ਪਟਿਆਲਾ, 22 ਫਰਵਰੀ (ਧਰਮਿੰਦਰ ਸਿੰਘ ਸਿੱਧੂ)-ਮੁਹੱਲਾ ਸੁਧਾਰ ਕਮੇਟੀ ਦੇ ਪ੍ਰਧਾਨ ਨਵੀਨ ਸ਼ਰਮਾ ਅਤੇ ਜਰਨਲ ਸਕੱਤਰ ਮਹੇਸ ਕਪੂਰ ਦੀ ਅਗਵਾਈ 'ਚ ਮੁਹੱਲਾ ਸੁਧਾਰ ਕਮੇਟੀ ਦੇ ਡੈਪੂਟੇਸ਼ਨ ਨੇ ਬਲਤੇਜ ਪੰਨੂ ਮੁੱਖ ਮੰਤਰੀ ਪੰਜਾਬ ਮੀਡੀਆ ਸਲਾਹਕਾਰ ਅਤੇ ਆਮ ਆਦਮੀ ਪਾਰਟੀ ਦੇ ਜਨਰਲ ਸਕੱਤਰ ਨਾਲ ਬੀ ਟੈਂਕ ਮੁਹੱਲੇ 'ਚ ਸੀਵਰੇਜ ਦੀ ਦਿੱਕਤ ਨੂੰ ਲੈ ਕੇ ਕੀਤੀ ਮੁਲਾਕਾਤ ਮੁਹੱਲਾ ਸੁਧਾਰ ਪ੍ਰਧਾਨ ਨਵੀਨ ਸ਼ਰਮਾ ਨੇ ਬਲਤੇਜ ਪੰਨੂ ਨੂੰ ਬੀ ਟੈਂਕ ਏਰੀਏ ਵਿਖੇ ਪਿਛਲੇ ਕਈ ਸਾਲਾਂ ਤੋਂ ਸੀਵਰੇਜ ਅਤੇ ਨਾਲੀਆਂ ਦੀ ਆ ਰਹੀ ਦਿੱਕਤ ਦੇ ਬਾਰੇ ਜਾਣੂ ਕਰਾਇਆ | ਇਸ ਮੌਕੇ ਮੁਹੱਲਾ ਸੁਧਾਰ ਕਮੇਟੀ ਦੇ ਡੈਪੂਟੇਸ਼ਨ ਵਲੋਂ ਬਲਤੇਜ ਪੰਨੂ ਨੂੰ ਮੰਗ ਪੱਤਰ ਵੀ ਦਿੱਤਾ ਗਿਆ | ਮੀਟਿੰਗ ਦੌਰਾਨ ਮੁਹੱਲਾ ਸੁਧਾਰ ਕਮੇਟੀ ਦੇ ਜਨਰਲ ਸਕੱਤਰ ਮਹੇਸ਼ ਕਪੂਰ ਅਤੇ ਸਕੱਤਰ ਅਭਿਸ਼ੇਕ ਮਲੋਤਰਾ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨਾਲੀਆਂ ਤੇ ਸੀਵਰੇਜ ਦਾ ਗੰਦਾ ਪਾਣੀ ਸੜਕਾਂ 'ਤੇ ਆ ਕੇ ਬੀ ਟੈਂਕ ਏਰੀਏ ਦੇ ਲੋਕਾਂ ਨੂੰ ਬਹੁਤ ਹੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਨਾਲ ਵੀ ਜੂਝਣਾ ਪੈ ਰਿਹਾ ਹੈ | 25 ਅਗਸਤ 2025 ਨੂੰ ਵਿਧਾਇਕ ਨਗਰ ਨਿਗਮ ਮੇਅਰ ਅਤੇ ਨਗਰ ਨਿਗਮ ਕਮਿਸ਼ਨਰ ਦੁਆਰਾ ਬੀ ਟੈਂਕ ਮੁਹੱਲੇ ਦਾ ਮੌਕਾ ਦੇਖਿਆ ਗਿਆ | ਉਸ ਦੇ ਬਾਵਜੂਦ ਵੀ ਮੁਹੱਲੇ ਦੀ ਸਮੱਸਿਆ ਜਿਉਂ ਦੀ ਤਿਉਂ ਹੀ ਹੈ | ਮੀਟਿੰਗ ਦੌਰਾਨ ਬਲਤੇਜ ਪੰਨੂ ਨੇ ਮੁਹੱਲਾ ਨਿਵਾਸੀਆਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਨਿਗਮ ਦੇ ਕਮਿਸ਼ਨਰ ਦੇ ਨਾਲ ਗੱਲਬਾਤ ਕਰਕੇ ਤੁਹਾਡੇ ਇਸ ਮੁਹੱਲੇ ਦੀ ਸਮੱਸਿਆ ਦਾ ਜਲਦ ਤੋਂ ਜਲਦ ਹੱਲ ਕਰਵਾਉਣ ਦੀ ਕੋਸ਼ਿਸ਼ ਕਰਾਂਗਾ | ਅੱਜ ਦੇ ਇਸ ਡੈਪੂਟੇਸ਼ਨ 'ਚ ਪ੍ਰਧਾਨ ਨਵੀਨ ਸ਼ਰਮਾ, ਜਨਰਲ ਸਕੱਤਰ ਮਹੇਸ਼ ਕਪੂਰ, ਸੈਕਟਰੀ ਅਭਿਸ਼ੇਕ ਮਲਹੋਤਰਾ, ਸਕੱਤਰ ਭਾਰਤ ਭੂਸਣ ਸ਼ਰਮਾ, ਵਾਈਸ ਪ੍ਰਧਾਨ ਬਰਿੰਦਰ ਸਿੰਘ, ਲਵੀਸ਼ ਕੁਮਾਰ, ਰਾਜਕੁਮਾਰ ਮਹਿਤਾ, ਜਸਕਰਨ ਸਿੰਘ ਸਨੀ, ਰਾਜੂ, ਮਨੋਜ ਕੁਮਾਰ, ਆਤਮ ਪ੍ਰਕਾਸ਼ ਸ਼ਾਮਿਲ ਸਨ |
