ਰਾਹੁਲ ਗਾਂਧੀ ਕੋਈ ਵੀ . ਵੀ . ਆਈ . ਪੀ . ਨਹੀਂ , ਮਾਣਹਾਨੀ ਮਾਮਲੇ ’ ਚ ਵਕੀਲ ਦੀ ਦਲੀਲ ਸਾਡੇ ਲਈ ਸਾਰੇ ਬਰਾਬਰ, ਤੈਅ ਪ੍ਰਕਿਰਿਆ ਦੀ ਹੋਵੇਗੀ ਪਾਲਣਾ-ਚੀਫ਼ ਜਸਟਿਸ

ਅ

ਅਜੀਤ ਡੈਸਕ 10-09-2026

ਨਵੀਂ ਦਿੱਲੀ, 9 ਸਤੰਬਰ (ਜਗਤਾਰ ਸਿੰਘ)-ਸੁਪਰੀਮ ਕੋਰਟ ’ਚ ਰਾਹੁਲ ਗਾਂਧੀ ਦੀ ਉਸ ਅਪੀਲ ’ਤੇ ਸੁਣਵਾਈ ਹੋਈ, ਜਿਸ ’ਚ ‘ਭਾਰਤ ਜੋੜੋ ਯਾਤਰਾ’ ਦੌਰਾਨ ਭਾਰਤੀ ਫ਼ੌਜ ਤੇ ਚੀਨੀ ਸੈਨਿਕਾਂ ਨੂੰ ਲੈ ਕੇ ਦਿੱਤੇ ਬਿਆਨ ’ਤੇ ਚੱਲ ਰਹੀ ਅਪਰਾਧਕ ਕਾਰਵਾਈ ਨੂੰ ਚੁਣੌਤੀ ਦਿੱਤੀ ਗਈ ਹੈ । ਸ਼ਿਕਾਇਤਕਰਤਾ ਦੇ ਵਕੀਲ ਗੌਰਵ ਭਾਟੀਆ ਨੇ ਮਾਮਲੇ ’ਚ ਛੇਤੀ ਸੁਣਵਾਈ ਦੀ ਮੰਗ ਕੀਤੀ ਤੇ ਕਿਹਾ ਕਿ ਰਾਹੁਲ ਗਾਂਧੀ ਕੋਈ ਵੀ.ਵੀ.ਆਈ.ਪੀ. ਨਹੀਂ ਹਨ । ਇਸ ਦੇ ਜਵਾਬ ’ਚ ਚੀਫ਼ ਜਸਟਿਸ ਸੂਰਿਆਕਾਂਤ ਨੇ ਕਿਹਾ ਕਿ ਅਦਾਲਤ ’ਚ ਸਭ ਬਰਾਬਰ ਹਨ ਤੇ ਤੈਅ ਪ੍ਰਕਿਰਿਆ ਦੀ ਪਾਲਣਾ ਕੀਤੀ ਜਾਵੇਗੀ । ਦਰਅਸਲ ਵਕੀਲ ਗੌਰਵ ਭਾਟੀਆ ਨੇ ਅਦਾਲਤ ਤੋਂ ਗੁਜ਼ਾਰਿਸ਼ ਕੀਤੀ ਕਿ ਰਾਹੁਲ ਗਾਂਧੀ ਦੇ ਮਾਮਲੇ ਨੂੰ ਛੇਤੀ ਸੁਣਵਾਈ ਲਈ ਲਿਆ ਜਾਵੇ ਤੇ ਇਸ ਨੂੰ ਬਾਕੀ ਮਾਮਲਿਆਂ ਤੋਂ ਅਲੱਗ ਕੀਤਾ ਜਾਵੇ। ਭਾਟੀਆ ਨੇ ਦੱਸਿਆ ਕਿ ਇਹ ਮਾਮਲਾ ਵਾਰ-ਵਾਰ ਮੁਲਤਵੀ ਹੁੰਦਾ ਰਿਹਾ ਹੈ ਤੇ ਪਟੀਸ਼ਨਕਰਤਾ ਖ਼ੁਦ ਤੈਅ ਤਰੀਕਾਂ ’ਤੇ ਪੇਸ਼ ਨਹੀਂ ਹੋਏ । ਉਨ੍ਹਾਂ ਇਹ ਵੀ ਦੱਸਿਆ ਕਿ ਕਰੀਬ 5 ਮਹੀਨੇ ਪਹਿਲਾਂ ਵੀ ਇਹ ਮਾਮਲਾ ਸੁਣਵਾਈ ਲਈ ਸੂਚੀਬੱਧ ਹੋਇਆ ਸੀ, ਪਰ ਤਦ ਵੀ ਇਸ ’ਤੇ ਸੁਣਵਾਈ ਨਹੀਂ ਹੋ ਸਕੀ ।