇ ਬਿਲਡਿੰਗ ਬ੍ਰਾਂਚ ਦੀਆਂ ਸਾਂਝੀਆਂ ਟੀਮਾਂ ਵਲੋਂ ਇਹ ਕਾਰਵਾਈ ਅਮਲ ਵਿਚ ਲਿਆਂਦੀ ਗਈ | ਮੁਹਿੰਮ ਦੌਰਾਨ ਸੜਕ ਦੇ ਵੱਡੇ ਹਿੱਸੇ ਤੇ ਸਰਕਾਰੀ ਜ਼ਮੀਨ ਤੇ ਕਬਜ਼ਾ ਕਰਕੇ ਬੈਠੇ ਇਕ ਕਬਾੜੀਏ ਖਿਲਾਫ ਸਖਤ ਕਾਰਵਾਈ ਕਰਦੇ ਹੋਏ 50 ਹਜ਼ਾਰ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ | ਜੋ ਮੌਕੇ 'ਤੇ ਹੀ ਵਸੂਲ ਕਰ ਲਿਆ ਗਿਆ | ਨਾਲ ਹੀ ਕਬਜ਼ਾ ਪੂਰੀ ਤਰ੍ਹਾਂ ਹਟਾ ਦਿੱਤਾ ਗਿਆ | ਜ਼ੋਨਲ ਕਮਿਸ਼ਨਰ ਜਸਦੇਵ ਸਿੰਘ ਸੇਖੋਂ ਨੇ ਦੱਸਿਆ ਕਿ ਇਸ ਕਾਰਵਾਈ ਨਾਲ ਹੰਬੜਾਂ ਰੋਡ 'ਤੇ ਆਵਾਜਾਈ ਨੰੂ ਰਾਹਤ ਮਿਲੀ ਹੈ ਅਤੇ ਸ਼ਹਿਰ ਦੇ ਦਾਖਲਾ ਮਾਰਗ ਦੀ ਦਿੱਖ ਵਿਚ ਵੀ ਖਾਸ ਸੁਧਾਰ ਆਇਆ ਹੈ | ਉਨ੍ਹਾਂ ਕਿਹਾ ਕਿ ਬਿਲਡਿੰਗ ਬ੍ਰਾਂਚ ਨੰੂ ਸੰਬੰਧਤ ਜ਼ਮੀਨ ਮਾਲਕ ਤੋਂ ਬਕਾਇਆ ਸੀਐਲਯੂ ਚਾਰਜ ਵਸੂਲਣ ਦੇ ਨਿਰਦੇਸ਼ ਵੀ ਜਾਰੀ ਕਰ ਦਿੱਤੇ ਗਏ ਹਨ | ਇਸਦੇ ਨਾਲ ਹੀ ਸਿਹਤ ਬ੍ਰਾਂਚ ਦੀਆਂ ਟੀਮਾਂ ਵਲੋਂ ਇਲਾਕੇ ਵਿਚ ਵਿਸ਼ੇਸ਼ ਸਫਾਈ ਮੁਹਿੰਮ ਚਲਾਈ ਗਈ | ਜਿਸ ਤਹਿਤ ਕੂੜਾ ਕਰਕਟ ਅਤੇ ਗੰਦਗੀ ਨੰੂ ਹਟਾਕੇ ਹੰਬੜਾਂ ਰੋਡ ਨੰੂ ਸਾਫ ਸੁਥਰਾ ਬਣਾਇਆ ਗਿਆ | ਨਗਰ ਨਿਗਮ ਅਧਿਕਾਰੀਆਂ ਨੇ ਸਪੱਸ਼ਟ ਕੀਤਾ ਕਿ ਸ਼ਹਿਰ ਨੰੂ ਕਬਜ਼ਾ ਮੁਕਤ, ਸਾਫ ਅਤੇ ਸੁੰਦਰ ਬਣਾਉਣ ਲਈ ਅਜਿਹੀਆਂ ਮੁਹਿੰਮਾਂ ਆਉਣ ਵਾਲੇ ਦਿਨਾਂ ਵਿਚ ਹੋਰ ਇਲਾਕਿਆਂ ਵਿਚ ਵੀ ਜਾਰੀ ਰਹਿਣਗੀਆਂ | ਨਾਲ ਹੀ ਸ਼ਹਿਰ ਵਾਸੀਆਂ ਨੰੂ ਅਪੀਲ ਕੀਤੀ ਗਈ ਹੈ ਕਿ ਉਹ ਸਰਕਾਰੀ ਜ਼ਮੀਨ ਤੇ ਕਬਜ਼ਿਆਂ ਤੇ ਬਚਣ ਅਤੇ ਵਿਕਸਤ ਸ਼ਹਿਰ ਬਣਾਉਣ ਵਿਚ ਪ੍ਰਸ਼ਾਸਨ ਦਾ ਸਹਿਯੋਗ ਕਰਨ |

ਪਿਛਲੀ ਖ਼ਬਰ ਗੁਰੂ ਰਵਿਦਾਸ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਹੋਏ ਧਾਰਮਿਕ ਸਮਾਗਮ <br/> ਅਗਲੀ ਖ਼ਬਰ ਮੇਅਰ, ਸੀਨੀਅਰ ਡਿਪਟੀ ਮੇਅਰ, ਡਿਪਟੀ ਮੇਅਰ ਨੇ ਵਿਕਾਸ ਕਾਰਜਾਂ ਦੀ ਕੀਤੀ ਸਮੀਖਿਆ <br/>

ਨਗਰ ਨਿਗਮ ਵਲੋਂ ਹੰਬੜਾਂ ਰੋਡ 'ਤੇ ਵੱਡੀ ਕਾਰਵਾਈ ਸਰਕਾਰੀ ਜ਼ਮੀਨ 'ਤੇ ਸੜਕ ਤੋਂ ਕੀਤੇ ਨਜਾਇਜ਼ ਕਬਜ਼ੇ ਹਟਾਏ <br/>

ਸੰਬੰਧਿਤ ਖ਼ਬਰਾਂ