ਭਾਰਤ ਵਿਕਾਸ ਪ੍ਰੀਸ਼ਦ ਨੇ 200 ਤੁਲਸੀ ਦੇ ਬੂਟੇ ਵੰਡੇ
ਤਲਵੰਡੀ ਭਾਈ, 4 ਅਗਸਤ (ਰਵਿੰਦਰ ਸਿੰਘ ਬਜਾਜ)-ਭਾਰਤ ਵਿਕਾਸ ਪ੍ਰੀਸ਼ਦ ਤਲਵੰਡੀ ਭਾਈ ਵਲੋਂ ਗਊ ਮਾਤਾ ਸਮਾਧੀ ਮੰਦਰ ’ਚ ਘਰ-ਘਰ ਤੁਲਸੀ ਵੰਡ ਸਮਾਗਮ ਕਰਵਾਇਆ ਗਿਆ। ਇਸ ਦੌਰਾਨ 200 ਦੇ ਕਰੀਬ ਸ਼ਿਆਮਾ ਤੁਲਸੀ ਦੇ ਬੂਟੇ ਦੂਰੋਂ-ਨੇੜਿਓ ਆਏ ਲੋਕਾਂ ਨੂੰ ਵੰਡੇ ਗਏ।
ਤਲਵੰਡੀ ਭਾਈ, 4 ਅਗਸਤ (ਰਵਿੰਦਰ ਸਿੰਘ ਬਜਾਜ)-ਭਾਰਤ ਵਿਕਾਸ ਪ੍ਰੀਸ਼ਦ ਤਲਵੰਡੀ ਭਾਈ ਵਲੋਂ ਗਊ ਮਾਤਾ ਸਮਾਧੀ ਮੰਦਰ ’ਚ ਘਰ-ਘਰ ਤੁਲਸੀ ਵੰਡ ਸਮਾਗਮ ਕਰਵਾਇਆ ਗਿਆ। ਇਸ ਦੌਰਾਨ 200 ਦੇ ਕਰੀਬ ਸ਼ਿਆਮਾ ਤੁਲਸੀ ਦੇ ਬੂਟੇ ਦੂਰੋਂ-ਨੇੜਿਓ ਆਏ ਲੋਕਾਂ ਨੂੰ ਵੰਡੇ ਗਏ। ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸੰਸਥਾ ਦੇ ਪਧਾਨ ਭੁਪਿੰਦਰ ਸਿੰਘ ਭਾਨਾ ਨੇ ਦੱਸਿਆ ਕਿ ਪ੍ਰੀਸ਼ਦ ਵਲੋਂ ਹਰ ਸਾਲ ਤੁਲਸੀ ਦੇ ਬੂਟੇ ਵੰਡੇ ਜਾਂਦੇ ਹਨ। ਇਸ ਮੌਕੇ ਰਾਕੇਸ਼ ਕੁਮਾਰ ਗੁਪਤਾ ਨੇ ਕਿਹਾ ਕਿ ਤੰਦਰੁਸਤ ਮਨੁੱਖੀ ਸਰੀਰ ਲਈ ਸਭ ਤੋਂ ਵਧੇਰੇ ਲੋੜ ਹੈ ਸ਼ੁੱਧ ਹਵਾ ਦੀ। ਤੁਲਸੀ ਹੀ ਇਕ ਅਜਿਹਾ ਬੂਟਾ ਹੈ, ਜੋ ਭਰਪੂਰ ਮਾਤਰਾ ’ਚ ਕਾਰਬਨ-ਡਾਈਆਕਸਾਈਡ ਨੂੰ ਸੋਖਦਾ ਹੈ ਅਤੇ ਬਦਲੇ ’ਚ ਸ਼ੁੱਧ ਆਕਸੀਜਨ ਦਿੰਦਾ ਹੈ। ਉਨ੍ਹਾਂ ਤੁਲਸੀ ਪ੍ਰਾਪਤ ਕਰਨ ਵਾਲਿਆਂ ਨੂੰ ਬੇਨਤੀ ਕੀਤੀ ਕਿ ਉਹ ਵਿਅਕਤੀ ਹੀ ਤੁਲਸੀ ਦਾ ਬੂਟਾ ਲੈ ਕੇ ਜਾਵੇ। ਜਿਸ ਨੇ ਇਸ ਦੀ ਸਾਂਭ-ਸੰਭਾਲ ਸਹੀ ਢੰਗ ਨਾਲ ਕਰਨੀ ਹੈ। ਇਸ ਮੌਕੇ ਸੈਕੇਟਰੀ ਰਾਕੇਸ਼ ਗੁਪਤਾ, ਕੈਸ਼ੀਅਰ ਪਵਨ ਗੋਇਲ ਤੋਂ ਇਲਾਵਾ ਪੈਟਰਨ ਡਾ. ਬੀ.ਐਲ. ਪਸਰੀਚਾ, ਅਸ਼ੋਕ ਸਚਦੇਵਾ, ਸੁਰਿੰਦਰ ਨਰੂਲਾ, ਰਾਜ ਕੁਮਾਰ ਅਗਨੀਹੋਤਰੀ, ਜਸਪ੍ਰੀਤ ਸਿੰਘ, ਧਰਮਵੀਰ ਅਤੇ ਨਰੇਸ਼ ਕੁਮਾਰ ਸੇਠੀ ਨੇ ਵੀ ਸਹਿਯੋਗ ਦਿੱਤਾ।
