ਮੋਗਾ, 11 ਅਪ੍ਰੈਲ (ਸੁਰਿੰਦਰਪਾਲ ਸਿੰਘ)-ਗੱਲਬਾਤ ਕਰਦਿਆਂ ਕਮਲ ਅਰੋੜਾ ਅਪੈਕਸ ਮੈਂਬਰ ਪੀ.ਸੀ.ਏ. ਮੋਹਾਲੀ ਨੇ ਦੱਸਿਆ ਪੰਜਾਬ ਸਟੇਟ ਇੰਟਰ ਡਿਸਟਿ੍ਕਟ ਅੰਡਰ-16 ਟੂਰਨਾਮੈਂਟ 2026-27 ਵਿਚ ਮੋਗਾ ਅੰਡਰ-16 ਟੀਮ ਨੇ ਸ਼ਾਨਦਾਰ ਆਲ ਰਾੳਾੂਡ ਪ੍ਰਦਰਸ਼ਨ ਕਰਦਿਆਂ ਮੁਕਤਸਰ ਅੰਡਰ-16 ਟੀਮ ਨੂੰ ਹਰਾ ਕੇ ਮਹੱਤਵਪੂਰਨ ਜਿੱਤ ਦਰਜ ਕੀਤੀ | ਇਹ ਮੈਚ ਮੁਕਤਸਰ ਜ਼ਿਲ੍ਹਾ ਕਿ੍ਕਟ ਗਰਾਊਾਡ ਵਿਚ ਖੇਡਿਆ ਗਿਆ | ਪਹਿਲੀ ਪਾਰੀ ਵਿਚ ਮੋਗਾ ਦੀ ਟੀਮ 101 ਰਨਾਂ 'ਤੇ ਆਊਟ ਹੋ ਗਈ | ਇਸ ਦੇ ਜਵਾਬ ਵਿਚ ਮੁਕਤਸਰ ਦੀ ਟੀਮ ਸਿਰਫ਼ 77 ਰਨਾਂ 'ਤੇ ਹੀ ਸਿਮਟ ਗਈ, ਜਿਸ ਨਾਲ ਮੋਗਾ ਨੂੰ 24 ਰਨਾਂ ਦੀ ਮਹੱਤਵਪੂਰਨ ਲੀਡ ਮਿਲੀ | ਦੂਜੀ ਪਾਰੀ ਵਿਚ ਮੋਗਾ ਦੇ ਬੱਲੇਬਾਜ਼ਾਂ ਨੇ ਬਿਹਤਰ ਪ੍ਰਦਰਸ਼ਨ ਕਰਦਿਆਂ 261 ਰਨਾਂ ਦਾ ਮਜ਼ਬੂਤ ਸਕੋਰ ਖੜ੍ਹਾ ਕੀਤਾ | ਸਕਸ਼ਮ ਜੈਨ ਨੇ 59 ਰਨਾਂ ਦੀ ਸ਼ਾਨਦਾਰ ਪਾਰੀ ਖੇਡੀ, ਜਦ ਕਿ ਜਸ਼ਨਪ੍ਰੀਤ ਸਿੰਘ ਨਾਗੀ ਨੇ 51 ਰਨ ਬਣਾਏ | ਇਸ ਤੋਂ ਇਲਾਵਾ ਗੈਵਿਨ ਕੋਹਲੀ (40), ਆਯਾਨ ਮਹਿੰਦਰੂ (27) ਅਤੇ ਗੁਰਮਨਦੀਪ ਸਿੰਘ ਮਹਿਤਾ (20) ਨੇ ਵੀ ਮਹੱਤਵਪੂਰਨ ਯੋਗਦਾਨ ਪਾਇਆ | ਜਵਾਬ ਵਿਚ ਟਾਰਗੈਟ ਦਾ ਪਿੱਛਾ ਕਰਦਿਆਂ ਮੁਕਤਸਰ ਦੀ ਟੀਮ 218 ਰਨਾਂ 'ਤੇ ਆਊਟ ਹੋ ਗਈ | ਪ੍ਰਭਸ਼ਨ ਸਿੰਘ ਬਰਾੜ ਨੇ 88 ਰਨਾਂ ਦੀ ਵਧੀਆ ਪਾਰੀ ਖੇਡੀ, ਜਦ ਕਿ ਨਰਿੰਦਰਪਾਲ ਨੇ 41 ਰਨ ਬਣਾਏ | ਮੋਗਾ ਦੇ ਗੇਂਦਬਾਜ਼ਾਂ ਨੇ ਬਿਹਤਰੀਨ ਪ੍ਰਦਰਸ਼ਨ ਕੀਤਾ | ਗੈਵਿਨ ਕੋਹਲੀ ਨੇ ਪਹਿਲੀ ਪਾਰੀ ਵਿਚ 5 ਅਤੇ ਦੂਜੀ ਪਾਰੀ ਵਿਚ 3 ਵਿਕਟਾਂ ਹਾਸਲ ਕਰ ਕੇ ਮੈਚ ਜਿਤਾਉਂਦਾ ਪ੍ਰਦਰਸ਼ਨ ਕੀਤਾ | ਉਨ੍ਹਾਂ ਨੂੰ ਜੈ ਦਿਤਿਆ ਤਾਂਗੜੀ (3 ਵਿਕਟਾਂ) ਅਤੇ ਆਯਾਨ ਮਹਿੰਦਰੂ ਨੇ ਚੰਗਾ ਸਹਿਯੋਗ ਦਿੱਤਾ | ਇਸ ਸ਼ਾਨਦਾਰ ਜਿੱਤ ਨਾਲ ਮੋਗਾ ਟੀਮ ਨੇ ਟੂਰਨਾਮੈਂਟ ਵਿਚ ਆਪਣੀ ਪਕੜ ਮਜ਼ਬੂਤ ਕੀਤੀ ਹੈ | ਜ਼ਿਲ੍ਹਾ ਕਿ੍ਕਟ ਐਸੋਸੀਏਸ਼ਨ ਮੋਗਾ ਵਲੋਂ ਸਾਰੇ ਖਿਡਾਰੀਆਂ, ਕੋਚਾਂ ਅਤੇ ਸਹਾਇਕ ਸਟਾਫ਼ ਨੂੰ ਵਧਾਈ ਦਿੱਤੀ ਗਈ ਹੈ | ਇਸ ਮੌਕੇ ਡਾ. ਪੈਟਰਨ ਸੰਜੀਵ ਕੁਮਾਰ ਸੈਣੀ, ਪ੍ਰਧਾਨ ਰਵਿੰਦਰ ਸਿੰਘ, ਪ੍ਰਦੀਪ ਮੋਂਗਾ, ਸਨੀ ਮਨਚੰਦਾ, ਕੋਚ ਮਨਜੀਤ ਕੁਮਾਰ, ਕਪਿਲ ਦੇਵ, ਹਰਸਿਮਰਨ ਸਿੰਘ ਅਤੇ ਮੋਹਨ ਸੁੰਦਰ ਦਾਸ ਆਦਿ ਮੌਜੂਦ ਸਨ |
