ਬਰਗਾੜੀ, 2 ਮਾਰਚ (ਲਖਵਿੰਦਰ ਸ਼ਰਮਾ)-ਸਰਕਾਰੀ ਪਸ਼ੂਆਂ ਦੇ ਹਸਪਤਾਲ ਬਰਗਾੜੀ ਦੇ ਡਾ. ਰੌਸ਼ਨ ਸਿੰਘ ਨੇ ਸਰਕਾਰੀ ਪ੍ਰਾਇਮਰੀ ਸਕੂਲ ਗੋਂਦਾਰਾ ਵਿਖੇ ਬੱਚਿਆਂ ਨੂੰ ਚੂਹਿਆਂ ਵਲੋਂ ਫ਼ੈਲਾਈ ਜਾ ਰਹੀ ਬਿਮਾਰੀ ਲਿਪਟੋਸਪਾਈਰੋਸਿਸ ਪ੍ਰਤੀ ਜਾਗੂਰਕ ਕੀਤਾ ਤਾਂ ਕਿ ਬੱਚੇ ਆਪਣੇ ਮਾਪਿਆਂ ਨੂੰ ਸਹਿਯੋਗ ਦੇ ਕੇ ਚੂਹਿਆਂ ਰਾਹੀਂ ਫ਼ੈਲਾਈਆਂ ਜਾ ਰਹੀਆਂ ਬਿਮਾਰੀਆਂ ਤੋਂ ਬਚ ਸਕਣ | ਬਿਮਾਰੀ ਲਿਪਟੋਸਪਾਈਰੋਸਿਸ ਬਾਰੇ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਇਸ ਬਿਮਾਰੀ ਸਮੇਂ ਸਾਨੂੰ ਵਾਰ ਵਾਰ ਬੁਖਾਰ, ਸਿਰ ਦਰਦ ਆਦਿ ਹੁੰਦਾ ਹੈ ਤੇ ਇਸ ਬਿਮਾਰੀ ਦਾ ਸ਼ੱਕ ਹੋਣ 'ਤੇ ਤੁਰੰਤ ਸਾਨੂੰ ਟੈਸਟ ਕਰਵਾਉਣੇ ਚਾਹੀਦੇ ਹਨ | ਡਾ. ਰੌਸ਼ਨ ਸਿੰਘ ਨੇ ਦੱਸਿਆ ਕਿ ਚੂਹੇ ਕਿਸੇ ਵੀ ਬੈਕਟੀਰੀਆ ਨੂੰ ਆਸਾਨੀ ਨਾਲ ਇਕ ਤੋਂ ਦੂਸਰੇ ਥਾਂ ਲੈ ਜਾਂਦੇ ਹਨ ਤੇ ਬਿਮਾਰੀ ਫ਼ੈਲ ਜਾਂਦੀ ਹੈ | ਸਕੂਲ ਮੁਖੀ ਹਰਵਿੰਦਰ ਸਿੰਘ ਨੇ ਪਸ਼ੂ ਪਾਲਣ ਵਿਭਾਗ ਤੇ ਡਾ. ਰੌਸ਼ਨ ਸਿੰਘ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ |
