ਧੂਰੀ, 8 ਮਈ (ਧਾਂਦਰਾ) - ਪੰਜਾਬ ਕਾਂਗਰਸ ਦੇ ਐੱਸ.ਸੀ. ਵਿੰਗ ਵੱਲੋਂ ਅੱਜ ਸਥਾਨਕ ਮੁੱਖ ਮੰਤਰੀ ਕੈਂਪ ਦਫ਼ਤਰ ਵਿਖੇ ਪੱਤਰ ਸੌਂਪਦਿਆਂ 2027 ਦੀ ਜਨਗਣਨਾ ਲਈ ਜਾਰੀ ਨੋਟੀਫ਼ਿਕੇਸ਼ਨ ਵਿੱਚ ਅਨੁਸੂਚਿਤ ਜਾਤੀ ਭਾਈਚਾਰੇ ਲਈ ਵਰਤੀ ਗਈ ਅਪਮਾਨਜਨਕ ਸ਼ਬਦਾਵਲੀ ਦੇ ਖ਼ਿਲਾਫ਼ ਰੋਸ ਪ੍ਰਗਟਾਇਆ ਗਿਆ | ਆਗੂਆਂ ਨੇ ਮੰਗ ਕੀਤੀ ਕਿ ਸੰਵਿਧਾਨ ਦੀ ਮਰਿਆਦਾ ਨੂੰ ਠੇਸ ਪਹੁੰਚਾਉਣ ਵਾਲੇ ਇਨ੍ਹਾਂ ਸ਼ਬਦਾਂ ਨੂੰ ਤੁਰੰਤ ਹਟਾਇਆ ਜਾਵੇ | ਇਸ ਮੌਕੇ ਪੰਜਾਬ ਕਾਂਗਰਸ ਐੱਸ.ਸੀ. ਵਿੰਗ ਦੇ ਸੂਬਾ ਵਰਕਿੰਗ ਚੇਅਰਮੈਨ ਬਨੀ ਖੈਰਾ ਅਤੇ ਹਲਕਾ ਧੂਰੀ ਤੋਂ ਆਗੂ ਹਰਦੀਪ ਸਿੰਘ ਦੌਲਤਪੁਰ ਨੇ ਕਿਹਾ ਕਿ ਡਾ. ਭੀਮ ਰਾਓ ਅੰਬੇਡਕਰ ਜੀ ਵੱਲੋਂ ਬਣਾਇਆ ਸੰਵਿਧਾਨ ਹਰ ਨਾਗਰਿਕ ਨੂੰ ਬਰਾਬਰਤਾ ਅਤੇ ਸਨਮਾਨ ਨਾਲ ਜੀਣ ਦਾ ਅਧਿਕਾਰ ਦਿੰਦਾ ਹੈ | ਇਸ ਮੌਕੇ ਗੁਰਪ੍ਰੀਤ ਸਿੰਘ ਹਨੀ ਜਾਫਰਪੁਰ ਸੈਕਟਰੀ ਪੰਜਾਬ ਕਰਮਜੀਤ ਕੌਰ ਸੈਕਟਰੀ, ਮਨਦੀਪ ਸਿੰਘ ਮਨੀ ਟਿੱਬਾ ਪ੍ਰਧਾਨ ਅੰਬੇਡਕਰ ਭਲਾਈ ਕਲੱਬ, ਜਸਵਿੰਦਰ ਸਿੰਘ ਪ੍ਰਧਾਨ ਭਾਵਾਦਾਸ, ਹਰਦੀਪ ਸਿੰਘ ਪ੍ਰਧਾਨ ਰਵਿਦਾਸ ਲੋਕ ਭਲਾਈ ਮੰਚ, ਬਲਕਾਰ ਸਿੰਘ ਪ੍ਰਧਾਨ ਸੰਵਿਧਾਨਕ ਰੱਖਸ਼ੱਕ, ਅਮਰਦੀਪ ਸਿੰਘ ਪ੍ਰਧਾਨ ਸਫ਼ਾਈ ਸੇਵਕ ਯੂਨੀਅਨ, ਰਾਜਨ ਵਾਲਮੀਕੀ, ਕੋਨਾਲ ਸਹੋਤਾ, ਹਨੀ ਖੋਰਾ ਪੰਜਾਬ ਪ੍ਰਧਾਨ ਸੰਵਿਧਾਨ ਰਖਸ਼ਕ, ਅਵੀ ਖੋਰਾ ਮੀਤ ਜ਼ਿਲ੍ਹਾ ਪ੍ਰਧਾਨ ਭਾਵਾਦਾਸ ਅਤੇ ਵੱਡੀ ਗਿਣਤੀ ਦੇ ਵਿੱਚ ਭਾਈਚਾਰੇ ਦੇ ਸਾਥੀ ਹਾਜ਼ਰ ਸਨ |
