ਕੋਟਕਪੂਰਾ, 8 ਜੂਨ (ਮੋਹਰ ਸਿੰਘ ਗਿੱਲ)-ਥਾਣਾ ਸਦਰ ਕੋਟਕਪੂਰਾ ਦੀ ਪੁਲਿਸ ਨੂੰ ਇਕ ਪਿੰਡ ਦੀ ਔਰਤ ਨੇ ਬਿਆਨ ਦੇ ਕੇ ਦੱਸਿਆ ਹੈ ਕਿ ਉਸ ਦੀ ਲੜਕੀ ਦੀ ਜਨਮ ਮਿਤੀ 08.06.2010, ਉਮਰ ਕਰੀਬ 16 ਸਾਲ ਹੈ | ਮਿਤੀ 06/07 ਜੂਨ 2026 ਦੀ ਰਾਤ ਨੂੰ ਉਹ ਕਰੀਬ 01:30 ਵਜੇ ਉਠੀ ਅਤੇ ਦੇਖਿਆ ਕਿ ਮੇਰੇ ਨਾਲ ਦੇ ਮੰਜੇ ਉਪਰ ਸੁੱਤੀ ਮੇਰੀ ਲੜਕੀ ਨਹੀਂ ਸੀ | ਜਿਸ ਦੀ ਉਸ ਨੇ ਆਪਣੇ ਪਤੀ ਸਮੇਤ ਭਾਲ ਕੀਤੀ, ਉਹ ਕਿਤੋਂ ਨਹੀਂ ਮਿਲੀ | ਉਪਰੰਤ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਸ ਨੂੰ ਪਿੰਡ ਦਾ ਹੀ 22-23 ਸਾਲ ਦਾ ਇਕ ਲੜਕਾ ਵਰਗਲਾ ਕੇ ਫੁਸਲਾ ਕੇ ਵਿਆਹ ਦਾ ਝਾਂਸਾ ਦੇ ਕੇ ਭਜਾ ਕੇ ਲੈ ਗਿਆ ਹੈ | ਇਸ ਸੰਬੰਧ 'ਚ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਪੜਤਾਲ ਆਰੰਭ ਕਰ ਦਿੱਤੀ ਹੈ |
