ਲੇਖ ਮੁਕਾਬਲਾ ਕਰਵਾਇਆ
ਮੋਗਾ, 10 ਸਤੰਬਰ (ਜਸਪਾਲ ਸਿੰਘ ਬੱਬੀ)-ਡੀ. ਐਮ.
ਮੋਗਾ, 10 ਸਤੰਬਰ (ਜਸਪਾਲ ਸਿੰਘ ਬੱਬੀ)-ਡੀ.ਐਮ. ਕਾਲਜ ਮੋਗਾ ਵਿਖੇ ਸ਼੍ਰੀ ਮਥਰਾ ਦਾਸ ਪਾਹਵਾ ਨੂੰ ਯਾਦ ਕਰਦਿਆਂ ਉਨ੍ਹਾਂ ਦੇ ਜੀਵਨ ਬਾਰੇ ਕਾਲਜ ਦੇ ਵਿਦਿਆਰਥੀਆਂ ਨੂੰ ਜਾਗਰੂਕ ਕਰਦਿਆਂ ਲੇਖ ਮੁਕਾਬਲਾ ਕਰਵਾਇਆ। ਇਸ ਮੌਕੇ ਕਾਲਜ ਪ੍ਰਿੰਸੀਪਲ ਪ੍ਰੋ. ਲਲਿਤ ਮੋਹਨ ਗਰਗ ਨੇ ਵਿਦਿਆਰਥੀਆਂ ਨੂੰ ਲੇਖ ਮੁਕਾਬਲੇ ਦੀ ਮਹੱਤਤਾ ਤੇ ਕਲਾ ਬਾਰੇ ਦੱਸਿਆ। ਉਨ੍ਹਾਂ ਨੇ ਡਾ. ਮਥਰਾ ਦਾਸ ਨੂੰ ਯਾਦ ਕਰਦਿਆਂ ਕਿਹਾ ਕਿ ਅਜਿਹੇ ਵਿਅਕਤੀ ਕਦੇ ਕਦੇ ਹੀ ਦੁਨੀਆਂ ਵਿਚ ਆਉਂਦੇ ਨੇ ਤੇ ਇੱਥੇ ਆ ਕੇ ਆਪਣੇ ਕਰਮਾਂ ਨਾਲ ਦੁਨੀਆਂ ਲਈ ਰੌਸ਼ਨੀ ਬਣ ਕੇ ਰਾਹ ਦਸੇਰੇ ਦਾ ਕੰਮ ਕਰਦੇ ਹਨ। ਉਹ ਅਜਿਹੀ ਪਿਰਤ ਪਾ ਜਾਂਦੇ ਹਨ ਜੋ ਯੁੱਗਾਂ ਤੱਕ ਰਹਿੰਦੀ ਹੈ ਅਤੇ ਉਸ ਰਸਤੇ ‘ਤੇ ਚਲਦੇ ਹੋਏ ਹੋਰ ਵੀ ਬਹੁਤ ਲੋਕ ਆਪਣਾ ਯੋਗਦਾਨ ਪਾਉਂਦੇ ਹਨ। ਇਸ ਲੇਖ ਮੁਕਾਬਲੇ ਦੇ ਨਤੀਜੇ ਵਿਚ ਪਹਿਲਾ ਸਥਾਨ ਭਵਿਆ ਗੋਇਲ, ਦੂਜਾ ਸਥਾਨ ਯਸ਼ਪ੍ਰੀਤ ਸ਼ਰਮਾ ਅਤੇ ਤੀਜਾ ਸਥਾਨ ਅਕਿਰਤੀ ਨੇ ਪ੍ਰਾਪਤ ਕੀਤਾ। ਇਸ ਲੇਖ ਮੁਕਾਬਲੇ ਨੂੰ ਕਰਵਾਉਣ ਵਿਚ ਪੰਜਾਬੀ ਵਿਭਾਗ ਵਲੋਂ ਅਹਿਮ ਭੂਮਿਕਾ ਨਿਭਾਈ ਗਈ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
