ਨੰਗਲ, 7 ਮਾਰਚ (ਗੁਰਪ੍ਰੀਤ ਸਿੰਘ ਗਰੇਵਾਲ)-ਰੇਨੂੰ ਕੌਸ਼ਲ ਸਟੇਟ ਐਵਾਰਡੀ ਸਰਕਾਰੀ ਪ੍ਰਾਇਮਰੀ ਸਕੂਲ ਡਬਲ ਈ. ਬਲਾਕ ਨੰਗਲ ਟਾਊਨ ਸਿੱਪ 'ਚ ਬਤੌਰ ਟੀਚਰ ਕੰਮ ਕਰ ਰਹੇ ਹਨ | 'ਵਰਕ ਕਲਚਰ' ਨੂੰ ਸਮਰਪਿਤ ਮੈਡਮ ਰੇਨੂੰ ਕੌਸ਼ਲ ਅਕਸਰ ਆਖਦੇ ਹਨ ਕਿ ਸਕੂਲ ਮੇਰੇ ਲਈ ਪੂਜਣਯੋਗ ਹੈ | ਮੈਡਮ ਰੇਨੂੰ ਬੱਚਿਆਂ ਨੂੰ ਸਿੱਖਿਅਤ ਕਰਨ ਦੇ ਨਾਲ-ਨਾਲ ਨੈਤਿਕ ਸਿੱਖਿਆ ਨਾਲ ਜੋੜਦੇ ਹਨ | ਬਾਲ ਕਹਾਣੀ ਸੰਗਿ੍ਹ 'ਕਾਟੋ ਮਾਸੀ' ਦੇ ਰਚੇਤਾ ਰੇਨੂੰ ਕੌਸ਼ਲ ਆਰਟ ਆਫ਼ ਲਿਵਿੰਗ ਸੰਸਥਾ ਨਾਲ ਵੀ ਜੁੜੇ ਹਨ | ਚੌਗਿਰਦੇ ਬਾਰੇ ਬੜੇ ਹੀ ਫ਼ਿਕਰਮੰਦ ਮੈਡਮ ਰੇਨੂੰ ਕੌਸ਼ਲ ਹਰ ਵਰ੍ਹੇ ਪੱਲੇ ਹੋਏ ਪੌਦੇ ਟ੍ਰੀ ਗਾਰਡ ਨਾਲ ਲਗਾਉਂਦੇ ਹਨ | ਮੈਡਮ ਰੇਨੂੰ ਕੌਸ਼ਲ ਪਰਵਾਸੀ ਪੰਜਾਬੀ ਫਰੈਂਡਜ਼ ਕਲੱਬ ਨਾਲ ਮਿਲ ਕੇ ਸਮਾਈਲ ਹੱਟੀ ਵੀ ਚਲਾ ਰਹੇ ਹਨ | ਇਹ ਇਕ ਸ਼ਾਨਦਾਰ ਮੁਹਿੰਮ ਹੈ, ਜਿਸ ਅਧੀਨ ਤੁਸੀਂ ਆਪਣੇ ਘਰੋਂ ਉਹ ਚੀਜ਼ਾਂ ਕੱਢ ਕੇ ਕਿਸੇ ਲੋੜਵੰਦ ਨੂੰ ਦੇਣੀਆਂ ਹਨ, ਜਿਹੜੀਆਂ ਤੁਸੀਂ ਲੰਬੇ ਸਮੇਂ ਤੋਂ ਵਰਤ ਨਹੀਂ ਰਹੇ | ਮੈਡਮ ਰੇਨੂੰ ਅਕਸਰ ਆਖਦੇ ਹਨ ਕਿ 'ਬੰਦਾ ਅੰਗਹੀਣ ਹੋਵੇ ਪਰ ਅਕਲ ਹੀਣ ਨਾ ਹੋਵੇ |' ਸਾਡੇ ਸਮਾਜ 'ਚ ਬਹੁਤਿਆਂ ਨੇ ਘਰਾਂ ਨੂੰ ਕਬਾੜ ਘਰ ਬਣਾਇਆ ਹੋਇਆ ਹੈ | ਸਾਡੇ ਫ਼ਰਿਜ, ਢਿੱਡ ਤੇ ਡਸਟਬਿਨ ਇੱਕੋ ਜਿਹੇ ਹਨ, ਤਦੇ ਅਸੀਂ ਹਸਪਤਾਲਾਂ 'ਚ ਰੁਲ ਰਹੇ ਹਾਂ |
