ਡਿਜੀਪਿਨ ਨਾਲ ਹੁਣ ਡਿਜੀਟਲ ਹੋਵੇਗੀ ਪਤੇ ਦੀ ਪਛਾਣ
ਮੰਡੀ ਗੋਬਿੰਦਗੜ੍ਹ, 24 ਅਗਸਤ (ਮੋਹਿਤ ਸਿੰਗਲਾ) - ਡਾਕ ਵਿਭਾਗ ਨੇ ਦੇਸ਼ ਵਿਚ ਪਤੇ ਦੀ ਪਛਾਣ ਅਤੇ ਡਲਿਵਰੀ ਪ੍ਰਣਾਲੀ ਨੂੰ ਹੋਰ ਸਟੀਕ ਅਤੇ ਆਸਾਨ ਬਣਾਉਣ ਦੀ ਦਿਸ਼ਾ ਵਿਚ ਡਿਜੀਟਲ ਐਡਰੈਸਿੰਗ ਸਿਸਟਮ ‘ਡਿਜੀਪਿਨ’ ਤਿਆਰ ਕੀਤਾ ਹੈ। 10 ਅੰਕਾਂ ਵਾਲਾ ਇਹ ਡਿਜੀਟਲ ਕੋਡ ਅਕਸ਼ਾਂਸ਼ ਅਤੇ ਦੇਸ਼ਾਂਤਰ (ਲੈਟੀਚਿਊਟ - ਲੌਂਗੀਚਿਊਟ) ’ਤੇ ਆਧਾਰਿਤ ਹੈ ਅਤੇ ਦੇਸ਼ ਦੇ ਕਿਸੇ ਵੀ ਸਥਾਨ ਨੂੰ ਲਗਭਗ 4×4 ਮੀਟਰ ਦੇ ਛੋਟੇ ਭੂਗੋਲਿਕ ਗ੍ਰਿਡ ਵਿਚ ਚਿੰਨ੍ਹਿਤ ਕਰਨ ਦੇ ਸਮਰੱਥ ਹੈ।
ਮੰਡੀ ਗੋਬਿੰਦਗੜ੍ਹ, 24 ਅਗਸਤ (ਮੋਹਿਤ ਸਿੰਗਲਾ) - ਡਾਕ ਵਿਭਾਗ ਨੇ ਦੇਸ਼ ਵਿਚ ਪਤੇ ਦੀ ਪਛਾਣ ਅਤੇ ਡਲਿਵਰੀ ਪ੍ਰਣਾਲੀ ਨੂੰ ਹੋਰ ਸਟੀਕ ਅਤੇ ਆਸਾਨ ਬਣਾਉਣ ਦੀ ਦਿਸ਼ਾ ਵਿਚ ਡਿਜੀਟਲ ਐਡਰੈਸਿੰਗ ਸਿਸਟਮ ‘ਡਿਜੀਪਿਨ’ ਤਿਆਰ ਕੀਤਾ ਹੈ। 10 ਅੰਕਾਂ ਵਾਲਾ ਇਹ ਡਿਜੀਟਲ ਕੋਡ ਅਕਸ਼ਾਂਸ਼ ਅਤੇ ਦੇਸ਼ਾਂਤਰ (ਲੈਟੀਚਿਊਟ - ਲੌਂਗੀਚਿਊਟ) ’ਤੇ ਆਧਾਰਿਤ ਹੈ ਅਤੇ ਦੇਸ਼ ਦੇ ਕਿਸੇ ਵੀ ਸਥਾਨ ਨੂੰ ਲਗਭਗ 4×4 ਮੀਟਰ ਦੇ ਛੋਟੇ ਭੂਗੋਲਿਕ ਗ੍ਰਿਡ ਵਿਚ ਚਿੰਨ੍ਹਿਤ ਕਰਨ ਦੇ ਸਮਰੱਥ ਹੈ। ਇਸ ਦਾ ਉਦੇਸ਼ ਉਨ੍ਹਾਂ ਸਥਾਨਾਂ ਦੀ ਪਛਾਣ ਆਸਾਨ ਬਣਾਉਣਾ ਹੈ, ਜਿੱਥੇ ਰਵਾਇਤੀ ਪਤਾ ਜਾਂ ਮਕਾਨ ਨੰਬਰ ਸਪੱਸ਼ਟ ਨਹੀਂ ਹੁੰਦਾ। ਡਿਜੀਪਿਨ ਰਾਹੀਂ ਡਾਕ ਅਤੇ ਪਾਰਸਲ ਦੀ ਡਲਿਵਰੀ ਹੋਰ ਸਹੀ ਬਣ ਸਕੇਗੀ। ਇਸ ਤੋਂ ਇਲਾਵਾ ਈ-ਕਾਮਰਸ ਅਤੇ ਫੂਡ ਡਿਲਿਵਰੀ ਵਰਗੀਆਂ ਸੇਵਾਵਾਂ ਵਿਚ ਵੀ ਸਹੀ ਸਥਾਨ ਤੱਕ ਪਹੁੰਚਣ ਵਿਚ ਸਹੂਲਤ ਮਿਲੇਗੀ। ਪੇਂਡੂ, ਪਹਾੜੀ ਅਤੇ ਦੂਰ-ਦੁਰਾਡੇ ਇਲਾਕਿਆਂ ਵਿਚ ਇਸ ਦਾ ਵਿਸ਼ੇਸ਼ ਲਾਭ ਮਿਲਣ ਦੀ ਉਮੀਦ ਹੈ। ਐਮਰਜੈਂਸੀ ਹਾਲਾਤ ਵਿਚ ਵੀ ਇਹ ਪ੍ਰਣਾਲੀ ਕਾਫੀ ਲਾਭਦਾਇਕ ਸਾਬਤ ਹੋ ਸਕਦੀ ਹੈ। ਐਂਬੂਲੈਂਸ, ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਵਰਗੀਆਂ ਸੇਵਾਵਾਂ ਨੂੰ ਸੰਬੰਧਤ ਸਥਾਨ ਦੀ ਡਿਜੀਟਲ ਲੋਕੇਸ਼ਨ ਪਛਾਣਨ ਵਿਚ ਮਦਦ ਮਿਲੇਗੀ। ਡਿਜੀਪਿਨ ਦੀ ਇਕ ਖਾਸ ਵਿਸ਼ੇਸ਼ਤਾ ਇਹ ਹੈ ਕਿ ਇਸ ਕੋਡ ਵਿਚ ਕਿਸੇ ਵਿਅਕਤੀ ਦੀ ਨਿੱਜੀ ਜਾਣਕਾਰੀ ਸ਼ਾਮਲ ਨਹੀਂ ਹੁੰਦੀ, ਸਗੋਂ ਇਹ ਸਬੰਧਤ ਸਥਾਨ ਦੀ ਭੂਗੋਲਿਕ ਸਥਿਤੀ ਨੂੰ ਦਰਸਾਉਂਦਾ ਹੈ।
