ਭੰਮੇ ਖ਼ੁਰਦ ਦੇ ਵਾਟਰ ਵਰਕਸ ਦੇ ਡੱਗ ’ਚ ਡੁੱਬਣ ਕਾਰਨ ਮਾਂ ਅਤੇ 2 ਬੱਚਿਆਂ ਦੀ ਮੌਤ
ਝੁਨੀਰ (ਮਾਨਸਾ), 7 ਸਤੰਬਰ (ਸੰਜੀਵ ਸਿੰਗਲਾ)- ਨੇੜਲੇ ਪਿੰਡ ਭੰਮੇ ਖ਼ੁਰਦ ਵਿਖੇ 2 ਬੱਚਿਆਂ ਸਮੇਤ ਮਾਂ ਦੀ ਵਾਟਰ ਵਰਕਸ ਦੇ ਡੱਗ ਵਿਚ ਡੁੱਬਣ ਕਾਰਨ ਮੌਤ ਹੋ ਗਈ ਹੈ । ਜਾਣਕਾਰੀ ਮੁਤਾਬਿਕ ਪਿੰਡ ’ਚ ਅਵਾਰਾ ਪਸ਼ੂਆਂ ਤੋਂ ਫ਼ਸਲਾਂ ਦੀ ਰਾਖੀ ਕਰਨ ਵਾਸਤੇ ਕਿਸਾਨਾਂ ਨੇ ਰਾਖੇ ਰੱਖੇ ਹੋਏ ਸਨ ।
ਝੁਨੀਰ (ਮਾਨਸਾ), 7 ਸਤੰਬਰ (ਸੰਜੀਵ ਸਿੰਗਲਾ)- ਨੇੜਲੇ ਪਿੰਡ ਭੰਮੇ ਖ਼ੁਰਦ ਵਿਖੇ 2 ਬੱਚਿਆਂ ਸਮੇਤ ਮਾਂ ਦੀ ਵਾਟਰ ਵਰਕਸ ਦੇ ਡੱਗ ਵਿਚ ਡੁੱਬਣ ਕਾਰਨ ਮੌਤ ਹੋ ਗਈ ਹੈ । ਜਾਣਕਾਰੀ ਮੁਤਾਬਿਕ ਪਿੰਡ ’ਚ ਅਵਾਰਾ ਪਸ਼ੂਆਂ ਤੋਂ ਫ਼ਸਲਾਂ ਦੀ ਰਾਖੀ ਕਰਨ ਵਾਸਤੇ ਕਿਸਾਨਾਂ ਨੇ ਰਾਖੇ ਰੱਖੇ ਹੋਏ ਸਨ । ਦਲੀਪ ਰਾਮ ਦੀ ਪਤਨੀ ਸੰਤਰਾ ਦੇਵੀ (28) ਬੇਟੀ ਸਕੀਨਾ (9) ਅਤੇ ਬੇਟਾ ਅਜੇ (7) ਦੀ ਪਾਣੀ ਵਾਲੇ ਡੱਗ ’ਚ ਡੁੱਬਣ ਕਾਰਨ ਮੌਤ ਹੋ ਗਈ ਹੈ । ਥਾਣਾ ਝੁਨੀਰ ਦੇ ਮੁਖੀ ਭੁਪਿੰਦਰਜੀਤ ਸਿੰਘ ਨੇ ਦੱਸਿਆ ਕਿ ਸੰਤਰਾ ਦੇਵੀ ਵਾਟਰ ਵਰਕਸ ਕੋਲ 3 ਬੱਚਿਆਂ ਸਮੇਤ ਕੱਖ ਆਦਿ ਵੱਢਣ ਗਈ ਸੀ ਕਿ ਬੱਚੇ ਅਚਾਨਕ ਵਾਟਰ ਵਰਕਸ ਦੇ ਡੱਗ ਵੱਲ ਚਲੇ ਗਏ । ਮੌਕੇ ’ਤੇ ਪਹੁੰਚ ਕੇ ਇਹ ਸੂਚਨਾ ਪ੍ਰਾਪਤ ਹੋਈ ਹੈ ਕਿ ਬੱਚੇ ਪਾਣੀ ਪੀਣ ਲਈ ਡੱਗ ਦੇ ਕੰਢੇ ਗਏ ਤੇ ਪੈਰ ਫਿਸਲਣ ਕਰ ਕੇ ਬੱਚੇ ਪਾਣੀ ’ਚ ਡੁੱਬ ਗਏ । ਤੀਸਰੇ ਬੱਚੇ ਨੇ ਰੌਲਾ ਪਾਇਆ ਤੇ ਮਾਂ ਉਨ੍ਹਾਂ ਨੂੰ ਬਚਾਉਣ ਲਈ ਡੱਗ ਕੋਲ ਗਈ ਤਾਂ ਬਚਾਉਣ ਦੇ ਚੱਕਰ ’ਚ ਉਹ ਵੀ ਤਿਲਕ ਕੇ ਡੱਗ ’ਚ ਡੁੱਬ ਗਈ, ਜਿਸ ਨਾਲ ਤਿੰਨਾਂ ਦੀ ਮੌਤ ਹੋ ਗਈ । ਮ੍ਰਿਤਕਾਂ ਨੂੰ ਪਾਣੀ ’ਚੋਂ ਕੱਢ ਕੇ ਸਿਵਲ ਹਸਪਤਾਲ ਮਾਨਸਾ ਵਿਖੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
