ਰੂਪਨਗਰ

ਭਾਖੜਾ ਡੈਮ ਦੀ ਗੋਬਿੰਦ ਸਾਗਰ ਝੀਲ ’ ਚੋਂ ਨਿਕਲੀ 28.5 ਕਿੱਲੋ ਦੀ ‘ ਦੈਂਤ ’ ਮੱਛੀ ਮੱਛੀ ਦੇ ਸ਼ੌਕੀਨਾਂ ਲਈ ਖ਼ਾਸ ਖਿੱਚ ਬਣੀ ਬਿਗਹੈੱਡ ‘ਸਿਲਵਰ’ ਕਾਰਪਂ

ਕ

ਕੋਹਲੀ ਫਿਸ਼ ਪਹਾੜੀ ਮਾਰਕੀਟ ਵਿਖੇ ਲੱਗੀ ਵੇਖਣ ਵਾਲਿਆਂ ਦੀ ਭੀੜ 09-09-2026

ਨੰਗਲ, 8 ਸਤੰਬਰ (ਪ੍ਰੀਤਮ ਸਿੰਘ ਬਰਾਰੀ)-ਭਾਖੜਾ ਡੈਮ ਦੀ ਵਿਸ਼ਾਲ ਗੋਬਿੰਦ ਸਾਗਰ ਝੀਲ ਵਿਚੋਂ ਅੱਜ ਇੱਕ ਵਾਰ ਫਿਰ ਵਿਸ਼ਾਲ ਅਕਾਰੀ ਮੱਛੀ ਨਿਕਲਣ ਨਾਲ ਮੱਛੀ ਦੇ ਸ਼ੌਕੀਨਾਂ ਲਈ ਖ਼ਾਸ ਖਿੱਚ ਪੈਦਾ ਹੋ ਗਈ। ਅੱਜ ਫੜੀ ਗਈ ਬਿਗਹੈੱਡ ਮੱਛੀ, ਜਿਸ ਨੂੰ ਸਿਲਵਰ ਕਾਰਪ ਵੀ ਕਿਹਾ ਜਾਂਦਾ ਹੈ, ਦਾ ਵਜ਼ਨ 28 ਕਿੱਲੋ 500 ਗ੍ਰਾਮ ਦੱਸਿਆ ਗਿਆ ਹੈ। ਵਿਸ਼ਾਲ ਆਕਾਰ ਦੀ ਇਸ ਮੱਛੀ ਨੂੰ ਵੇਖਣ ਲਈ ਲੋਕਾਂ ਵਿਚ ਕਾਫ਼ੀ ਉਤਸੁਕਤਾ ਦੇਖਣ ਨੂੰ ਮਿਲੀ। ਕੋਹਲੀ ਫਿਸ਼ ਪਹਾੜੀ ਮਾਰਕੀਟ ਦੇ ਮਾਲਕ ਬਵਨਦੀਪ ਸਿੰਘ ਕੋਹਲੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੱਛੀ ਫੜਨ ਦੇ ਸੀਜ਼ਨ ਦੌਰਾਨ ਗੋਬਿੰਦ ਸਾਗਰ ਝੀਲ ਵਿਚੋਂ ਕਦੇ-ਕਦਾਈਂ ਅਜਿਹੀਆਂ ਵੱਡੇ ਆਕਾਰ ਦੀਆਂ ਮੱਛੀਆਂ ਵੀ ਨਿਕਲਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਅੱਜ ਮਿਲੀ 28 ਕਿੱਲੋ 500 ਗ੍ਰਾਮ ਦੀ ਬਿਗਹੈੱਡ ਮੱਛੀ ਆਪਣੇ ਭਾਰੀ-ਭਰਕਮ ਆਕਾਰ ਕਾਰਨ ਵਿਸ਼ੇਸ਼ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਭਾਖੜਾ ਡੈਮ ਨਾਲ ਲੱਗੀ ਗੋਬਿੰਦ ਸਾਗਰ ਝੀਲ ਆਪਣੀ ਵਿਸ਼ਾਲਤਾ ਅਤੇ ਮੱਛੀ ਉਤਪਾਦਨ ਲਈ ਜਾਣੀ ਜਾਂਦੀ ਹੈ। ਵੱਡੇ ਆਕਾਰ ਦੀ ਮੱਛੀ ਦੇ ਸਾਹਮਣੇ ਆਉਂਦਿਆਂ ਹੀ ਮੱਛੀ ਦੇ ਸ਼ੌਕੀਨਾਂ ਵਿਚ ਇਸ ਨੂੰ ਦੇਖਣ ਅਤੇ ਇਸ ਦੀ ਤਸਵੀਰ ਆਪਣੇ ਕੈਮਰੇ ਵਿਚ ਕੈਦ ਕਰਨ ਲਈ ਉਤਸੁਕਤਾ ਬਣੀ ਰਹੀ।

ਪਿਛਲੀ ਖ਼ਬਰ ਪ੍ਰਾਚੀਨ ਮੰਦਰ ਬਾਬਾ ਬਿੜੇ ਵਾਲੇ ਸੂਰੇਵਾਲ ਵਿਖੇ ਸਾਲਾਨਾ ਭੰਡਾਰਾ 13 ਨੂੰ ਅਗਲੀ ਖ਼ਬਰ ਵਾਹ ਨੀ ਸਰਕਾਰੇ ਤੇਰੇ ਰੰਗ ਨਿਆਰੇ...

ਸੰਬੰਧਿਤ ਖ਼ਬਰਾਂ