ਡਾ. ਪ੍ਰਦੀਪ ਵਰਮਾ ਦੀਆਂ ਬੇਟੀਆਂ ਨੇ ਲੋੜਵੰਦ ਬੱਚਿਆਂ ਦੀ ਸਾਲਾਨਾ ਫੀਸ ਦਿੱਤੀ
ਜ਼ੀਰਾ, 3 ਅਗਸਤ (ਰਜਨੀਸ਼ ਕਥੂਰੀਆ)- ਜ਼ੀਰਾ ਵਿਕਾਸ ਪ੍ਰੀਸ਼ਦ ਦੇ ਮੈਂਬਰ ਡਾ. ਪ੍ਰਦੀਪ ਵਰਮਾ ਦੀਆਂ ਬੇਟੀਆਂ ਸੁਰਭੀ ਵਰਮਾ ਅਤੇ ਗਰਿਮਾ ਵਰਮਾ ਨੇ 3 ਲੋੜਵੰਦ ਬੱਚਿਆਂ ਦੀ ਇਕ ਸਾਲ ਦੀ ਸਕੂਲੀ ਫੀਸ ਦੇ ਕੇ ਸਮਾਜ ਸੇਵਾ ਦੀ ਮਿਸਾਲ ਦਿੱਤੀ ਹੈ।
ਜ਼ੀਰਾ, 3 ਅਗਸਤ (ਰਜਨੀਸ਼ ਕਥੂਰੀਆ)- ਜ਼ੀਰਾ ਵਿਕਾਸ ਪ੍ਰੀਸ਼ਦ ਦੇ ਮੈਂਬਰ ਡਾ. ਪ੍ਰਦੀਪ ਵਰਮਾ ਦੀਆਂ ਬੇਟੀਆਂ ਸੁਰਭੀ ਵਰਮਾ ਅਤੇ ਗਰਿਮਾ ਵਰਮਾ ਨੇ 3 ਲੋੜਵੰਦ ਬੱਚਿਆਂ ਦੀ ਇਕ ਸਾਲ ਦੀ ਸਕੂਲੀ ਫੀਸ ਦੇ ਕੇ ਸਮਾਜ ਸੇਵਾ ਦੀ ਮਿਸਾਲ ਦਿੱਤੀ ਹੈ। ਇਸ ਮੌਕੇ ਐਲ.ਕੇ.ਜੀ. ਦੀ ਵਿਦਿਆਰਥਣ ਰਾਗਨੀ ਰਾਜ, ਚੌਥੀ ਜਮਾਤ ਦੀ ਵਿਦਿਆਰਥਣ ਸੁਖਦੀਪ ਕੌਰ ਅਤੇ ਛੇਵੀਂ ਜਮਾਤ ਦੇ ਵਿਦਿਆਰਥੀ ਅਦਿਤਿਆ ਰਾਜ ਦੀ ਸਾਲ ਭਰ ਦੀ ਫੀਸ ਅਦਾ ਕੀਤੀ ਗਈ। ਬੱਚਿਆਂ ਦੇ ਮਾਪੇ ਵਰਿੰਦਰ ਕੌਰ ਸਮੇਤ ਪਰਿਵਾਰਕ ਮੈਂਬਰਾਂ ਨੇ ਡਾ. ਪ੍ਰਦੀਪ ਵਰਮਾ ਦੇ ਪਰਿਵਾਰ ਅਤੇ ਜੀਰਾ ਵਿਕਾਸ ਪਰਿਸ਼ਦ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਇਸ ਸਹਿਯੋਗ ਨਾਲ ਬੱਚਿਆਂ ਦੀ ਪੜ੍ਹਾਈ ਨਿਰੰਤਰ ਜਾਰੀ ਰਹੇਗੀ। ਇਸ ਮੌਕੇ ਜ਼ੀਰਾ ਵਿਕਾਸ ਪ੍ਰੀਸ਼ਦ ਦੇ ਸਰਪ੍ਰਸਤ ਅਤੇ ਸਾਬਕਾ ਮੀਤ ਪ੍ਰਧਾਨ ਨਗਰ ਕੌਂਸਲ ਜ਼ੀਰਾ ਸੁਖਦੇਵ ਬਿੱਟੂ ਵਿੱਜ ਨੇ ਕਿਹਾ ਕਿ ਲੋੜਵੰਦ ਬੱਚਿਆਂ ਦੀ ਪੜਾਈ ਲਈ ਆਰਥਿਕ ਸਹਾਇਤਾ ਪ੍ਰਦਾਨ ਕਰਨੀ ਵੀ ਇਕ ਸਮਾਜ ਸੇਵਾ ਹੈ। ਇਸ ਦੌਰਾਨ ਸੰਸਥਾ ਦੇ ਪ੍ਰਧਾਨ ਚਰਨਪ੍ਰੀਤ ਸਿੰਘ ਸੋਨੂੰ, ਜਨਰਲ ਸਕੱਤਰ ਜਗਦੇਵ ਸ਼ਰਮਾ, ਸਹਾਇਕ ਖਜਾਨਚੀ ਗੁਰਬਖਸ਼ ਸਿੰਘ ਵਿੱਜ, ਸਿਹਤ ਸੇਵਾਵਾਂ ਪ੍ਰੋਜੈਕਟ ਇੰਚਾਰਜ ਡਾ. ਪ੍ਰਦੀਪ ਵਰਮਾ, ਸਲਾਹਕਾਰ ਬੰਟੀ ਗੁਲਾਟੀ, ਰਿਪਨ ਅਰੋੜਾ, ਪ੍ਰਿੰਸੀਪਲ ਪੂਨਮ ਸ਼ਰਮਾ, ਅੰਜੂ ਵਰਮਾ, ਸਿਲਾਈ ਸੈਂਟਰ ਇੰਚਾਰਜ ਰਮਾ ਸ਼ਰਮਾ, ਸੁਮਨ ਬੰਸੀਵਾਲ, ਅਧਿਆਪਕਾ ਜਸਪਾਲ ਕੌਰ, ਵੀਰਪਾਲ ਕੌਰ ਅਤੇ ਪੂਨਮ ਰਾਣੀ ਹਾਜ਼ਰ ਸਨ।
