ਕੈਡਿਲਾ ਫਾਰਮਾਸਿਊਟਿਕਲਜ਼ ਨੇ ਬੀ.ਪੀ. ਕੰਟਰੋਲ ਲਈ ਨਵੀਂ ਥੈਰੇਪੀ 'ਸਿਲੇਜ਼ ਟਰਾਇਓ' ਲਾਂਚ ਕੀਤੀ

ਅ

ਅਜੀਤ ਡੈਸਕ 12-04-2026

ਚੰਡੀਗੜ੍ਹ, 11 ਅਪ੍ਰੈਲ (ਅ.ਬ.) ਕੈਡਿਲਾ ਫਾਰਮਾਸਿਊਟਿਕਲਜ਼ ਨੇ ਹਾਲ ਹੀ 'ਚ 'ਸਿਲੇਜ਼ ਟਰਾਇਓ' ਨਾਮ ਦੀ ਨਵੀਂ ਦਵਾਈ ਲਾਂਚ ਕੀਤੀ ਹੈ | ਇਹ ਇਕ ਫਿਕਸਡ-ਡੋਜ਼ ਕੰਬੀਨੇਸ਼ਨ ਥੈਰੇਪੀ ਹੈ, ਜਿਸ ਨੂੰ ਲੰਮੇ ਸਮੇਂ ਤੱਕ ਬਲੱਡ ਪ੍ਰੈਸ਼ਰ (ਬੀ.ਪੀ) ਨੂੰ ਕੰਟਰੋਲ 'ਚ ਰੱਖਣ, ਵਧੀਆ ਸਹਿਣਸ਼ੀਲਤਾ ਅਤੇ ਮਰੀਜ਼ਾਂ ਦੀ ਦਵਾਈ ਲੈਣ ਦੀ ਆਦਤ ਨੂੰ ਸੁਧਾਰਨ ਦੇ ਉਦੇਸ਼ ਨਾਲ ਤਿਆਰ ਕੀਤਾ ਗਿਆ ਹੈ | ਇਸ ਦਵਾਈ ਨੂੰ ਭਾਰਤ 'ਚ ਤੇਜ਼ੀ ਨਾਲ ਵਧ ਰਹੇ ਹਾਈਪਰਟੈਂਸ਼ਨ ਦੇ ਕੇਸਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਵਿਕਸਿਤ ਕੀਤਾ ਗਿਆ ਹੈ, ਕਿਉਂਕਿ ਅੱਜ ਪ੍ਰਭਾਵਸ਼ਾਲੀ ਅਤੇ ਗਾਈਡਲਾਈਨ ਅਧਾਰਿਤ ਇਲਾਜ ਦੀ ਲੋੜ ਵਧ ਰਹੀ ਹੈ | 'ਸਿਲੇਜ਼ ਟਰਾਇਓ' ਵਿੱਚ ਤਿੰਨ ਸਥਾਪਿਤ ਐਂਟੀ-ਹਾਈਪਰਟੈਂਸਿਵ ਦਵਾਈਆਂ ਦਾ ਸੰਯੋਗ ਹੈ, ਜਿਸ ਵਿੱਚ ਸਿਲਨਿਡਿਪਿਨ ਇੱਕ ਕੈਲਸ਼ੀਅਮ ਚੈਨਲ ਬਲਾਕਰ ਹੈ, ਟੈਲਮਿਸਾਰਟਨ ਇੱਕ ਐਂਜਿਓਟੈਂਸਿਨ ਰਿਸੈਪਟਰ ਬਲਾਕਰ ਹੈ ਅਤੇ ਮੈਟੋਪ੍ਰੋਲੋਲ ਇੱਕ ਬੀਟਾ-1 ਚੋਣਾਤਮਕ ਬਲਾਕਰ ਹੈ | ਇਹ ਤਿੰਨੋਂ ਦਵਾਈਆਂ ਕਲੀਨਿਕਲ ਸਬੂਤਾਂ ਨਾਲ ਪ੍ਰਮਾਣਿਤ ਕੰਬੀਨੇਸ਼ਨ ਹਨ, ਜੋ ਵੱਖ-ਵੱਖ ਤਰੀਕਿਆਂ ਨਾਲ ਕੰਮ ਕਰਦੀਆਂ ਹਨ, ਜਿਸ ਨਾਲ ਬਲੱਡ ਪ੍ਰੈਸ਼ਰ ਨੂੰ ਵਧੀਆ ਢੰਗ ਨਾਲ ਕੰਟਰੋਲ ਕੀਤਾ ਜਾ ਸਕਦਾ ਹੈ ਅਤੇ ਦਿਲ ਨਾਲ ਜੁੜੀਆਂ ਬਿਮਾਰੀਆਂ ਵਿੱਚ ਵੀ ਸੁਰੱਖਿਆ ਮਿਲਦੀ ਹੈ | ਖਾਸ ਕਰਕੇ ਉਹਨਾਂ ਮਰੀਜ਼ਾਂ ਲਈ ਇਹ ਜਿਆਦਾ ਲਾਭਕਾਰੀ ਹੈ, ਜਿਨ੍ਹਾਂ ਨੂੰ ਦਿਲ ਦੀ ਬਿਮਾਰੀ ਜਾਂ ਹਾਰਟ ਅਟੈਕ ਦੀ ਸਮੱਸਿਆ ਰਹੀ ਹੈ | ਇਸ ਦਵਾਈ ਦੇ ਲਾਂਚ ਮੌਕੇ ਕੰਪਨੀ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਰਾਜੀਵ ਆਈ. ਮੋਦੀ ਨੇ ਕਿਹਾ, ''ਕੈਡਿਲਾ ਫਾਰਮਾਸਿਊਟਿਕਲਜ਼ ਨੇ ਹਾਈਪਰਟੈਂਸ਼ਨ ਮੈਨੇਜਮੈਂਟ ਵਿੱਚ ਅਧੂਰੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਆਪਣੀ ਵਚਨਬੱਧਤਾ ਨੂੰ ਦੁਹਰਾਇਆ ਹੈ | ਇਹ ਨਵੀਂ ਥੈਰੇਪੀ ਹਾਈਪਰਟੈਂਸ਼ਨ ਦੇ ਇਲਾਜ ਵਿੱਚ ਮੌਜੂਦਾ ਕਮੀਆਂ ਨੂੰ ਦੂਰ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ |

ਪਿਛਲੀ ਖ਼ਬਰ 'ਗੈਂਗਸਟਰਾਂ 'ਤੇ ਵਾਰ' ਦਾ 81ਵਾਂ ਦਿਨ: ਪੁਲਿਸ ਵਲੋਂ 516 ਥਾਵਾਂ 'ਤੇ ਛਾਪੇਮਾਰੀ, 239 ਗਿ੍ਫ਼ਤਾਰ ਅਗਲੀ ਖ਼ਬਰ ਨਵੇਂ ਸੈਸ਼ਨ ਦੀ ਸ਼ੁਰੂਆਤ 'ਚ ਪਾਠ ਅਤੇ ਗੁਰਬਾਣੀ ਕੀਰਤਨ ਕਰਵਾਏ <br/>

ਕੈਡਿਲਾ ਫਾਰਮਾਸਿਊਟਿਕਲਜ਼ ਨੇ ਬੀ.ਪੀ. ਕੰਟਰੋਲ ਲਈ ਨਵੀਂ ਥੈਰੇਪੀ 'ਸਿਲੇਜ਼ ਟਰਾਇਓ' ਲਾਂਚ ਕੀਤੀ

ਸੰਬੰਧਿਤ ਖ਼ਬਰਾਂ