ਮੋਗਾ, 8 ਮਈ (ਗੁਰਤੇਜ ਸਿੰਘ ਬੱਬੀ)-ਸਿਵਲ ਹਸਪਤਾਲ ਮੋਗਾ ਤੋਂ ਸੇਵਾ-ਮੁਕਤ ਸੀਨੀਅਰ ਫਾਰਮਾਸਿਸਟ ਰਜੇਸ਼ ਕੁਮਾਰ ਭਾਰਦਵਾਜ, ਸੇਵਾ-ਮੁਕਤ ਸਿਹਤ ਸੁਪਰਵਾਈਜ਼ਰ ਨਰਿੰਦਰ ਕੌਰ, ਮੰਜੂ ਭਾਰਦਵਾਜ, ਸੇਵਾ-ਮੁਕਤ ਫਾਰਮੇਸੀ ਅਫ਼ਸਰ ਦਿਨੇਸ਼ ਕਟਾਰੀਆ ਵਲੋਂ ਪਦ-ਉੱਨਤ ਹੋ ਕੇ ਸਿਵਲ ਸਰਜਨ ਮੋਗਾ ਬਣੇ ਡਾ. ਅਸ਼ੋਕ ਸਿੰਗਲਾ ਨੂੰ ਮੁਬਾਰਕਬਾਦ ਦਿੱਤੀ | ਇਸ ਮੌਕੇ ਰਜੇਸ਼ ਕੁਮਾਰ ਭਾਰਦਵਾਜ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਡਾ. ਅਸ਼ੋਕ ਸਿੰਗਲਾ ਇਕ ਨਿਹਾਇਤ ਇਮਾਨਦਾਰ ਤੇ ਸਿਹਤ ਵਿਭਾਗ ਨੂੰ ਸਮਰਪਿਤ ਇਨਸਾਨ ਹਨ ਜਿਨ੍ਹਾਂ ਨੇ ਆਪਣੇ ਡਾਕਟਰੀ ਕਾਰਜਕਾਲ ਸਮੇਤ ਵੱਖ-ਵੱਖ ਅਹੁਦਿਆਂ 'ਤੇ ਰਹਿ ਕੇ ਇਮਾਨਦਾਰੀ ਤੇ ਤਨਦੇਹੀ ਲਾਲ ਕੰਮ ਕੀਤਾ ਅਤੇ ਅੱਜ ਜੋ ਅਹੁਦਾ ਉਨ੍ਹਾਂ ਨੂੰ ਮਿਲਿਆ ਹੈ ਉਹ ਉਨ੍ਹਾਂ ਦੀ ਲਗਨ ਤੇ ਮਿਹਨਤ ਦਾ ਨਤੀਜਾ ਹੈ | ਇਸ ਮੌਕੇ ਡਾ. ਨਰੇਸ਼ ਆਮਲਾ, ਡਾ. ਜਸਜੀਤ ਗਿੱਲ ਵੀ ਹਾਜ਼ਰ ਸਨ |
