ਰਾਜਪੁਰਾ, 9 ਮਾਰਚ (ਰਣਜੀਤ ਸਿੰਘ)-ਸਥਾਨਿਕ ਸ਼ਹਿਰ 'ਚ ਦਿਨ ਦਿਹਾੜੇ ਝਪਟਮਾਰਾਂ ਨੇ ਗੋਬਿੰਦ ਕਾਲੋਨੀ 'ਚ ਇਕ ਔਰਤ ਦੇ ਕੰਨਾਂ 'ਚੋਂ ਵਾਲੀਆਂ ਝਪਟਣ ਦੀ ਕੋਸ਼ਿਸ਼ ਕੀਤੀ | ਔਰਤ ਨੇ ਹੌਸਲਾ ਕਰਕੇ ਰੌਲਾ ਪਾ ਦਿੱਤਾ | ਇਸ ਰੌਲ਼ੇ ਕਾਰਨ ਲੋਕ ਇਕੱਠੇ ਹੋ ਗਏ ਅਤੇ ਝਪਟਮਾਰ ਮੌਕੇ ਤੋਂ ਫ਼ਰਾਰ ਹੋ ਗਏ ਭਾਵੇਂ ਝਪਟਮਾਰਾਂ ਦਾ ਦਾਅ ਨਹੀਂ ਲੱਗਾ ਪਰ ਉਨ੍ਹਾਂ ਨੇ ਚਿੱਟੇ ਦਿਨ ਹੌਸਲਾ ਕੀਤਾ | ਝਪਟਮਾਰਾਂ ਦੇ ਹੌਸਲੇ ਇੰਨੇ ਜ਼ਿਆਦਾ ਬੁਲੰਦ ਹੋਏ ਪਏ ਹਨ ਕਿ ਇਨ੍ਹਾਂ ਦੀ ਕਾਰਗੁਜਾਰੀ ਦੇ ਮੂਹਰੇ ਪੁਲਿਸ ਪ੍ਰਸ਼ਾਸਨ ਦੀ ਕਾਰ ਗੁਜ਼ਾਰੀ ਫ਼ੇਲ੍ਹ ਪਰ ਝਪਟਮਾਰਾਂ ਦਾ ਕਾਰਨਾਮਾ ਪਾਸ ਵਿਖਾਈ ਦੇ ਰਿਹਾ ਹੈ | ਜਾਣਕਾਰੀ ਮੁਤਾਬਿਕ ਰਾਜਪੁਰਾ ਟਾਊਨ ਵਾਸੀ ਕਿਰਨ ਆਪਣੇ ਬੱਚੇ ਨੂੰ ਸਕੂਲ ਛੱਡ ਕੇ ਘਰ ਨੂੰ ਵਾਪਸ ਜਾ ਰਹੀ ਸੀ | ਕਿਰਨ ਆਪਣੇ ਬੱਚੇ ਨੂੰ ਸਕੂਲ ਛੱਡ ਕੇ ਥੋੜੀ ਜਿਹੀ ਦੂਰੀ 'ਤੇ ਆਈ ਹੋਵੇਗੀ ਤਾਂ ਉਸ ਨੂੰ ਮੋਟਰ ਸਾਈਕਲ ਸਵਾਰਾਂ ਨੇ ਘੇਰ ਲਿਆ | ਉਨ੍ਹਾਂ ਝਪਟਮਾਰਾਂ ਨੇ ਕਿਰਨ ਦੇ ਕੰਨਾਂ 'ਚ ਪਾਈਆਂ ਹੋਈਆਂ ਵਾਲੀਆਂ ਅਤੇ ਚੈਨੀ ਵਗ਼ੈਰਾ ਝਪਟਣ ਦੀ ਕੋਸ਼ਿਸ਼ ਕੀਤੀ | ਇਸ 'ਤੇ ਹੌਸਲਾ ਕਰਕੇ ਕਿਰਨ ਨੇ ਸ਼ੋਰ ਪਾ ਦਿੱਤਾ ਅਤੇ ਝਪਟਮਾਰ ਮੌਕੇ ਤੋਂ ਫ਼ਰਾਰ ਹੋ ਗਏ | ਇਸ ਸੰਬੰਧੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ | ਇਸ ਸੰਬੰਧੀ ਸ਼ਹਿਰ ਵਾਸੀਆਂ ਦਾ ਕਹਿਣਾ ਹੈ ਕਿ ਝਪਟਮਾਰਾਂ ਦੇ ਸਾਹਮਣੇ ਪੁਲਿਸ ਪ੍ਰਸ਼ਾਸਨ ਬੇਵੱਸ ਜਿਹਾ ਨਜ਼ਰੀ ਆ ਰਿਹਾ ਹੈ | ਸ਼ਹਿਰ ਵਿਚ ਇਕ ਤਰ੍ਹਾਂ ਨਾਲ ਪੁਲਿਸ ਨਰਮ ਅਤੇ ਝਪਟਮਾਰ ਸਰਗਰਮ ਹੋਏ ਵਿਖਾਈ ਦੇ ਰਹੇ ਹਨ | ਲੋਕਾਂ ਨੇ ਮੰਗ ਕੀਤੀ ਹੈ ਕਿ ਸ਼ਹਿਰ ਵਿਚ ਸੀਸੀਟੀਵੀ ਕੈਮਰੇ ਲਾਏ ਜਾਣੇ ਚਾਹੀਦੇ ਹਨ | ਲੋਕ ਦਿਨੇ ਵੀ ਘਰੋਂ ਬਾਹਰ ਪੈਣ ਪੁੱਟਣ ਤੋਂ ਡਰਨ ਲੱਗ ਪਏ ਹਨ | ਝਪਟਮਾਰਾਂ ਦਾ ਕਾਰਨਾਮਾ ਨੇੜੇ ਲੱਗੇ ਸੀਸੀਟੀਵੀ ਕੈਮਰੇ
