ਬਾਰਿਸ਼ ਨਾਲ ਝੋਨੇ ਦੀ ਫ਼ਸਲ ਧਰਤੀ ’ਤੇ ਵਿਛੀ ਝੋਨੇ ਦੀ ਕਟਾਈ ’ਤੇ ਖ਼ਰੀਦ ਹੋਈ ਪ੍ਰਭਾਵਿਤ
ਬਰੇਟਾ , 15 ਅਕਤੂਬਰ ( ਜੀਵਨ ਸ਼ਰਮਾ )- ਅੱਜ ਸਵੇਰ ਵਕਤ ਇਸ ਖੇਤਰ ’ ਚ ਪਈ ਭਰਵੀਂ ਬਾਰਿਸ਼ ਅਤੇ ਤੇਜ ਹਨੇਰੀ ਨੇ ਖੇਤਾਂ ’ ਚ ਪੱਕੀ ਫ਼ਸਲ ਨੂੰ ਧਰਤੀ ’ ਤੇ ਵਿਛਾ ਦਿੱਤਾ ਹੈ ਅਤੇ ਨਾਲ ਹੀ ਮੰਡੀਆਂ ਵਿਚ ਵਿਕਣ ਲਈ ਆਈ ਫ਼ਸਲ ਦੀ ਖ਼ਰੀਦ ਵੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋ ਗਈ ਹੈ । ਖ਼ਰੀਦ ਕੇਂਦਰਾਂ ’ ਚ ਵਿਕਣ ਲਈ ਆਈਆਂ ਝੋਨੇ ਦੀਆਂ ਢੇਰੀਆਂ ਬਾਰਸ਼ ਨਾਲ ਗਿੱਲੀਆਂ ਹੋ ਗਈਆਂ ।
ਬਰੇਟਾ , 15 ਅਕਤੂਬਰ ( ਜੀਵਨ ਸ਼ਰਮਾ )- ਅੱਜ ਸਵੇਰ ਵਕਤ ਇਸ ਖੇਤਰ ’ ਚ ਪਈ ਭਰਵੀਂ ਬਾਰਿਸ਼ ਅਤੇ ਤੇਜ ਹਨੇਰੀ ਨੇ ਖੇਤਾਂ ’ ਚ ਪੱਕੀ ਫ਼ਸਲ ਨੂੰ ਧਰਤੀ ’ ਤੇ ਵਿਛਾ ਦਿੱਤਾ ਹੈ ਅਤੇ ਨਾਲ ਹੀ ਮੰਡੀਆਂ ਵਿਚ ਵਿਕਣ ਲਈ ਆਈ ਫ਼ਸਲ ਦੀ ਖ਼ਰੀਦ ਵੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋ ਗਈ ਹੈ । ਖ਼ਰੀਦ ਕੇਂਦਰਾਂ ’ ਚ ਵਿਕਣ ਲਈ ਆਈਆਂ ਝੋਨੇ ਦੀਆਂ ਢੇਰੀਆਂ ਬਾਰਸ਼ ਨਾਲ ਗਿੱਲੀਆਂ ਹੋ ਗਈਆਂ । ਕਿਸਾਨਾਂ ਵਲੋਂ ਬੜੀ ਮੁਸ਼ਕਿਲ ਨਾਲ ਤਰਪਾਲਾਂ ਦਾ ਪ੍ਰਬੰਧ ਕੀਤਾ ਗਿਆ ਪਰ ਬਹੁਤੇ ਕਿਸਾਨਾਂ ਵਲੋਂ ਤਰਪਾਲਾਂ ਦਾ ਪ੍ਰਬੰਧ ਵੀ ਨਹੀਂ ਹੋ ਸਕਿਆ । ਕਿਸਾਨਾਂ ਨੇ ਦੁਖੀ ਮਨ ਨਾਲ ਦੱਸਿਆ ਕਿ ਉਨ੍ਹਾਂ ਦੀ ਫ਼ਸਲ ਤਾਂ ਪਹਿਲਾਂ ਹੀ ਨਹੀਂ ਖਰੀਦੀ ਜਾ ਰਹੀ ਸੀ ਤੇ ਹੁਣ ਇਸ ਬਾਰਸ਼ ਨਾਲ ਉਨ੍ਹਾਂ ਨੂੰ ਹੋਰ ਕਈ ਕਈ ਮੰਡੀਆਂ ’ ਚ ਖੱਜਲ - ਖੁਆਰ ਹੋਣਾ ਪਵੇਗਾ । ਉਨ੍ਹਾਂ ਮੰਗ ਕੀਤੀ ਕਿ ਸਰਕਾਰ ਖ਼ਰੀਦ ਮਾਪਦੰਡਾਂ ’ ਚ ਥੋੜ੍ਹੀ ਨਰਮੀ ਵਿਖਾਵੇ ਤਾਂ ਜੋ ਉਨ੍ਹਾਂ ਨੂੰ ਥੋੜ੍ਹੀ ਰਾਹਤ ਮਿਲ ਸਕੇ । ਕਿਸਾਨਾਂ ਦਾ ਕਹਿਣਾ ਹੈ ਕਿ ਇਕ ਹਫ਼ਤੇ ਤੱਕ ਖੇਤਾਂ ’ ਚ ਖੜ੍ਹੀ ਫ਼ਸਲ ਦੀ ਕਟਾਈ ਰੁਕ ਜਾਵੇਗੀ ।
