ਬਾਘਾ ਪੁਰਾਣਾ, 27 ਅਪ੍ਰੈਲ (ਟਿੰਕੂ ਕਾਠਪਾਲ)-ਮੁਦਕੀ ਰੋਡ ਸਥਿਤ ਤਹਿਸੀਲ ਕੰਪਲੈਕਸ ਬਾਘਾ ਪੁਰਾਣਾ ਵਿਚ ਅੱਜ ਸਨਾਤਨੀ ਆਗੂਆਂ ਵਲੋਂ ਗਊ ਮਾਤਾ ਦੀ ਸਾਂਭ-ਸੰਭਾਲ ਸਬੰਧੀ ਮਹੱਤਵਪੂਰਨ ਮੰਗ ਪੱਤਰ ਦੇਸ਼ ਦੇ ਰਾਸ਼ਟਰਪਤੀ, ਰਾਜਪਾਲ, ਪ੍ਰਧਾਨ ਮੰਤਰੀ ਤੇ ਮੁੱਖ ਮੰਤਰੀ ਦੇ ਨਾਂਅ 'ਤੇ ਐਸ.ਡੀ.ਐਮ. ਬਾਘਾ ਪੁਰਾਣਾ ਰਾਹੀਂ ਨਾਇਬ ਤਹਿਸੀਲਦਾਰ ਨੂੰ ਸੌਂਪਿਆ ਗਿਆ | ਇਸ ਮੌਕੇ ਗਊ ਭਗਤ ਸੁਨੀਲ ਕੁਮਾਰ ਸਿੰਗਲਾ (ਮੁੱਖ ਸੇਵਾਦਾਰ, ਮਹੇਸ਼ ਮੁਨੀ ਹਸਪਤਾਲ), ਵਿਜੇ ਸ਼ਰਮਾ (ਭਾਜਪਾ ਸਟੇਟ ਕਮੇਟੀ ਮੈਂਬਰ), ਬਾਬਾ ਰੂਪ ਲਾਲ, ਅਮਿਤ ਅਗਰਵਾਲ (ਪ੍ਰਧਾਨ, ਯੂਥ ਅਗਰਵਾਲ ਸਭਾ), ਸੰਦੀਪ ਗੋਇਲ, ਰੌਸ਼ਨ ਲਾਲ ਰੋਸ਼ੀ, ਐਡਵੋਕੇਟ ਰਾਮ ਬਾਂਸਲ, ਮਨਦੀਪ ਕੱਕੜ ਤੇ ਰਿੰਕੂ ਮਹਿਰਾ ਸਮੇਤ ਕਈ ਆਗੂਆਂ ਨੇ ਅਗਵਾਈ ਕੀਤੀ | ਇਸ ਮੌਕੇ ਦੀਪਕ ਤਲਵਾੜ (ਭਾਜਪਾ ਮੰਡਲ ਪ੍ਰਧਾਨ), ਦੀਪਕ ਗਰਗ ਬੌਬੀ, ਲਵਲੀ ਬੰਸਲ, ਰਮਨ ਗੁਪਤਾ, ਤਿਲਕ ਰਾਜ ਸੋਨੀ ਆਦਿ ਸ਼ਾਮਲ ਸਨ |
