ਰਿਸ਼ਵਤ ਮਾਮਲੇ ’ਚ ਹੁਣ 50 ਹਜ਼ਾਰ ਮੁਆਵਜ਼ੇ ਦੀ ਕੀਤੀ ਮੰਗ
ਚੰਡੀਗੜ੍ਹ, 8 ਅਕਤੂਬਰ (ਮਾਰਕੰਡਾ)- 5 ਕਰੋੜ ਰੁਪਏ ਦੀ ਕਥਿਤ ਰਿਸ਼ਵਤ ਦੀ ਮੰਗ ਨਾਲ ਜੁੜੇ ਮਾਣਹਾਨੀ ਮਾਮਲੇ ਵਿ ਚ ਨਵਾਂ ਮੋੜ ਆਇਆ ਹੈ। ਸਿਵਲ ਸੂਟ ਵਿਚ ਡਿਫੈਂਡੈਂਟ ਨੰਬਰ-2 ਅਤੇ ਪੰਜਾਬ ਹਿਊਮਨ ਰਾਈਟਸ ਆਰਗੇਨਾਈਜ਼ੇਸ਼ਨ ਦੇ ਪ੍ਰਧਾਨ ਰਣਜੀਤ ਸਿੰਘ ਨੇ ਸੀ.
ਚੰਡੀਗੜ੍ਹ, 8 ਅਕਤੂਬਰ (ਮਾਰਕੰਡਾ)- 5 ਕਰੋੜ ਰੁਪਏ ਦੀ ਕਥਿਤ ਰਿਸ਼ਵਤ ਦੀ ਮੰਗ ਨਾਲ ਜੁੜੇ ਮਾਣਹਾਨੀ ਮਾਮਲੇ ਵਿ ਚ ਨਵਾਂ ਮੋੜ ਆਇਆ ਹੈ। ਸਿਵਲ ਸੂਟ ਵਿਚ ਡਿਫੈਂਡੈਂਟ ਨੰਬਰ-2 ਅਤੇ ਪੰਜਾਬ ਹਿਊਮਨ ਰਾਈਟਸ ਆਰਗੇਨਾਈਜ਼ੇਸ਼ਨ ਦੇ ਪ੍ਰਧਾਨ ਰਣਜੀਤ ਸਿੰਘ ਨੇ ਸੀ.ਪੀ.ਸੀ. ਦੀ ਧਾਰਾ 95(1)(ਏ) ਤਹਿਤ ਅਰਜ਼ੀ ਦਾਇਰ ਕਰਕੇ ਮੁਦਈ ਗੁਰਪ੍ਰੀਤ ਕੌਰ ਤੋਂ 50 ਹਜ਼ਾਰ ਰੁਪਏ ਮੁਆਵਜ਼ੇ ਦੀ ਮੰਗ ਕੀਤੀ ਹੈ। ਅਰਜ਼ੀਕਰਤਾ ਦਾ ਦੋਸ਼ ਹੈ ਕਿ ਮੁਦਈ ਵਲੋਂ ਕਥਿਤ ਤੌਰ ’ਤੇ ਤੱਥ ਛੁਪਾ ਕੇ ਜਾਂ ਗਲਤ ਤੇ ਅਧੂਰੇ ਤੱਥ ਪੇਸ਼ ਕਰਕੇ 8 ਸਤੰਬਰ 2026 ਨੂੰ ਅਦਾਲਤ ਤੋਂ ਇਕਪਾਸੜ ਅੰਤਰਿਮ ਰੋਕ ਦਾ ਹੁਕਮ ਹਾਸਲ ਕੀਤਾ ਗਿਆ ਸੀ। ਇਹ ਰੋਕ ਉਸ ਨੂੰ 5 ਕਰੋੜ ਰੁਪਏ ਦੀ ਕਥਿਤ ਰਿਸ਼ਵਤ ਦੀ ਮੰਗ ਨਾਲ ਸਬੰਧਤ ਸਮੱਗਰੀ ਪ੍ਰਸਾਰਿਤ ਕਰਨ ਤੋਂ ਰੋਕਣ ਲਈ ਲਗਾਈ ਗਈ ਸੀ। ਬਾਅਦ ਵਿਚ ਰਣਜੀਤ ਸਿੰਘ ਨੇ ਰੋਕ ਹਟਾਉਣ ਲਈ ਅਰਜ਼ੀ ਦਾਇਰ ਕੀਤੀ। ਅਦਾਲਤ ਨੇ 25 ਸਤੰਬਰ ਦੇ ਹੁਕਮ ਰਾਹੀਂ ਡਿਫੈਂਡੈਂਟ ਨੰਬਰ-2 ਦੇ ਸਬੰਧ ਵਿਚ 8 ਸਤੰਬਰ ਦਾ ਰੋਕ ਹੁਕਮ ਰੱਦ ਕਰ ਦਿੱਤਾ। ਅਰਜ਼ੀਕਰਤਾ ਮੁਤਾਬਕ ਅਦਾਲਤ ਸਾਹਮਣੇ ਪੂਰੀ ਪ੍ਰੈੱਸ ਕਾਨਫਰੰਸ ਅਤੇ ਸਬੰਧਿਤ ਹਾਈ ਕੋਰਟ ਦੇ ਹੁਕਮ ਦੀ ਪੂਰੀ ਪਿਛੋਕੜ ਪਹਿਲਾਂ ਪੇਸ਼ ਨਹੀਂ ਕੀਤੀ ਗਈ ਸੀ। ਹੁਣ 50 ਹਜ਼ਾਰ ਰੁਪਏ ਮੁਆਵਜ਼ੇ ਦੇ ਨਾਲ 8 ਸਤੰਬਰ ਤੋਂ ਅਦਾਇਗੀ ਤੱਕ 12 ਫੀਸਦੀ ਸਾਲਾਨਾ ਵਿਆਜ ਦੀ ਵੀ ਮੰਗ ਕੀਤੀ ਗਈ ਹੈ। ਅਰਜ਼ੀਕਰਤਾ ਨੇ ਕਿਹਾ ਹੈ ਕਿ ਮੁਆਵਜ਼ੇ ਦੀ ਰਕਮ ਮਿਲਣ ’ਤੇ ਉਹ ਪੰਜਾਬ ਸਟੇਟ ਲੀਗਲ ਸਰਵਿਸਿਜ਼ ਅਥਾਰਟੀ ਨੂੰ ਦਾਨ ਕਰ ਦੇਵੇਗਾ। ਅਦਾਲਤ ਦੇ ਫੈਸਲੇ ਤੋਂ ਬਾਅਦ ਮਾਮਲੇ ਦੀ ਅਗਲੀ ਤਸਵੀਰ ਸਪੱਸ਼ਟ ਹੋਵੇਗੀ।
