ਜਲੰਧਰ ਛਾਉਣੀ, 24 ਜੁਲਾਈ (ਪਵਨ ਖਰਬੰਦਾ)-ਬੀਤੇ ਕੁਝ ਸਮੇਂ ਤੋਂ ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀਆਂ ਮਿਲ ਰਹੀਆਂ ਧਮਕੀਆਂ ਤੋਂ ਬਾਅਦ ਅੱਜ ਸਵੇਰ ਸਮੇਂ ਇਕ ਵਾਰ ਫਿਰ ਜਲੰਧਰ ਦੇ ਅਧੀਨ ਆਉਂਦੇ ਖੇਤਰ ਧੰਨੋਵਾਲੀ ਸਥਿਤ ਇਕ ਨਿੱਜੀ ਸਕੂਲ ਅਤੇ ਜਲੰਧਰ ਛਾਉਣੀ ’ਚ ਸਥਿਤ ਕੇਂਦਰੀ ਵਿੱਦਿਆਲਾ ਦੇ ਇਕ ਸਕੂਲ ਨੂੰ ਧਮਰੀ ਭਰੀ ਮੇਲ ਮਿਲੀ। ਹਰਕਤ ’ਚ ਆਈ ਜਲੰਧਰ ਕਮਿਸ਼ਨਰੇਟ ਦੀ ਪੁਲਿਸ ਵਲੋਂ ਤੁਰੰਤ ਕਾਰਵਾਈ ਕਰਦੇ ਹੋਏ ਦੋਵੇਂ ਹੀ ਸਕੂਲਾਂ ਦਾ ਬਹੁਤ ਹੀ ਡੂੰਘਾਈ ਨਾਲ ਮੁਆਇਨਾ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਖੋਜੀ ਕੁੱਤਿਆ ਦੀ ਟੀਮ ਵੀ ਹਾਜ਼ਰ ਸੀ। ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ ਦੋਵੇਂ ਹੀ ਸਕੂਲਾਂ ਤੋਂ ਕਿਸੇ ਵੀ ਤਰ੍ਹਾਂ ਦੀ ਕੋਈ ਵੀ ਇਤਰਾਜਯੋਗ ਵਸਤੂ ਨਹੀਂ ਮਿਲੀ।
