ਲੁਧਿਆਣਾ, 11 ਜੁਲਾਈ (ਡਾ. ਤਰਲੋਚਨ ਸਿੰਘ)-ਪੀ. ਸੀ. ਐਮ. ਐਸ. ਏ. ਦੇ ਸੂਬਾ ਪ੍ਰਧਾਨ ਡਾ. ਅਖਿਲ ਸਰੀਨ ਨੇ ਦੱਸਿਆ ਕਿ ਸਿਹਤ ਵਿਭਾਗ ਨੇ ਕਾਨੂੰਨੀ ਮਾਮਲਿਆਂ ਤੇ ਅਦਾਲਤੀ ਮਾਮਲਿਆਂ ਦੀ ਪੈਰਵੀ ਦੌਰਾਨ ਹੋਣ ਵਾਲੇ ਖ਼ਰਚਿਆਂ ਨੂੰ ਪੂਰਾ ਕਰਨ ਲਈ ਉਪਭੋਗਤਾ ਖ਼ਰਚਿਆਂ ਦੀ ਵਰਤੋਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਸਵਾਗਤਯੋਗ ਕਦਮ ਨੇ ਸੀਨੀਅਰ ਮੈਡੀਕਲ ਅਫ਼ਸਰਾਂ ਤੇ ਸਿਵਲ ਸਰਜਨਾਂ ਦੇ ਪੱਧਰ ‘ਤੇ ਸੰਭਾਲੇ ਜਾਣ ਵਾਲੇ ਸਾਰੇ ਕਾਨੂੰਨੀ ਅਤੇ ਅਦਾਲਤੀ ਮਾਮਲਿਆਂ ਨਾਲ ਸੰਬੰਧਿਤ ਮਾਮਲਿਆਂ ਲਈ ਇਕ ਬਹੁਤ ਜ਼ਰੂਰੀ ਵਿੱਤੀ ਵਿਧੀ ਪ੍ਰਦਾਨ ਕੀਤੀ ਹੈ। ਇਸ ਨਾਲ ਪੀ. ਸੀ. ਐਮ. ਐਸ. ਏ. ਦੀ ਇਕ ਹੋਰ ਮੰਗ ਪੂਰੀ ਹੋ ਗਈ ਹੈ। ਡਾ. ਅਖਿਲ ਸਰੀਨ ਨੇ ਕਿਹਾ ਕਿ ਪੀ. ਸੀ. ਐਮ. ਐਸ. ਏ. ਇਸ ਮੁੱਦੇ ਪ੍ਰਤੀ ਸੰਵੇਦਨਸ਼ੀਲ ਹੋਣ ਲਈ ਸਿਹਤ ਵਿਭਾਗ ਦਾ ਧੰਨਵਾਦ ਕਰਦੀ ਹੈ।
