ਸਾਈਕਲ ਦੇ ਪੁਰਜ਼ਿਆਂ ਨੂੰ ਰੰਗ ਕਰਨ ਵਾਲੀ ਫ਼ੈਕਟਰੀ ਵਿਚ ਲੱਗੀ ਅੱਗ
ਲੁਧਿਆਣਾ, 26 ਅਗਸਤ (ਬੈਂਸ)-ਜਸਪਾਲ ਬਾਂਗੜ ਸਥਿਤ ਮੱਲ੍ਹੀ ਚੌਕ ਦੀ ਗਲੀ ਨੰਬਰ 8 ਵਿਚ ਸਾਈਕਲ ਦੇ ਪੁਰਜ਼ਿਆਂ ਨੂੰ ਰੰਗ ਕਰਨ ਵਾਲੀ ਫ਼ੈਕਟਰੀ ਵਿਚ ਬੁੱਧਵਾਰ ਸ਼ਾਮ ਅਚਾਨਕ ਅੱਗ ਲੱਗ ਗਈ। ਦੇਖਦੇ ਹੀ ਦੇਖਦੇ ਅੱਗ ਨੇ ਭਿਆਨਕ ਰੂਪ ਧਾਰਨ ਕਰ ਲਿਆ ਅਤੇ ਫ਼ੈਕਟਰੀ ਅੰਦਰ ਪਿਆ ਸਾਮਾਨ ਸੜਨ ਲੱਗ ਪਿਆ।
ਲੁਧਿਆਣਾ, 26 ਅਗਸਤ (ਬੈਂਸ)-ਜਸਪਾਲ ਬਾਂਗੜ ਸਥਿਤ ਮੱਲ੍ਹੀ ਚੌਕ ਦੀ ਗਲੀ ਨੰਬਰ 8 ਵਿਚ ਸਾਈਕਲ ਦੇ ਪੁਰਜ਼ਿਆਂ ਨੂੰ ਰੰਗ ਕਰਨ ਵਾਲੀ ਫ਼ੈਕਟਰੀ ਵਿਚ ਬੁੱਧਵਾਰ ਸ਼ਾਮ ਅਚਾਨਕ ਅੱਗ ਲੱਗ ਗਈ। ਦੇਖਦੇ ਹੀ ਦੇਖਦੇ ਅੱਗ ਨੇ ਭਿਆਨਕ ਰੂਪ ਧਾਰਨ ਕਰ ਲਿਆ ਅਤੇ ਫ਼ੈਕਟਰੀ ਅੰਦਰ ਪਿਆ ਸਾਮਾਨ ਸੜਨ ਲੱਗ ਪਿਆ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਮੌਕੇ ’ਤੇ ਪਹੁੰਚੀਆਂ। ਅੱਗ ਦੀ ਤੇਜ਼ੀ ਨੂੰ ਦੇਖਦਿਆਂ ਫੋਕਲ ਪੁਆਇੰਟ ਸਮੇਤ ਹੋਰ ਕੇਂਦਰਾਂ ਤੋਂ ਵੀ ਗੱਡੀਆਂ ਬੁਲਾਈਆਂ ਗਈਆਂ। ਚਾਰ ਵੱਡੀਆਂ ਗੱਡੀਆਂ ਦੀ ਮਦਦ ਨਾਲ ਫਾਇਰ ਬ੍ਰਿਗੇਡ ਦੇ ਕਰਮੀਆਂ ਨੇ ਕਰੀਬ ਢਾਈ ਘੰਟਿਆਂ ਦੀ ਮਸ਼ੱਕਤ ਮਗਰੋਂ ਅੱਗ ’ਤੇ ਕਾਬੂ ਪਾਇਆ। ਮੁੱਢਲੀ ਜਾਂਚ ਵਿਚ ਅੱਗ ਲੱਗਣ ਦਾ ਕਾਰਨ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ। ਘਟਨਾ ਸਮੇਂ ਫ਼ੈਕਟਰੀ ਵਿਚ ਦੋ ਵਿਅਕਤੀ ਮੌਜੂਦ ਸਨ, ਜੋ ਸੁਰੱਖਿਅਤ ਬਾਹਰ ਨਿਕਲ ਆਏ। ਘਟਨਾ ਵਿਚ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਹੈ।
