ਪੀ.ਆਰ.ਟੀ.ਸੀ ਪੈਨਸ਼ਨਰਜ਼ ਐਸੋਸੀਏਸ਼ਨ ਦੀ ਮੀਟਿੰਗ
ਫ਼ਰੀਦਕੋਟ, 12 ਨਵੰਬਰ (ਹਰਮਿੰਦਰ ਸਿੰਘ ਮਿੰਦਾ)-ਪੀ. ਆਰ.
ਫ਼ਰੀਦਕੋਟ, 12 ਨਵੰਬਰ (ਹਰਮਿੰਦਰ ਸਿੰਘ ਮਿੰਦਾ)-ਪੀ.ਆਰ.ਟੀ.ਸੀ ਪੈਨਸ਼ਨਰਜ਼ ਐਸੋਸੀਏਸ਼ਨ ਫ਼ਰੀਦਕੋਟ ਡਿਪੂ ਦੀ ਮਹੀਨਾਵਾਰ ਮੀਟਿੰਗ ਪ੍ਰਧਾਨ ਬਾਬੂ ਕਾਲਾ ਰਾਮ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ’ਚ ਸਮੂਹ ਪੈਨਸ਼ਨਰਾਂ ਤੇ ਫ਼ੈਮਲੀ ਪੈਨਸ਼ਨਰਾਂ ਨੇ ਵੱਡੀ ਪੱਧਰ ’ਤੇ ਹਾਜ਼ਰੀ ਭਰਦਿਆਂ ਆਪਣੇ ਲਾਈਫ਼ ਸਰਟੀਫਿਕੇਟ ਭਰਵਾ ਕੇ ਦਫ਼ਤਰ ਵਿਚ ਜਮਾਂ ਕਰਵਾਏ। ਇਸ ਮੌਕੇ ਦਫ਼ਤਰੀ ਸਟਾਫ਼ ਵਲੋਂ ਪੂਰਾ ਸਹਿਯੋਗ ਦਿੰਦਿਆਂ ਸਾਰੇ ਪੈਨਸ਼ਨਰਾਂ ਦੀਆਂ ਸਮੱਸਿਆਂ ਨੂੰ ਸੁਣ ਕੇ ਜਲਦੀ ਹੱਲ ਕਰਨ ਦਾ ਭਰੋਸਾ ਦਿੱਤਾ ਗਿਆ। ਉਪਰੰਤ ਬੱਗੜ ਸਿੰਘ ਘੁੱਦੂਵਾਲਾ ਅਤੇ ਰਾਮ ਪ੍ਰਕਾਸ਼ ਨੂੰ ਜਨਮ ਦਿਨ ’ਤੇ ਸਨਮਾਨਿਤ ਕਰਦਿਆਂ ਲੰਬੀ ਉਮਰ ਤੇ ਤੰਦਰੁਸਤੀ ਦੀ ਕਾਮਨਾ ਕੀਤੀ ਗਈ। ਅਖੀਰ ’ਚ ਜਲੌਰ ਸਿੰਘ ਖ਼ਾਲਸਾ ਵਲੋਂ ਸਭਨਾਂ ਦਾ ਧੰਨਵਾਦ ਕਰਦਿਆਂ ਸੈਂਟਰ ਕਮੇਟੀ ਪਟਿਆਲਾ ’ਤੇ ਪੂਰਨ ਵਿਸ਼ਵਾਸ ਜਿਤਾਇਆ ਤੇ ਬੇਨਤੀ ਕੀਤੀ ਕਿ ਬਜ਼ੁਰਗ ਬਿਮਾਰ ਪੈਨਸ਼ਨਰਾਂ ਦੀਆਂ ਰਹਿੰਦੀਆਂ ਅਦਾਇਗੀਆਂ ਮੈਨੇਜਮੈਂਟ ਨਾਲ ਮੀਟਿੰਗ ਕਰਕੇ ਜਾਰੀ ਕਰਵਾਈਆਂ ਜਾ ਸਕਣ। ਇਸ ਮੌਕੇ ਗੁਰਦੇਵ ਸਿੰਘ, ਬਾਬੂ ਕਾਲਾ ਰਾਮ, ਸੰਪੂਰਨ ਸਿੰਘ ਸੇਖੋਂ, ਮੁਖ਼ਤਾਰ ਸਿੰਘ ਭੱਠਲ, ਦਿਲਜੀਤ ਸਿੰਘ ਕੈਰੋ ਹਾਜ਼ਰ ਸਨ।
