ਲੁਧਿਆਣਾ, 5 ਅਪ੍ਰੈਲ (ਜਸਵਿੰਦਰ ਸਿੰਘ)-ਬਹਾਦਰ ਕੇ ਰੋਡ ਦਾਣਾ ਮੰਡੀ ਦੀ ਜਗ੍ਹਾ ਦੇ ਵਿਚ ਰੇਤਾ-ਬਜਰੀ ਅਤੇ ਹੋਰ ਸਾਮਾਨ ਦਾ ਬਿਨਾਂ ਮਨਜ਼ੂਰੀ ਤੋਂ ਕੰਮ ਕਰ ਰਹੇ ਰਹੇ ਨਾਜਾਇਜ਼ ਕਾਰੋਬਾਰੀ ਨੂੰ ਮਾਰਕੀਟ ਕਮੇਟੀ ਸਕੱਤਰ ਹਰਿੰਦਰ ਸਿੰਘ ਗਿੱਲ ਨੇ ਸਖ਼ਤ ਤਾੜਨਾ ਕਰਦੇ ਹੋਏ ਨਾਜਾਇਜ਼ ਕਾਰੋਬਾਰ ਨੂੰ ਬੰਦ ਕਰਨ ਜਾਂ ਫਿਰ ਕਾਨੂੰਨੀ ਕਾਰਵਾਈ ਲਈ ਤਿਆਰ ਰਹਿਣ | ਮਾਰਕੀਟ ਕਮੇਟੀ ਸਕੱਤਰ ਹਰਿੰਦਰ ਸਿੰਘ ਗਿੱਲ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਦਾਣਾ ਮੰਡੀ ਵਿਚ ਭਾਰ ਤੋਲਣ ਵਾਲੇ ਕੰਡੇ ਦੇ ਠੇਕੇਦਾਰ ਅਤੇ ਉਸ ਦੇ ਸਾਥੀਆਂ ਵਲੋਂ ਨਿਯਮਾਂ ਦੇ ਉਲਟ ਦਾਣਾ ਮੰਡੀ ਦੀ ਜਗ੍ਹਾ ਵਿਚ ਰੇਤੇ-ਬਜਰੀ ਦਾ ਕਾਰੋਬਾਰ ਕੀਤਾ ਜਾ ਰਿਹਾ, ਜਿਸ ਸਬੰਧੀ ਨਾਜਾਇਜ਼ ਕੰਮ ਕਰਨ ਵਾਲਿਆਂ ਨੂੰ ਕਈ ਵਾਰੀ ਕੰਮ ਬੰਦ ਕਰਨ ਵਾਸਤੇ ਕਿਹਾ ਗਿਆ ਸੀ, ਪ੍ਰੰਤੂ ਉਨ੍ਹਾਂ ਵਲੋਂ ਕੰਮ ਬੰਦ ਨਹੀਂ ਕੀਤਾ ਗਿਆ¢ ਜਦੋਂ ਮਾਰਕੀਟ ਕਮੇਟੀ ਸਕੱਤਰ ਵਲੋਂ ਆਪਣੇ ਅਮਲੇ ਦੇ ਨਾਲ ਰੇਤੇ-ਬਜਰੀ ਆਦਿ ਸਾਮਾਨ ਨੂੰ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਠੇਕੇਦਾਰ ਅਤੇ ਉਸਦੇ ਸਾਥੀਆਂ ਵਲੋਂ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ ਗਿਆ | ਹਾਲਾਤ ਖ਼ਰਾਬ ਹੁੰਦੇ ਦੇਖ ਮਾਰਕੀਟ ਕਮੇਟੀ ਸਕੱਤਰ ਵਲੋਂ ਫ਼ੋਨ ਕਰਕੇ ਮÏਕੇ 'ਤੇ ਪੁਲਿਸ ਬੁਲਾ ਲਈ ਗਈ¢ ਸਕੱਤਰ ਗਿੱਲ ਨੇ ਕਿਹਾ ਕਿ ਠੇਕੇਦਾਰ ਉਂਕਾਰ ਟਰੇਨਿੰਗ ਕੰਪਨੀ ਨੂੰ ਦਾਣਾ ਮੰਡੀ ਵਿਚ ਬਣਿਆ ਕੰਡਾ ਪੰਜ ਸਾਲ ਵਾਸਤੇ ਠੇਕੇ 'ਤੇ ਗਿਆ ਸੀ, ਜਿਸਦੇ ਪੈਸੇ ਜਮਾਂ ਨਾਂ ਕਰਵਾਉਣ ਕਰਕੇ ਠੇਕਾ ਕਮੇਟੀ ਵਲੋਂ ਰੱਦ ਕਰ ਦਿੱਤਾ ਗਿਆ ਹੈ ਅਤੇ ਕੰਡੇ ਦੀ ਜਗ੍ਹਾ ਅਤੇ ਮੰਡੀ ਵਿਚ ਹੋਰ ਵੀ ਜਗ੍ਹਾ ਰੇਤੇ-ਬਜਰੀ ਦੇ ਨਾਜਾਇਜ਼ ਕਾਰੋਬਾਰ ਕਰਨ ਵਾਲਿਆਂ ਤੇ ਹੋਰ ਵੀ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ |
