ਅਟਲ ਅਪਾਰਟਮੈਂਟ ਦੇ 160 ਫਲੈਟਾਂ ਦੀ ਅਲਾਟਮੈਂਟ
ਲੁਧਿਆਣਾ, 22 ਸਤੰਬਰ (ਭੁਪਿੰਦਰ ਸਿੰਘ ਬੈਂਸ)-ਨਗਰ ਸੁਧਾਰ ਟਰੱਸਟ ਵਲੋਂ ਅਟਲ ਅਪਾਰਮੈਂਟ ਪ੍ਰਾਜੈਕਟ ਤਹਿਤ ਸਫਲ ਬਿਨੈਕਾਰਾਂ ਨੂੰ ਅਲਾਟਮੈਂਟ ਲੈਟਰ ਸੌਂਪਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸੇ ਤਹਿਤ 124 ਐਮ.
ਲੁਧਿਆਣਾ, 22 ਸਤੰਬਰ (ਭੁਪਿੰਦਰ ਸਿੰਘ ਬੈਂਸ)-ਨਗਰ ਸੁਧਾਰ ਟਰੱਸਟ ਵਲੋਂ ਅਟਲ ਅਪਾਰਮੈਂਟ ਪ੍ਰਾਜੈਕਟ ਤਹਿਤ ਸਫਲ ਬਿਨੈਕਾਰਾਂ ਨੂੰ ਅਲਾਟਮੈਂਟ ਲੈਟਰ ਸੌਂਪਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸੇ ਤਹਿਤ 124 ਐਮ.ਆਈ.ਜੀ. ਅਤੇ 36 ਐਲ.ਆਈ.ਜੀ. ਫਲੈਟਾਂ, ਭਾਵ ਕੁੱਲ 160 ਫਲੈਟਾਂ ਦੇ ਅਲਾਟਮੈਂਟ ਲੈਟਰ ਸਫਲ ਬਿਨੈਕਾਰਾਂ ਨੂੰ ਦਿੱਤੇ ਗਏ। ਇਸ ਮੌਕੇ ਨਗਰ ਸੁਧਾਰ ਟਰੱਸਟ ਦੇ ਚੇਅਰਮੈਨ ਤਰਸੇਮ ਸਿੰਘ ਭਿੰਡਰ ਦੀ ਮੌਜੂਦਗੀ ਵਿਚ ਅਲਾਟੀਆਂ ਨੂੰ ਲੈਟਰ ਸੌਂਪੇ ਗਏ। ਸਮਾਗਮ ਦੌਰਾਨ ਟਰੱਸਟ ਦੇ ਟਰੱਸਟੀਆਂ ਅਮਨਦੀਪ ਸਿੰਘ, ਬਲਬੀਰ ਚੌਧਰੀ ਅਤੇ ਸੰਦੀਪ ਮਿਸ਼ਰਾ ਵੀ ਹਾਜ਼ਰ ਰਹੇ। ਟਰੱਸਟ ਵਲੋਂ ਦੱਸਿਆ ਗਿਆ ਕਿ ਅਟਲ ਅਪਾਰਟਮੈਂਟ ਪ੍ਰਾਜੈਕਟ ਦਾ ਕੰਮ ਹੁਣ ਅੰਤਿਮ ਪੜਾਅ ‘ਤੇ ਪੁੱਜ ਚੁੱਕਾ ਹੈ ਅਤੇ ਫਲੈਟਾਂ ਦੇ ਕਬਜ਼ੇ ਅਲਾਟੀਆਂ ਨੂੰ ਸੌਂਪਣ ਦੀ ਪ੍ਰਕਿਰਿਆ ਵੀ ਅੱਗੇ ਵਧਾਈ ਜਾ ਰਹੀ ਹੈ। ਚੇਅਰਮੈਨ ਤਰਸੇਮ ਸਿੰਘ ਭਿੰਡਰ ਨੇ ਕਿਹਾ ਕਿ ਅਲਾਟੀਆਂ ਨੂੰ ਫਲੈਟਾਂ ਦਾ ਕਬਜ਼ਾ ਦੇਣ ਸੰਬੰਧੀ ਨੋੜੀਂਦੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਫਲੈਟਾਂ ਨੂੰੰ ਬੈਂਕਾਂ ਰਾਹੀ ਕਰਜ਼ੇ ਦੀ ਸਹੂਲਤ ਨਾਲ ਜੋੜਨ ਲਈ ਵੀ ਕਾਰਵਾਈ ਕੀਤੀ ਜੀ ਰਹੀ ਹੈ। ਇਸ ਤੋਂ ਇਲਾਵਾ ਪ੍ਰਾਜੈਕਟ ਵਿਚ ਦੁਕਾਨਾਂ ਅਤੇ ਹੋਰ ਜ਼ਰੂਰੀ ਸਹੂਲਤਾਂ ਸੰਬੰਧੀ ਕੰਮ ਵੀ ਅੱਗੇ ਵਧਾਇਆ ਜਾ ਰਿਹਾ ਹੈ।
