ਰੂਪਨਗਰ, 14 ਜੁਲਾਈ (ਸਟਾਫ਼ ਰਿਪੋਰਟਰ)-ਇਨਰਵ੍ਹੀਲ ਕਲੱਬ ਰੂਪਨਗਰ (ਡਿਸਟ੍ਰਿਕਟ 308) ਵਲੋਂ ਵਾਤਾਵਰਣ ਸੰਭਾਲ ਦੇ ਉਦੇਸ਼ ਨਾਲ ਸਨ ਐਨਕਲੇਵ ਵਿਖੇ 2026-27 ਦੀ ਪਹਿਲੀ ਬੂਟਾ ਲਗਾਓ ਮੁਹਿੰਮ ਚਲਾਈ ਗਈ। ਕਲੱਬ ਦੀ ਪ੍ਰਧਾਨ ਸ਼੍ਰੀਮਤੀ ਕੁਸੁਮ ਸ਼ਰਮਾ ਦੀ ਅਗਵਾਈ ਹੇਠ ਗੁਰਮੀਤ ਕੌਰ, ਖਜ਼ਾਨਚੀ ਮੀਨਲ ਵਾਸੂਦੇਵਾ, ਆਈ.ਐਸ.ਓ. ਵਿਨੀਤਾ ਗੁਪਤਾ ਅਤੇ ਕਾਰਜਕਾਰਨੀ ਮੈਂਬਰ ਡੌਲੀ ਵਾਸਨ ਤੇ ਸ਼ਵੇਤਾ ਅਰੋੜਾ ਨੇ 12 ਸਿਲਵਰ ਓਕ ਦੇ ਬੂਟੇ ਲਗਾਏ। ਇਸ ਮੌਕੇ ਈਕੋ-ਵਾਰੀਅਰ ਜਗਜੀਤ ਸਿੰਘ ਨੇ ਵੀ ਮੁਹਿੰਮ ਵਿਚ ਸਰਗਰਮ ਸਹਿਯੋਗ ਦਿੱਤਾ। ਪ੍ਰਧਾਨ ਕੁਸੁਮ ਸ਼ਰਮਾ ਨੇ ਕਿਹਾ ਕਿ ਕਲੱਬ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਹਰਿਆ-ਭਰਿਆ, ਸਿਹਤਮੰਦ ਅਤੇ ਟਿਕਾਊ ਵਾਤਾਵਰਣ ਸਿਰਜਣ ਲਈ ਵਚਨਬੱਧ ਹੈ। ਉਨ੍ਹਾਂ ਦੱਸਿਆ ਕਿ ਕਲੱਬ ਵਲੋਂ ਸਾਲ ਭਰ ਅਜਿਹੀਆਂ ਵਾਤਾਵਰਣ ਪੱਖੀ ਗਤੀਵਿਧੀਆਂ ਜਾਰੀ ਰੱਖੀਆਂ ਜਾਣਗੀਆਂ।
