ਵਾਸ਼ਿੰਗਟਨ, 9 ਮਈ (ਏਜੰਸੀ)-ਰੂਸ ਅਤੇ ਯੂਕਰੇਨ ਦਰਮਿਆਨ ਜੰਗਬੰਦੀ ਹੋ ਗਈ ਹੈ | ਇਸ ਦਾ ਐਲਾਨ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕੀਤਾ | ਹਾਲਾਂਕਿ ਇਹ ਜੰਗਬੰਦੀ ਸਿਰਫ਼ 3 ਦਿਨਾਂ ਲਈ ਹੈ | ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਰੂਥ ਸੋਸ਼ਲ 'ਤੇ ਪੋਸਟ ਕਰਦੇ ਹੋਏ ਲਿਖਿਆ ਕਿ ਮੈਨੂੰ ਇਹ ਐਲਾਨ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਰੂਸ ਅਤੇ ਯੂਕਰੇਨ ਵਿਚਕਾਰ ਤਿੰਨ ਦਿਨਾਂ ਦੀ ਜੰਗਬੰਦੀ (9, 10 ਅਤੇ 11 ਮਈ) ਹੋਵੇਗੀ | ਰੂਸ ਵਿਚ ਇਹ ਜਸ਼ਨ ਜਿੱਤ ਦਿਵਸ ਲਈ ਹੈ, ਹਾਲਾਂਕਿ ਇਹੀ ਗੱਲ ਯੂਕਰੇਨ 'ਤੇ ਵੀ ਲਾਗੂ ਹੁੰਦੀ ਹੈ, ਕਿਉਂਕਿ ਉਹ ਵੀ ਦੂਜੇ ਵਿਸ਼ਵ ਯੁੱਧ ਵਿੱਚ ਇੱਕ ਵੱਡਾ ਹਿੱਸਾ ਅਤੇ ਕਾਰਨ ਸਨ | ਟਰੰਪ ਨੇ ਲਿਖਿਆ ਕਿ ਇਸ ਜੰਗਬੰਦੀ ਵਿਚ ਸਾਰੀਆਂ ਗਤੀਸ਼ੀਲ ਗਤੀਵਿਧੀਆਂ ਨੂੰ ਮੁਅੱਤਲ ਕਰਨਾ ਅਤੇ ਹਰੇਕ ਪਾਸਿਓਾ 1,000 ਕੈਦੀਆਂ ਦਾ ਆਦਾਨ-ਪ੍ਰਦਾਨ ਸ਼ਾਮਿਲ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਮੈਂ ਇਹ ਬੇਨਤੀ ਨਿੱਜੀ ਤੌਰ 'ਤੇ ਕੀਤੀ ਸੀ ਅਤੇ ਮੈਂ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੈਲੈਂਸਕੀ ਦਾ ਇਸ 'ਤੇ ਸਹਿਮਤ ਹੋਣ ਲਈ ਤਹਿ ਦਿਲੋਂ ਧੰਨਵਾਦੀ ਹਾਂ | ਮੈਨੂੰ ਆਸ ਹੈ ਕਿ ਇਹ ਇਕ ਬਹੁਤ ਲੰਬੇ, ਖ਼ਤਰਨਾਕ ਅਤੇ ਸਖ਼ਤ ਲੜਾਈ ਵਾਲੇ ਯੁੱਧ ਦੇ ਅੰਤ ਦੀ ਸ਼ੁਰੂਆਤ ਹੈ |
