ਕੌਂਸਲਰ ਗਾਬੀ ਵਲੋਂ 30 ਲੱਖ ਦੀ ਲਾਗਤ ਨਾਲ ਹਾਈਮਾਸਟ ਤੇ ਗਲੋਬ ਲਾਈਟਾਂ ਲਗਾਉਣ ਦਾ ਕੰਮ ਸ਼ੁਰੂ
ਚੰਡੀਗੜ੍ਹ, 29 ਸਤੰਬਰ (ਸੰਦੀਪ ਕੁਮਾਰ ਮਾਹਨਾ)- ਵਾਰਡ ਨੰਬਰ 34 ਨੂੰ ਦੀਵਾਲੀ ਤੋਂ ਪਹਿਲਾਂ ਰੌਸ਼ਨ ਕਰਨ ਲਈ ਕਰੀਬ 30 ਲੱਖ ਰੁਪਏ ਦਾ ਲਾਈਟਿੰਗ ਪ੍ਰੋਜੈਕਟ ਸ਼ੁਰੂ ਕੀਤਾ ਗਿਆ ਹੈ। ਸੈਕਟਰ 45 ਤੇ 46 ਦੇ ਪਾਰਕਾਂ, ਸੜਕਾਂ ਤੇ ਹੋਰ ਜਨਤਕ ਥਾਵਾਂ ’ਤੇ ਨਵੀਆਂ ਲਾਈਟਾਂ ਲਗਾ ਕੇ ਹਨੇਰੇ ਵਾਲੇ ਸਥਾਨਾਂ ਨੂੰ ਰੌਸ਼ਨ ਕੀਤਾ ਜਾਵੇਗਾ।
ਚ
ਚੰਡੀਗੜ੍ਹ ਨਗਰ ਨਿਗਮ ਦੇ ਵਾਰਡ ਨੰਬਰ 34 ਤੱਕ ਕੌਂਸਲਰ ਗੁਰਪ੍ਰੀਤ ਸਿੰਘ ਗਾਬੀ ਇਲਾਕੇ ਦੇ ਸੀਨੀਅਰ ਨਾਗਰਿਕਾਂ ਤੇ ਨਾਰੀ ਸ਼ਕਤੀ ਹੱਥੋਂ ਨਵੀਆਂ ਲਾਈਟਾਂ ਲਗਾਉਣ ਦੇ ਪ੍ਰੋਜੈਕਟ ਦਾ ਉਦਘਾਟਨ ਕਰਵਾਉਂਦੇ ਹੋਏ। ਤਸਵੀਰ : ਗੁਰਿੰਦਰ ਸਿੰਘ।
30-09-2026
ਚੰਡੀਗੜ੍ਹ, 29 ਸਤੰਬਰ (ਸੰਦੀਪ ਕੁਮਾਰ ਮਾਹਨਾ)- ਵਾਰਡ ਨੰਬਰ 34 ਨੂੰ ਦੀਵਾਲੀ ਤੋਂ ਪਹਿਲਾਂ ਰੌਸ਼ਨ ਕਰਨ ਲਈ ਕਰੀਬ 30 ਲੱਖ ਰੁਪਏ ਦਾ ਲਾਈਟਿੰਗ ਪ੍ਰੋਜੈਕਟ ਸ਼ੁਰੂ ਕੀਤਾ ਗਿਆ ਹੈ। ਸੈਕਟਰ 45 ਤੇ 46 ਦੇ ਪਾਰਕਾਂ, ਸੜਕਾਂ ਤੇ ਹੋਰ ਜਨਤਕ ਥਾਵਾਂ ’ਤੇ ਨਵੀਆਂ ਲਾਈਟਾਂ ਲਗਾ ਕੇ ਹਨੇਰੇ ਵਾਲੇ ਸਥਾਨਾਂ ਨੂੰ ਰੌਸ਼ਨ ਕੀਤਾ ਜਾਵੇਗਾ। ਇਲਾਕਾ ਕੌਂਸਲਰ ਗੁਰਪ੍ਰੀਤ ਸਿੰਘ ਗਾਬੀ ਨੇ ਸੀਨੀਅਰ ਨਾਗਰਿਕਾਂ ਬਲਦੇਵ ਕੌਰ, ਓਮ ਪ੍ਰਕਾਸ਼ ਤੇ ਕਸ਼ਮੀਰਾ ਸਿੰਘ ਅਤੇ ਨਾਰੀ ਸ਼ਕਤੀ ਦੇ ਹੱਥੋਂ ਪੂਰੇ ਵਿਧੀ-ਵਿਧਾਨ ਨਾਲ ਇਸ ਕੰਮ ਦੀ ਸ਼ੁਰੂਆਤ ਕਰਵਾਈ। ਉਨ੍ਹਾਂ ਦੱਸਿਆ ਕਿ ਪ੍ਰੋਜੈਕਟ ਤਹਿਤ ਪਾਰਕਾਂ, ਸੜਕਾਂ, ਮਾਰਕੀਟਾਂ ਅਤੇ ਹੋਰ ਜਨਤਕ ਥਾਵਾਂ ’ਤੇ ਹਾਈਮਾਸਟ, ਸਟਰੀਟ, ਗਲੋਬ, ਵਾਲ ਬਰੈਕਟ, ਫਲੱਡ ਅਤੇ ਫੈਂਸੀ ਲਾਈਟਾਂ ਲਗਾਈਆਂ ਜਾਣਗੀਆਂ। ਕੌਂਸਲਰ ਗੁਰਪ੍ਰੀਤ ਸਿੰਘ ਗਾਬੀ ਨੇ ਦੱਸਿਆ ਕਿ ਸੈਕਟਰ 45-ਡੀ ਸਥਿਤ ਪਾਰਕ ਅਤੇ ਇਸ ਦੇ ਆਸ-ਪਾਸ ਦੀਆਂ ਸੜਕਾਂ ’ਤੇ ਵੀ ਸਟਰੀਟ ਲਾਈਟਾਂ ਲਗਾਈਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਇਸ ਇਲਾਕੇ ’ਚ ਲੰਬੇ ਸਮੇਂ ਤੋਂ ਰੌਸ਼ਨੀ ਦੀ ਘਾਟ ਸੀ, ਜਿਸ ਕਾਰਨ ਰਾਤ ਸਮੇਂ ਵਸਨੀਕਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਸੀ। ਹੁਣ ਲਾਈਟਾਂ ਲੱਗਣ ਨਾਲ ਇਲਾਕੇ ’ਚ ਰਾਤ ਸਮੇਂ ਆਵਾਜਾਈ ਸੁਖਾਲੀ ਹੋਣ ਦੇ ਨਾਲ ਲੋਕਾਂ ਨੂੰ ਸਹੂਲਤ ਮਿਲੇਗੀ। ਉਨ੍ਹਾਂ ਦੱਸਿਆ ਕਿ ਸੈਕਟਰ 45-ਡੀ ਮਾਰਕੀਟ ਅਤੇ ਰਾਮ-ਲੀਲ੍ਹਾ ਗਰਾਊਂਡ ’ਚ ਹਾਈਮਾਸਟ ਲਾਈਟਾਂ ਲਗਾਈਆਂ ਜਾਣਗੀਆਂ । ਇਸ ਨਾਲ ਮਾਰਕੀਟ ਦੀ ਪਾਰਕਿੰਗ ਅਤੇ ਰਾਮ-ਲੀਲ੍ਹਾ ਗਰਾਊਂਡ ਦੇ ਆਸ-ਪਾਸ ਦਾ ਇਲਾਕਾ ਰੌਸ਼ਨ ਹੋਵੇਗਾ। ਵਾਰਡ ਦੇ ਵੱਖ-ਵੱਖ ਪਾਰਕਾਂ ’ਚ ਵੀ ਹਾਈਮਾਸਟ ਤੇ ਗਲੋਬ ਲਾਈਟਾਂ ਲਗਾਉਣ ਦੀ ਯੋਜਨਾ ਹੈ। ਪ੍ਰੋਜੈਕਟ ਤਹਿਤ ਤਿੰਨ 12.5 ਮੀਟਰ ਉੱਚੇ ਅਤੇ ਤਿੰਨ 7 ਮੀਟਰ ਉੱਚੇ ਹਾਈਮਾਸਟ, 30 ਵਾਲ ਬਰੈਕਟ, 60 ਗਲੋਬ ਲਾਈਟਾਂ ਸਮੇਤ ਪੋਲ, 15 ਸਟਰੀਟ ਲਾਈਟਾਂ 7.5 ਮੀਟਰ ਪੋਲਾਂ ’ਤੇ, 32 ਫਲੱਡ ਲਾਈਟਾਂ, 90 ਗਲੋਬ ਅਤੇ 6 ਫੈਂਸੀ ਲਾਈਟਾਂ ਲਗਾਈਆਂ ਜਾਣਗੀਆਂ। ਗਾਬੀ ਨੇ ਕਿਹਾ ਕਿ ਵਾਰਡ ’ਚ ਜਿੱਥੇ ਵੀ ਰੌਸ਼ਨੀ ਦੀ ਲੋੜ ਹੋਵੇਗੀ, ਉੱਥੇ ਲੋੜ ਅਨੁਸਾਰ ਲਾਈਟਾਂ ਲਗਾ ਕੇ ਡਾਰਕ ਸਪਾਟ ਖ਼ਤਮ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਦੀਵਾਲੀ ਅਤੇ ਬੰਦੀ ਛੋੜ ਦਿਵਸ ਮੌਕੇ ਵਾਰਡ ਨੰਬਰ 34 ਦੇ ਵੱਡੇ ਹਿੱਸੇ ’ਚ ਨਵੀਂ ਰੌਸ਼ਨੀ ਨਜ਼ਰ ਆਵੇਗੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਰੌਸ਼ਨੀ ਦੀ ਬਿਹਤਰ ਵਿਵਸਥਾ ਨਾਲ ਵਾਰਡ ਦੀ ਦਿੱਖ ’ਚ ਵੀ ਸੁਧਾਰ ਹੋਵੇਗਾ ਅਤੇ ਵਸਨੀਕਾਂ ਨੂੰ ਰਾਤ ਸਮੇਂ ਆਵਾਜਾਈ ’ਚ ਸਹੂਲਤ ਮਿਲੇਗੀ। ਇਸ ਮੌਕੇ ਸ੍ਰੀ ਸਨਾਤਨ ਧਰਮ ਮੰਦਰ ਸੈਕਟਰ 45 ਦੇ ਪ੍ਰਧਾਨ ਹਰਸ਼ ਕੁਮਾਰ, ਲਾਲ ਚੰਦ ਸ਼ਰਮਾ ਤੋਂ ਇਲਾਵਾ ਨੇਹਾ, ਮਨਮੋਹਨ ਸਿੰਘ, ਸਫ਼ਰੀ ਲਾਲ, ਕਰਨੈਲ ਸਿੰਘ, ਸੰਜੇ ਗਾਂਧੀ, ਮਮਤਾ, ਸੋਮਾ, ਬਲਜੀਤ ਕੌਰ ਕੰਗ, ਸੁਭਾਸ਼ ਗੁਪਤਾ, ਕਪਿਲ, ਬਿੰਦਰ ਸਿੰਘ, ਕਾਂਤਾ ਦੇਵੀ, ਰਵਿੰਦਰ ਕੌਰ, ਨਿਰਮਲਜੀਤ, ਅਰੁਣ ਬਾਲਾ, ਕਾਮਨਾ, ਰਮਾ ਪੁਰੀ, ਸੁਰਜੀਤ ਕੌਰ, ਮੀਨਾ ਸੋਢੀ, ਬੇਲਾ, ਨੀਰਜ, ਸਾਕਸ਼ੀ ਕੁਮਾਰ, ਮਿੰਨੀ ਮਹਾਜਨ, ਸੁਰਿੰਦਰ ਸਿੰਘ ਗੌਰ, ਸ਼ਿਵ ਕੁਮਾਰ, ਐਸ.ਕੇ. ਧੀਮਾਨ, ਅਮਰਵੀਰ ਧੀ, ਦਿਲਬਾਗ ਰਾਏ, ਮੇਘ ਰਾਜ ਗੋਇਲ, ਪਵਨ ਕੁਮਾਰ, ਮਨੋਹਰ, ਅਨਿਲ ਕੁਮਾਰ ਤੇ ਵਿਕਾਸ ਟੋਨੀ ਸਮੇਤ ਹੋਰ ਵਸਨੀਕ ਹਾਜ਼ਰ ਸਨ।
