ਰੂਪਨਗਰ, 8 ਮਈ (ਯਸ਼ਵੰਤ ਬੱਸੀ)-ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਯੂਨੀਵਰਸਿਟੀ ਸਕੂਲ ਆਫ਼ ਮੈਨੇਜਮੈਂਟ ਸਟੱਡੀਜ਼ (ਯੂ.ਐਸ.ਐਮ.ਐਸ.) ਦੇ ਮੈਨੇਜਮੈਂਟ ਵਿਭਾਗ ਨੇ ਵਿਦਿਆਰਥੀਆਂ ਨੂੰ ਵਪਾਰਕ ਸੰਚਾਲਨ, ਪਾਲਣਾ ਪ੍ਰਣਾਲੀਆਂ ਤੇ ਡਿਜੀਟਲ ਸ਼ਾਸਨ 'ਚ ਜੀ.ਐਸ.ਟੀ. ਦੀ ਵਿਕਸਤ ਹੋ ਰਹੀ ਭੂਮਿਕਾ ਸਬੰਧੀ ਸਮਝ ਪ੍ਰਦਾਨ ਕਰਨ ਲਈ 'ਟੈਕਸੇਸ਼ਨ ਤੋਂ ਅੱਗੇ (ਬਿਓਾਡ ਟੈਕਸੇਸ਼ਨ): ਜੀ.ਐਸ.ਟੀ. ਭਾਰਤ ਵਿਚ ਕਾਰੋਬਾਰ ਤੇ ਤਕਨਾਲੋਜੀ ਨੂੰ ਕਿਵੇਂ ਬਦਲ ਰਿਹਾ ਹੈ' ਵਿਸ਼ੇ 'ਤੇ ਇੱਕ ਮਾਹਿਰ ਭਾਸ਼ਣ ਕਰਵਾਇਆ | ਇਸ ਮੌਕੇ ਚਾਂਸਲਰ ਗੁਰਵਿੰਦਰ ਸਿੰਘ ਬਾਹਰਾ ਤੇ ਵਾਈਸ ਚਾਂਸਲਰ ਪ੍ਰੋ. (ਡਾ.) ਸੰਜੇ ਕੁਮਾਰ ਨੇ ਆਪਣੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ ਤੇ ਟੈਕਸੇਸ਼ਨ, ਵਿੱਤ ਤੇ ਵਪਾਰਕ ਤਕਨਾਲੋਜੀ 'ਚ ਉਦਯੋਗ-ਅਧਾਰਿਤ ਗਿਆਨ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ | ਇਸ ਮੌਕੇ ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਡਿਜੀਟਲ ਟੈਕਸੇਸ਼ਨ ਤੇ ਸ਼ਾਸਨ ਵਿਚ ਉੱਭਰ ਰਹੇ ਰੁਝਾਨਾਂ ਨਾਲ ਅਪਡੇਟ ਰਹਿਣ ਲਈ ਉਤਸ਼ਾਹਿਤ ਕੀਤਾ | ਪ੍ਰੋਗਰਾਮ ਦੌਰਾਨ ਵਿਸ਼ੇ ਸਬੰਧੀ ਕੁੰਜੀਵਤ ਭਾਸ਼ਣ ਪੂਨਮ ਠਾਕੁਰ ਐਚ.ਪੀ.ਆਰ.ਐਸ, ਸਹਾਇਕ ਕਮਿਸ਼ਨਰ, ਰਾਜ ਟੈਕਸ ਤੇ ਆਬਕਾਰੀ-ਕਮ-ਨਿਰੰਤਰਤਾ ਤੇ ਨੋਡਲ ਅਫਸਰ ਜ਼ਿਲ੍ਹਾ ਸ਼ਿਮਲਾ ਦੁਆਰਾ ਦਿੱਤਾ ਗਿਆ | ਇਸ ਤੋਂ ਪਹਿਲਾਂ, ਪ੍ਰੋ. (ਡਾ.) ਸੁਨੈਨਾ ਖੁਰਾਨਾ ਡੀਨ, ਯੂ.ਐਸ.ਐਮ.ਐਸ. ਨੇ ਸਪੀਕਰ ਦੀ ਜਾਣ-ਪਛਾਣ ਕਰਵਾਈ ਅਤੇ ਭਾਰਤ ਦੇ ਵਪਾਰਕ ਵਾਤਾਵਰਣ ਨੂੰ ਮਜ਼ਬੂਤ ਕਰਨ 'ਚ ਤਕਨਾਲੋਜੀ-ਅਧਾਰਤ ਟੈਕਸ ਸੁਧਾਰਾਂ ਦੀ ਮਹੱਤਤਾ 'ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ | ਇਸ ਇੰਟਰਐਕਟਿਵ ਸੈਸ਼ਨ ਵਿਚ ਵਿਦਿਆਰਥੀਆਂ ਨੇ ਉਤਸ਼ਾਹੀ ਭਾਗੀਦਾਰੀ ਕੀਤੀ | ਸਮਾਗਮ ਦਾ ਮੰਚ ਸੰਚਾਲਨ ਸ੍ਰੀਮਤੀ ਰਜ਼ੀਆ ਮੈਡਮ ਨੇ ਕੀਤਾ ਅਤੇ ਡਾ. ਅੰਸ਼ੂ ਗੌਬਾ ਦੇ ਧੰਨਵਾਦ ਨਾਲ ਸਮਾਪਤ ਹੋਇਆ |
