'ਆਪ' ਨੇ ਬੱਸਾਂ ਨੂੰ ਚਲਦੇ ਫਿਰਦੇ ਹੋਰਡਿੰਗ ਬਣਾਇਆ-ਬਾਜਵਾ

ਚੰਡੀਗੜ੍ਹ, 3 ਮਾਰਚ (ਵਿਕਰਮਜੀਤ ਸਿੰਘ ਮਾਨ)-ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੇ ਕਿਹਾ ਕਿ ਪਹਿਲਾਂ ਸਕੂਲਾਂ ਨੂੰ ਆਮ ਆਦਮੀ ਪਾਰਟੀ ਦੇ ਰੰਗਾਂ ਨਾਲ ਰੰਗਿਆ ਗਿਆ, ਫਿਰ ਹਸਪਤਾਲਾਂ ਨੂੰ ਤੇ ਹੁਣ ਤਾਂ ਸਰਕਾਰੀ ਬੱਸਾਂ ਨੂੰ ਵੀ ਰਾਜਨੀਤਿਕ ਬ੍ਰਾਂਡਿੰਗ ਨਾਲ ਲਪੇਟਿਆ ਜਾ ਰਿਹਾ ਹੈ, ਜਿਵੇਂ ਪੰਜਾਬ ਦਾ ਖ਼ਜ਼ਾਨਾ ਸਿਰਫ਼ 'ਆਪ' ਦੀ ਇਸ਼ਤਿਹਾਰਬਾਜ਼ੀ ਮੁਹਿੰਮ ਲਈ ਹੀ ਹੋਵੇ। ਸਕੂਲ ਸਿੱਖਿਆ ਦੇਣ ਲਈ ਹੁੰਦੇ ਹਨ, ਹਸਪਤਾਲ ਇਲਾਜ ਲਈ ਅਤੇ ਬੱਸਾਂ ਯਾਤਰੀਆਂ ਦੀ ਸੇਵਾ ਲਈ, ਨਾ ਕਿ ਕਿਸੇ ਰਾਜਨੀਤਿਕ ਪਾਰਟੀ ਲਈ ਚਲਦੇ ਫਿਰਦੇ ਹੋਰਡਿੰਗ ਬਣਨ ਲਈ, ਜੋ ਸਿਰਫ਼ ਧਾਰਣਾ ਬਣਾਉਣ ਲਈ ਬੇਚੈਨ ਹੈ। ਇਹ ਸ਼ਾਸਨ ਨਹੀਂ; ਇਹ ਅਸੁਰੱਖਿਆ ਨੂੰ ਉਪਲਬਧੀ ਵਾਂਗ ਪੇਸ਼ ਕਰਨ ਦੀ ਕੋਸ਼ਿਸ਼ ਹੈ।