ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਜਥੇਬੰਦਕ ਢਾਂਚੇ ਨੂੰ ਜ਼ਮੀਨੀ ਪੱਧਰ ’ਤੇ ਮਜ਼ਬੂਤ ਕਰਨ ਲਈ ਸਰਕਲ ਪ੍ਰਧਾਨਾਂ ਦੀ ਹੋਈ ਅਹਿਮ ਮੀਟਿੰਗ

ਇਆਲੀ/ਥਰੀਕੇ, 5 ਸਤੰਬਰ (ਮਨਜੀਤ ਸਿੰਘ ਦੁੱਗਰੀ)-ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਹਲਕਾ ਗਿੱਲ ਦੇ ਸਰਕਲ ਪ੍ਰਧਾਨਾਂ ਸਰਕਲ ਲਾਡੋਵਾਲ ਤੋਂ ਸ਼ਮਸ਼ੇਰ ਸਿੰਘ, ਹੰਬੜਾਂ ਤੋਂ ਸਤਿੰਦਰਪਾਲ ਸਿੰਘ, ਸਦਰ-1 ਤੋਂ ਸਤਨਾਮ ਸਿੰਘ, ਸਦਰ-2 ਤੋਂ ਧਨਵੰਤ ਸਿੰਘ ਤੇ ਹਰਪ੍ਰੀਤ ਸਿੰਘ ਹੈਪੀ ਠੱਕਰਵਾਲ, ਸਦਰ-3 ਤੋਂ ਕਵਲਜੀਤ ਸਿੰਘ, ਡੇਹਲੋਂ ਤੋਂ ਹਰਪਾਲ ਸਿੰਘ ਪਾਲੀ, ਆਲਮਗੀਰ ਤੋਂ ਤਲਵਿੰਦਰ ਸਿੰਘ, ਘਵੱਦੀ ਤੋਂ ਪਰਮਜੀਤ ਸਿੰਘ ਨੀਟੂ ਸਰੀਂਹ, ਮਨਸੂਰਾਂ ਤੋਂ ਸੁਖਦੀਪ ਸਿੰਘ ਦਾਦ, ਪ੍ਰਤਾਪ ਸਿੰਘ ਵਾਲਾ-1 ਤੋਂ ਜਥੇਦਾਰ ਇੰਦਰ ਸਿੰਘ, ਪ੍ਰਤਾਪ ਸਿੰਘ ਵਾਲਾ-2 ਤੋਂ ਬੇਅੰਤ ਸਿੰਘ ਅਤੇ ਲਾਡੋਵਾਲ ਤੋਂ ਕੁਲਦੀਪ ਸਿੰਘ ਤਲਵੰਡੀ ਦੀ ਇਕ ਅਹਿਮ ਮੀਟਿੰਗ ਹਲਕਾ ਇੰਚਾਰਜ ਦਰਸ਼ਨ ਸਿੰਘ ਸ਼ਿਵਾਲਿਕ ਦੀ ਅਗਵਾਈ ਹੇਠ ਹੋਈ। ਇਸ ਦੌਰਾਨ ਪਾਰਟੀ ਦੇ ਜਥੇਬੰਦਕ ਢਾਂਚੇ ਨੂੰ ਹੋਰ ਮਜ਼ਬੂਤ ਕਰਦਿਆਂ ਜ਼ਮੀਨੀ ਪੱਧਰ ਤੱਕ ਲਿਜਾਉਣ ਅਤੇ ਆਮ ਲੋਕਾਂ ਨੂੰ ਪਾਰਟੀ ਦੀਆਂ ਪੰਜਾਬ ਉਸਾਰੂ ਤੇ ਪੰਜਾਬ ਪੱਖੀ ਨੀਤੀਆਂ ਤੋਂ ਜਾਣੂ ਕਰਵਾਉਣ ’ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ ਅਤੇ ਪਾਰਟੀ ਨੂੰ ਜ਼ਮੀਨੀ ਪੱਧਰ ’ਤੇ ਹੋਰ ਮਜ਼ਬੂਤ ਕਰਨ ਲਈ ਜਥੇਬੰਦਕ ਢਾਂਚੇ ਵਿਚ ਹੋਰ ਵਿਸਥਾਰ ਕਰਨ ਲਈ ਸਲਾਹ ਮਸ਼ਵਰਾਂ ਕੀਤਾ ਗਿਆ।

Ad Position 21