ਨੂਰਪੁਰ ਬੇਦੀ, 12 ਮਈ (ਹਰਦੀਪ ਸਿੰਘ ਢੀਂਡਸਾ)-ਪੰਜਾਬ ਵਿਧਾਨ ਸਭਾ ਦੇ ਸਾਬਕਾ ਸਪੀਕਰ ਰਾਣਾ ਕੇ.ਪੀ ਸਿੰਘ ਨੇ ਆਪਣੇ ਸਪੁੱਤਰ ਰਾਣਾ ਵਿਸ਼ਵ ਪਾਲ ਸਿੰਘ ਦਾ ਜਨਮ ਦਿਨ ਆਪਣੇ ਜੱਦੀ ਪਿੰਡ ਖਟਾਣਾ (ਨੂਰਪੁਰ ਬੇਦੀ) ਵਿਖੇ ਪ੍ਰਮਾਤਮਾ ਦਾ ਸ਼ੁਕਰਾਨਾ ਕਰਕੇ ਮਨਾਇਆ ਗਿਆ | ਇਸ ਮੌਕੇ ਰਾਣਾ ਕੇ.ਪੀ ਸਿੰਘ ਨੇ ਆਪਣੇ ਗ੍ਰਹਿ ਵਿਖੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਸਤਿਕਾਰ ਸਹਿਤ ਖ਼ੁਦ ਲਿਆਂਦਾ ਅਤੇ ਸੁਖਮਨੀ ਸਾਹਿਬ ਦੀ ਬਾਣੀ ਦੇ ਪਾਠ ਕਰਵਾਏ ਗਏ | ਇਸ ਮੌਕੇ ਖਟਾਣਾ ਅਤੇ ਆਸ-ਪਾਸ ਦੇ ਪਿੰਡਾਂ ਦੇ ਮੁਹਤਬਰ ਲੋਕਾਂ ਨੇ ਵੀ ਸਮਾਗਮ ਵਿਚ ਸ਼ਮੂਲੀਅਤ ਕੀਤੀ | ਸ਼ੁਕਰਾਨਾ ਸਮਾਗਮ ਉਪਰੰਤ ਕੇਕ ਵੀ ਕੱਟਿਆ ਗਿਆ |ਦੱਸਣਯੋਗ ਹੈ ਕਿ ਵਿਸ਼ਵ ਪਾਲ ਰਾਣਾ ਜ਼ਿਲ੍ਹਾ ਕਾਂਗਰਸ ਦੇ ਜਨਰਲ ਸਕੱਤਰ ਵੀ ਹਨ | ਇਸ ਮੌਕੇ ਸਰਪੰਚ ਦਰਸ਼ਨ ਸਿੰਘ ਖਟਾਣਾ, ਲਾਲਾ ਸਤੀਸ਼ ਕੁਮਾਰ ਸਰਪੰਚ ਟਿੱਬਾ ਟੱਪਰੀਆਂ, ਪਰਮਨੰਦ, ਕਮਲ ਕਿਸ਼ੋਰ ਸਰਪੰਚ ਫੂਲੜੇ, ਵਤਨ ਭਾਟੀਆ, ਡਾ. ਸੁੱਖਾ ਖਟਾਣਾ, ਬਲਮ ਸਿੰਘ ਫੂਲੜੇ, ਗੁਰਮੁਖ ਸਿੰਘ ਬੜਵਾ, ਰਾਮ ਸਿੰਘ ਫੂਲੜੇ, ਦੇਵ ਸਿੰਘ ਚੇਚੀ, ਰਾਮਪਾਲ ਅਤੇ ਸਮੂਹ ਰਾਣਾ ਪਰਿਵਾਰ ਹਾਜ਼ਰ ਸੀ |
