ਸੀਸੂ ਬੀ.ਐਨ.ਜੀ. ਦੀ ਮੀਟਿੰਗ ’ਚ ਉਦਯੋਗਿਕ ਨੀਤੀ-2026 ਅਤੇ ਕਾਰੋਬਾਰ ਦੇ ਨਵੇਂ ਮੌਕਿਆਂ ’ਤੇ ਹੋਈ ਚਰਚਾ
ਲੁਧਿਆਣਾ, 1 ਸਤੰਬਰ (ਜਤਿੰਦਰ ਭੰਬੀ)-ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਜ਼ (ਸੀਸੂ) ਨੇ ਹਾਲ ਹੀ ਵਿਚ ਆਪਣੇ ਬਿਜਨਸ ਨੈੱਟਵਰਕਿੰਗ ਗਰੁੱਪ (ਬੀ. ਐਨ.
ਸ
ਸੀਸੂ ਬੀ.ਐਨ.ਜੀ. ਦੀ ਮੀਟਿੰਗ ਦੌਰਾਨ ਸ਼ਾਮਿਲ ਭਾਗੀਦਾਰ ਤੇ ਮੈਂਬਰ। ਅਜੀਤ ਤਸਵੀਰ
02-09-2026
ਲੁਧਿਆਣਾ, 1 ਸਤੰਬਰ (ਜਤਿੰਦਰ ਭੰਬੀ)-ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਜ਼ (ਸੀਸੂ) ਨੇ ਹਾਲ ਹੀ ਵਿਚ ਆਪਣੇ ਬਿਜਨਸ ਨੈੱਟਵਰਕਿੰਗ ਗਰੁੱਪ (ਬੀ.ਐਨ.ਜੀ.) ਨਾਲ ਇਕ ਮੀਟਿੰਗ ਕੀਤੀ। ਇਸ ਦੌਰਾਨ ਮੈਂਬਰਾਂ ਨੇ ਕਾਰੋਬਾਰੀ ਵਿਕਾਸ, ਜਾਣਕਾਰੀ ਦੇ ਆਦਾਨ-ਪ੍ਰਦਾਨ ਅਤੇ ਨਵੇਂ ਨੈੱਟਵਰਕਿੰਗ ਮੌਕੇ ਪੈਦਾ ਕਰਨ ’ਤੇ ਕੇਂਦਰਿਤ ਇਕ ਲਾਹੇਵੰਦ ਸੈਸ਼ਨ ਵਿਚ ਹਿੱਸਾ ਲਿਆ। ਮੀਟਿੰਗ ਦਾ ਇਕ ਮੁੱਖ ਆਕਰਸ਼ਨ ‘ਉਦਯੋਗਿਕ ਨੀਤੀ-2026’ ਬਾਰੇ ਵਿਸ਼ਵ ਬੰਧੂ ਦੁਆਰਾ ਕਰਵਾਇਆ ਗਿਆ ਜਾਣਕਾਰੀ ਭਰਪੂਰ ਸੈਸ਼ਨ ਸੀ। ਉਨ੍ਹਾਂ ਨੇ ਨਵੀਂ ਉਦਯੋਗਿਕ ਨੀਤੀ ਦੇ ਮੁੱਖ ਪਹਿਲੂਆਂ ਬਾਰੇ ਕੀਮਤੀ ਜਾਣਕਾਰੀ ਅਤੇ ਵਿਹਾਰਕ ਨੁਕਤੇ ਸਾਂਝੇ ਕੀਤੇ ਅਤੇ ਨਾਲ ਹ ੀ ਉਨ੍ਹਾਂ ਮੌਕਿਆਂ ’ਤੇ ਚਾਨਣਾ ਪਾਇਆ, ਜੋ ਇਹ ਨੀਤੀ ਕਾਰੋਬਾਰਾਂ ਅਤੇ ਉਦਯੋਗਾਂ ਲਈ ਪੈਦਾ ਕਰ ਸਕਦੀ ਹੈ। ਇਸ ਸੈਸ਼ਨ ਨੇ ਬੀ.ਐਨ.ਜੀ. ਮੈਂਬਰਾਂ ਨੂੰ ਨੀਤੀ ਅਤੇ ਉਨ੍ਹਾਂ ਦੇ ਕਾਰੋਬਾਰਾਂ ’ਤੇ ਇਸ ਦੇ ਸੰਭਾਵੀ ਪ੍ਰਭਾਵਾਂ ਬਾਰੇ ਬਿਹਤਰ ਸਮਝ ਪ੍ਰਦਾਨ ਕੀਤੀ। ਇਕ ਹੋਰ ਅਹਿਮ ਪਹਿਲੂ ‘ਨਿਊ ਸਵਾਨ ਗਰੁੱਪ’ ਦੀ ਖ਼ਰੀਦ ਟੀਮ ਨਾਲ ਗੱਲਬਾਤ ਸੀ, ਜਿਸ ਦੀ ਅਗਵਾਈ ਕਾਰਪੋਰੇਟ ਖ਼ਰੀਦ ਵਿਭਾਗ ਦੇ ਜਨਰਲ ਮੈਨੇਜਰ ਸ਼ਿਵ ਸ਼ਰਮਾ ਕਰ ਰਹੇ ਸਨ। ਸੀਸੂ ਬੀ.ਐਨ.ਜੀ. ਮੈਂਬਰਾਂ ਨੂੰ ਖ਼ਰੀਦ ਟੀਮ ਨਾਲ ਸਿੱਧਾ ਸੰਪਰਕ ਕਰਨ, ਸੰਭਾਵੀ ਵਿਕਰੇਤਾ ਲੋੜਾਂ ਨੂੰ ਸਮਝਣ ਅਤੇ ‘ਨਿਊ ਸਵਾਨ ਗਰੁੱਪ’ ਨਾਲ ਭਵਿੱਖ ਦੇ ਵਪਾਰਕ ਸੰਬੰਧਾਂ ’ਤੇ ਵਿਕਰੇਤਾ ਵਜੋਂ ਜੁੜਨ ਦੀਆਂ ਸੰਭਾਵਨਾਵਾਂ ਨੂੰ ਭਾਲਣ ਦਾ ਵਧੀਆ ਮੌਕਾ ਮਿਲਿਆ। ਇਸ ਗੱਲਬਾਤ ਨੇ ਸੀਸੂ ਬੀ.ਐਨ.ਜੀ. ਮੈਂਬਰਾਂ ਲਈ ਆਪਣੀਆਂ ਸਮਰੱਥਾਵਾਂ ਦਾ ਪ੍ਰਦਰਸ਼ਨ ਕਰਨ ਅਤੇ ਸੰਭਾਵੀ ਬੀ-2-ਬੀ ਮੌਕਿਆਂ, ਵਿਕਰੇਤਾ ਵਿਕਾਸ ਅਤੇ ਵਪਾਰਕ ਸਹਿਯੋਗ ਦੀਆਂ ਸੰਭਾਵਨਾਵਾਂ ਨੂੰ ਖੋਜਣ ਲਈ ਇਕ ਕੀਮਤੀ ਮੰਚ ਪ੍ਰਦਾਨ ਕੀਤਾ। ਇਸ ਮੌਕੇ ਸੀਸੂ ਦੇ ਬੀ.ਐਨ.ਜੀ. ਕੈਪਟਨ ਹਨੀ ਸੇਠੀ ਨੇ ਕਿਹਾ ਕਿ ਸੀਸੂ ਬੀ.ਐਨ.ਜੀ. ਦਾ ਉਦੇਸ਼ ਗਿਆਨ ਸਾਂਝਾ ਕਰਨ, ਮਜ਼ਬੂਤ ਵਪਾਰਕ ਨੈੱਟਵਰਕਿੰਗ ਅਤੇ ਉਦਯੋਗ ਨਾਲ ਸਿੱਧੇ ਸੰਪਰਕਾਂ ਰਾਹੀਂ ਮੈਂਬਰਾਂ ਲਈ ਅਰਥਪੂਰਨ ਮੌਕੇ ਪੈਦਾ ਕਰਨਾ ਹੈ। ਅਜਿਹੇ ਸੈਸ਼ਨ ਨਾ ਸਿਰਫ਼ ਸਾਡੇ ਮੈਂਬਰਾਂ ਨੂੰ ਨੀਤੀਗਤ ਵਿਕਾਸ ਬਾਰੇ ਮਹੱਤਵਪੂਰਨ ਜਾਣਕਾਰੀ ਸਮਝਣ ਵਿਚ ਮਦਦ ਕਰਦੇ ਹਨ, ਸਗੋਂ ਉਨ੍ਹਾਂ ਨੂੰ ਉਦਯੋਗ ਦੀਆਂ ਪ੍ਰਮੁੱਖ ਖ਼ਰੀਦ ਟੀਮਾਂ ਨਾਲ ਸਿੱਧੇ ਜੁੜਨ ਦਾ ਮੰਚ ਵੀ ਪ੍ਰਦਾਨ ਕਰਦੇ ਹਨ। ਗਿਆਨ-ਵਧਾਊ ਸੈਸ਼ਨ ਅਤੇ ਉਦਯੋਗ ਨਾਲ ਸਿੱਧਾ ਸੰਪਰਕ ਮੈਂਬਰਾਂ ਨੂੰ ਮਜ਼ਬੂਤ ਪੇਸ਼ੇਵਰ ਨੈੱਟਵਰਕ ਬਣਾਉਣ ਅਤੇ ਨਾਲ ਹੀ ਕਾਰੋਬਾਰ ਦੇ ਅਰਥਪੂਰਨ ਮੌਕਿਆਂ ਦੀ ਪੜਚੋਲ ਕਰਨ ਦੇ ਯੋਗ ਬਣਾਉਂਦੇ ਹਨ। ਭਵਿੱਖ ਵਿਚ ਆਪਣੇ ਮੈਂਬਰਾਂ ਲਈ ਉਦਯੋਗ-ਕੇਂਦਰਿਤ ਸੈਸ਼ਨ, ਨੈੱਟਵਰਕਿੰਗ ਮੀਟਿੰਗਾਂ ਅਤੇ ਕਾਰੋਬਾਰੀ-ਸੰਪਰਕ ਪਹਿਲਕਦਮੀਆਂ ਦਾ ਹੋਰ ਪ੍ਰਬੰਧ ਕਰਨ ਲਈ ਉਤਸੁਕ ਹੈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
